Sipas Agjencisë Kineze të Lajmeve Hsinhua, tani kultura e Festës së Pranverës të Kinës po bëhet gradualisht kulturë botërore.

Në Kinë, më se 100 milionë njerëz shkojnë në vendlindje për të kaluar festën, ndërsa shumë qytete kanë anuluar rregullat e ndalimit të hedhjes së fishekzjarrëve, si rezultat atmosfera e festës është forcuar më tej. Kurse në vende të tjera, më shumë të huaj kanë filluar të kremtojnë Festën e Pranverës. Këtë vit liderët qeveritarë të shumë vendeve u shprehën kinezëve të mbarë botës përshëndetje të festës.

Siç bëhet e ditur, Ministria e Kulturës e Kinës e ka propozuar "Festën e Pranverës" në listën e trashëgimive jomateriale kulturore të Kinës. (Fani)

Filmi kinez "Djem të këqinj" fitoi "Çmimin e filmit më të mirë" në Festivalin Ndërkombëtar të Filmit të Roterdamit

Gazeta kineze "Beijingqingnianbao" njoftoi se më 5 shkurt, përfundoi Festivali i 35-të Ndërkombëtar i Filmit i Roterdamit. Filmi kinez "Djem të këqinj" i drejtuar nga regjisori Hang Jie fitoi "Çmimin e tigrit të artë për filmin më të mirë".

Komisioni përzgjedhës i festivalit të filmit e vlerësoi lart këtë film dhe u shpreh se interpretimi i aktorit Bai Pei u ka lënë anëtarëve të komisionit mbresa të thella.

Filmi "Djem të këqinj" tregon jetën e 3 të rinjve pas një incidenti dhune dhe pasqyron problemet në rritjen e fëmijëve dhe të rinjve të sotëm kinezë. Ky është edhe filmi i parë i kompanisë së regjisorit të famshëm kinez Jia Zhangke.

Shumë regjisorë të famshëm ndërkombëtarë kanë fituar çmime në Festivalin e Filmit të Roterdamit. (Fani)

Do të zhvillohet në Chengdu ekspozita e filmave francezë

Agjencia kineze e lajmeve Hsinhua njoftoi se nga 12 deri më 13 shkurt, do të zhvillohet në qytetin Chengdu të Kinës jugperëndimore Ekspozita e 3-të e filmave francezë e organizuar bashkërisht nga ambasada e Francës në Kinë dhe Lidhja e Filmit e Francës.

Në këtë ekspozitë do të shfaqen 7 filma francezë si "Fëmijët", "Krishtlindja", "Ditëlindja", "Aeroplani" etj.

Shkëmbimet e filmave kino-francezë filluan në fund të shekullit të 19-të, ndërsa në shekullin e 20-të këto shkëmbime u zhvilluan shpejt. Pas hyrjes në shekullin e 21-të, me zhvillimin e suksesshëm të vitit kulturor të Kinës dhe të Francës dhe me zhvillimin e thellë të marrëdhënieve kino-franceze, shkëmbimet kinematografike midis dy vendeve janë më të shpeshta. (Fani)

U hap në Shangai ekspozita e fotografive të dëshmive budiste të Indisë

Agjencia kineze e lajmeve Hsinhua njoftoi se më 5 shkurt, u hap në Shangai ekspozita e fotografive të dëshmive budiste të Indisë.

Të 71 fotografitë janë bërë nga fotografi indian Benoi K. Behl. Këto vepra pasqyrojnë kulturën e lashtë e të shkëlqyer indiane. Pala indiane shpreson se kjo ekspozitë do të nxitë shkëmbimet kulturore midis Indisë dhe Kinës. (Fani)