dëgjoni Pingpongu quhet "sporti i vendit" i Kinës. Sot, kinezët po përpiqen për krijimin e ligës së vet të pingpongut dhe shpresojnë se ajo do të bëhet garë me ndikim botëror.

Kina e ka filluar Ligën Supreme Profesioniste të Pingpongut qysh nga viti 1999. Atëherë, Cai Zhenhua, që u shpall kampion botëror në pingpong, nisi të punonte si drejtor i Drejtorisë së Pingpongut pranë Drejtorisë së Përgjithshme Shtetërore të Sporteve të Kinës. Cai Zhenhua kishte luajtur pingpong në Ligën e Pingpongut të Italisë dhe i njohu nga afër ligat profesioniste sportive të Evropës dhe të SHBA-së. Prandaj, me të filluar detyrën, Cai-u shfaqi mendimin se meqenëse Kina ka numrin më të madh të pingpongistëve të shquar si dhe masën më të madhe të tifozëve të pingpongut, ajo duhet të shfrytëzojë burimet e veta dhe ta bëjë Ligën e Pingpongut të Kinës ligë të shkallës së parë në botë.

Me zhvillimin 7 vjeçar të saj, Liga Supreme e Pingpongut e Kinës është bërë kompeticion me ndikim kombëtar. Në vitin 2005, në këtë ligë morën pjesë 12 klube pingpongu dhe përqindja e shikuesve në stadiumet e krahihave të ndryshme ishte e lartë. Edhe transmetimi i këtyre garave nga Televizioni Qendror i Kinës ka pasur një audiencë të kënaqshme. Lan Ping është një dashamirës pingpongu nga Pekini. Ai tha:

"Shikoj çdo të diel ndeshjet e Ligës Supreme të Pingpongut. Mendoj se niveli i tyre nuk është më i ulët se ai olimpik."

Dhe ashtu është. Për arsye se Kina ka numrin më të madh të fituesve të titujve kampionë botëroër të pingpongut, si dhe shumë lojtarë të dalluar, niveli i Ligës Supreme të Pingpongut të Kinës e kaloi jo vetëm Ligën e Pingpongut të Gjermanisë, që gëzon prestigj në qarqet botërore të pingpongut, por nuk është më i ulët se shumë kompeticione botërore.

Pikërisht për këtë arsye, Liga Supreme e Pingpongut e Kinës, ashtu si NBA në basketboll dhe Seria A e Italisë në futboll, është bërë një ligë ku pingpongistët e mbarë botës dëshirojnë të marrin pjesë. Gjatë sezonit të vitit 2005, 14 pingpongistë të huaj morën pjesë në Ligën e Kinës, duke përfshirë gjermanin Timo Boll, danezin Meshael Maze, koreanojugorët Ryu Seung Min, Oh Sang Eun e Xhu Se Hyuk, japonezët Koji Macushita, Fujinuma Ai, Konishi An, etj. Zv/drejtori i Drejtorisë së Pingpongut pranë Drejtorisë së Përgjithshme Shtetërore të Sporteve të Kinës, z. Zhang Xiaopeng tha:

"Ardhja në Kinë e këtyre lojtarëve të huaj i dha Ligës së Pingpongut të Kinës karakteristikën e ndërkombëtarizimit, ashtu si NBA-ja."

Krahas efektivitetit ekonomik dhe shoqëror, pjesëmarrja e shumë pingpongistëve të huaj në Ligën e Kinës ka tërhequr vëmendjen e mediave të huaja, nëpërmjet të cilave kjo ligë është bërë gjithnjë e më e njohur në botë. P.sh. në vitin 2005, pingpongistja Fujimuna Ai, që preferohet shumë nga japonezët, mori pjesë në Klubin Bengang të provincës Liaoning, një nga 12 klubet e Ligës së Pingpongut të Kinës. Kështu japonezët treguan vëmendje të madhe për sezonin e atij viti të Ligës së Kinës. Dhjetëra media japoneze bënë reportazhe të gjithanshme për veprimetarinë e kësaj pingpongisteja qysh nga dita e parë e mbërritjes në Kinë. Brenda një kohë shumë të shkurtër, Liga e Pingpongut e Kinës është bërë shumë e njohur në Japoni. Duke përfituar nga kjo prirje të mirë, në sezonin e vitit 2005, Liga e Kinës zhvilloi për herë të parë ndeshje jashtë vendit, në Japoni.

Në fakt, ndërkombëtarizimi i Ligës së Pingpongut të Kinës ka ushtruar ndikim pozitiv për zhvillimin e mëtejshëm të pingpongut të Kinës. Lojtarët kinezë dhe të huaj janë favorizuar nga kjo ligë. Nga njëra anë, lojtarët kinez mund të shkëmbejnë teknikë brenda Kinës me pingpongistë të vendeve të ndryshme, nga ana tjetër, lojtarët e huaj e kanë ngritur nivelin e tyre nëpërmjet stërvitjes dhe ndeshjeve me lojtarët kinezë. Një shembull i mirë është pingpongisti koreanojugor Ryu Seung Min, që u shpall kampion si individ për meshkuj në Lojërat Olimpike të Athinës. Pas fitimit, Ryu tha "Mora pjesë në Ligën e Kinës si përfaqësues i klubit të provincës Sichuan. Kisha shumë kontakte me lojtarët kinezë. Pikërisht mbi këtë bazë, kam pasur përparim dhe zhvillim." 

Megjithëse është bërë ligë e shkallës së parë, profesionistët janë të mendimit se për krijimin e një marke ndërkombëtare si NBA-ja, Liga e Pingpongut e Kinës duhet të kalojë një rrugë të gjatë. Z. Zhang Xiaopeng tha:

"Për një objektiv të tillë duhen dy kushte, niveli shumë i lartë profesional dhe funksionimi i rregullt tregtar i klubeve. Për të parin, Liga e Kinës s'ka problem, kurse për të dytin duhet të përpiqemi."