Ky lloj disku është shpikur nga Kompania Aksionare Tekniko-shkencore Langke e qytetit Shenzhen të Kinës. Kjo shpikje vlerësohet si e vetmja shpikje e kinezëve në lëmin e rezervimit të të dhënave në kompyter gjatë 20 vjetëve të fundit. Ky produkt është regjistruar me markën "You Pan", që do të thotë "Disku i shkëlqyeshëm". Meqenëse fjala kineze "You" tingëllon si emërtimi i shkronjës së anglishtes "U", pjesa më e madhe e kinezëve e quajnë atë "disku U".

Disku i markës kineze "You Pan" karakterizohet nga sasia e madhe e rezervimit, nga trupi i vogë dhe nga stabiliteti i funksionimit. Kompania Aksionare Tekniko-shkencore Langke e qytetit Shenzhen hodhi kohët e fundit në treg një produkt të ri me vëllimin e rezervimit 4 G. Inspektori i përgjithshëm i kësaj kompanie, zoti Siang Feng tha:

"Ky lloj disku ka një trup kaq të vogël, sa një gist, kurse vëllimi i punës së tij arrin në 4 G, sa 3000 disqe të buta. Si është nocioni i 3000 disqeve të buta? Po të paketohen një nga një, lartësia e tyre do të jetë sa 3 kate të një godine."

Pedagogu i Universitetit Jaiotong të Pekinit, zoti Fan Ming, që ka 3 vjet që përdor një "flash disk", tha:

"Disku im më shërben si një ndihmëse e pamungueshme. Ky lloj disku ka disa të mira: ka vëllim shumë të madh të rezervimit, prandaj është shumë praktik; funksionon në mënyrë shumë stable dhe të sigurt."

Zoti Fan tha se një ditë, disku i tij ra në ujë nga pakujdesia e tij dhe ai pati frikë se mos do të zhdukeshin të gjitha të dhënat, që ai do t'i përdorte për mësimdhënie, dhe disa projekt-dizertacione, që ende nuk kishte mbaruar së shkruari. Por, pasi disku u tha, ai e vuri në kompyter dhe pa se gjithçka ishte në rregull, sikur nuk kishte ndodhur asgjë.

Ky produkt i Kompanisë Aksionare Tekniko-shkencore Langke të qytetit Shenzhen u hodh në treg për herë të parë në vitin 2000 dhe u njoh gjerësisht nga shoqëria pas dy vjetëve. Por aso kohe nuk kishte shumë konsumatorë që blinin atë, sepse çmimi ishte shumë i lartë. Më vonë, për shkak se shumë ndërmarrje kineze dhe të vendeve të tjera filluan të prodhojnë në seri, çmimi u ul vazhdimisht dhe, si rezultat, ato disqe hynë gradualisht në jetesën e masave të gjera popullore.

Tani, "Flash disku" nuk është më i formës së mëparshme, që dukej si një kuti shkrepësesh, dhe llojet e tij janë bërë të larmishme. Qoftë në zyrat e institucineve apo në oborret e universiteteve, shohim se disa varin një disk të till në qafë ose në gjoks. Këto disqe shumëngjyrëshe dhe të shndritshme sikur tregojnë prirjen e tyre për bukurinë. Njëra prej këtyre njerëzve është edhe studentja e Universitetit Jiaotong të Pekinit, zonjusha Sia Tien Tien. Ajo tha:

"Këto disqe duken elegante dhe të lezetshme dhe me ngjyrë të bukur. Kjo copë që e kam unë, duket shumë e bukur, prandaj e dua shumë dhe e var në gjoks çdo ditë."

Para 2 muajve, Kompania Aksionare Tekniko-shkencore Langke e qytetit Shenzhen nxori në pah produktin e saj të një brezi të ri, i cli ka të gjitha funksionet e fotodiskut dhe, siç thotë një person i kësaj kompanie, pas 3-5 vjetëve, ky lloj disku do të zëvendësojë 80% të funksioneve të fotodiskut.

(Zheng)