dëgjoni Ju flet Radio e Jashtme e Kinës, të dashur dëgjues ju përshëndes përsëri në rubrikën "Fakte nga jeta". Në programin e sotëm do t'ju paraqes zhvillimin e industrisë oqeanike të Kinës.

Më 9 shkurt, Drejtoria e Oqeaneve e Shtetit të Kinës publikoi një komunikatë statistikore ku thuhet se në vitin 2005 industria oqeanike e Kinës u zhvilluan shumë shpejt. Ritmi i zhvillimit të industrisë oqeanike është më i lart se ai i GDP-së. Sipas të dhënave statistikore, vëllimi i përgjithshëm i prodhimit të industrisë oqeanike i vitit 2006 do të kalojë në 2 trilionë yuanë. Kjo do të thotë se zhvillimi i industrisë oqeanike ka perspektivë të mirë.

Sipas kësaj Drejtorie, në vitin 2005 vëllimi i përgjithshëm i prodhimit të industrisë oqeanike ishte afro 7 trilionë yuanë. Ritmi i zhvillimit të industrisë oqeanike ishte 2,3% më i lartë se ai i GDP-së.

Duke treguar gjendjen e zhvillimit të industrisë oqeanike të Kinës, zëdhënësi i Drejtorisë së Oqeaneve të Shtetit të Kinës Li Chun tha:

"Në vitin 2005 industria oqeanike u zhvillua në mënyrë të qëndrueshme. Turizmi oqeanik, peshkimi dhe transporti oqeanik, si shtyllat e industrisë oqeanike zënë 75% të kësaj industrie."

Siç mësohet, turizmi oqeanik është pjesa më e madhe e industrisë oqeanike të Kinës. Kjo vjen nga shtimi i të ardhurave të kinezëve dhe zhvillimi i shpejtë i turizmit. Provinca Hainan që ndodhet në rripin tropikal është një nga vendet e pushimit më të mirëpritura në Kinë.

Zonja Zhao Min që ka bërë pushime në Bo Ao të provincës Hainan vlerëson lart panoramat e këtij rajoni. Ajo tha:

"Këtu ka panorama shumë të bukura! E kam vizituar "Bregun e artë" të Australisë. Mendoj se panoramat e Bo Ao-s janë po aq të bukura sa ato të Bregut të artë."

Vizita e turistëve nga vendet e ndryshme e ka ndryshuar shumë Bo Aon. Para disa viteve, Bo Aoja ishte një fshat i panjohur në provincën Hainan, ndërsa tani është bërë një pikë turistike shumë e famshme.

Sipas të dhënave statistikore të Drejtorisë së Oqeaneve të Shtetit të Kinës, në vitin 2005, industria oqeanike e naftës dhe e gazit, industria e anijeve dhe industria e kimisë oqeanike janë zhvilluar dukshëm. Ndërkohë, edhe industria e mjekësisë biologjike oqeanike, industria elektrike oqeanike etj po zhvillohen me një shpejtësi të madhe.

Zëdhënësi i kësaj Drejtorie zoti Li Chun u shpreh se oqeanet e Kinës kanë kushte natyrore të mira, kanë hapësira oqeanike të gjera dhe burime të bollshme, si botashtazore oqeanike, gazi natyror, turizmi oqeanik etj.

Zoti Li tha se për shkak të mundësive ekonomike të mëdha në fushën oqeanike, shfrytëzimi i burimeve oqeanike është bërë një anë e rëndësishme e strategjisë së zhvillimit të Kinës. Zhvillimi i industrisë oqeanike është bërë një përmasë e rëndësishme në zhvillimin e ekonomisë, prandaj do të shtohen gradualisht investimet për mbrojtjen e burimeve oqeanike dhe të mjedisit dhe për menaxhimin e oqeanit.

Duke folur për zhvillimin e industrisë oqeanike të vitit 2006 zoti Li Chun tha:

"Me zhvillimin e shpejtë dhe të qëndrueshëm të ekonomisë, parashikohet që në vitin 2006 vëllimi i përgjithshëm i prodhimit të industrisë oqeanike do të kalojë në 2 trilionë yuanë dhe në fund të këtij viti sasia e punonjësve përkatës do të arrijë 30 milionë. (U Sen)