Gjatë më se 20 vjetëve të fundit, ekonomia kineze ka arritur suksese të mëdha që tërheqin vëmendjen e mbarë botës. Në vitin 2004, vëllimi i përgjithshëm i ekonomisë kineze me një rritje vjetore prej mbi 9% të vlerës së prodhimit të përgjithshëm kombëtar zuri vendin e 6-të në botë. Por në të njëjtën kohë, kanë dalë në pah probleme të ndryshme si mungesa e aftësive të ndërmarrjeve kineze për krijimin e prodhimeve të reja, vlera shtesë e ulët e produkteve etj. Për të ruajtur zhvillimin e vazhdueshëm të ekonomisë kineze, gjithnjë e më shumë kinezë u bëjnë thirrje ndërmarrjeve të krijojnë produkte të shkencës dhe teknologjisë së lartë me të drejta intelektuale autonome.

Në këtë sfond z. Deng Zhongxia, administrator i parë ekzekutiv i Shoqërisë Aksionare të Mikroelektronikës Zhongxing, e cila ka zënë për 6 vjet me radhë 60% të tregut të pjesëve të çipit për futjen e figurave të kompjuterave në botë, fitoi pa diskutim çmimin më të lartë të personave ekonomikë kinezë të vitit 2005. Në ceremoninë e dekorimit z. Deng Zhongxia tha se krijimi i prodhimeve të reja nga ndërmarrjet do të jetë tendenca e pashmangshme e zhvillimit të ekonomisë kineze.

"Unë e marr këtë çmim në emër të brezit tonë që punon me këmbëngulje për krijimin autonom të prodhimeve të reja. Më duket se ky çmim simbolizon krijimin e një ekonomie të tipit të ri kinez."

Po të themi se Deng Zhongxia dhe shoqëria e tij përfaqësojnë rrugën e tranformimit të zhvillimit ekonomik të Kinës, atëherë zgjedhja e drejtorit të përgjithshëm të Shoqërisë së Naftës Oqeanike të Kinës Fu Chengyu si person ekonomik i vitit 2005 tregon se mendimi i ndërmarrjeve kineze për zhvillim në vende të tjera ka gjetur përkrahjen dhe miratimin e shumë kinezëve.

Në vitin 2005, Shoqëria e Naftës Oqeanike e Kinës kërkoi të blinte me 18,5 miliardë dollarë Shoqërinë e 9-të të Naftës Amerike "Unocal". Kjo blerje dështoi nën presionin politik të brendshëm të SHBA-së, por nga kjo praktikë Shoqëria e Naftës Oqeanike e Kinës dhe qarqet sipërmarrëse kineze kanë mësuar shumë.

Nga 10 personat ekonomikë të vitit 2005, 5 janë sipërmarrës privatë dhe 5 janë përfaqësues të ndërmarrjeve shtetërore. Kryetari i Shoqatës Kineze të Industrialistëve dhe Tregtarëve Huang Mengfu tha se kjo tregon se ekonomia private po luan një rol gjithnjë e më të madh në ekonominë kineze.

"Ekonomia private kineze ka krijuar mbi 75% të vendeve të punës, ekonomia private dhe sipërmarrësit privatë kinezë kanë dhënë kontribut të shquar për zhvillimin ekonomik dhe shoqëror të Kinës."

Krahas 10 personave ekonomikë, zj. Liao Xiaoyi, krijuese e Qendrës kulturore të mjedisit të fshatit botësor të Pekinit fitoi çmimin e interesit publik. Ky çmim ka për qëllim të lavdërohen personalitetet që nxisin zhvillimin koordinues ekonomik dhe shoqëror të Kinës.

Qysh nga krijimi në vitin 1995 i fshatit tokësor të Pekinit, një organizatë joqeveritare e mbrojtjes së mjedisit, zj.Liao Xiaoyi ka xhiruar mbi 100 filma mbi mbrojtjen e mjedisit dhe ka krijuar edhe "Forumin e gazetarëve mbi burimet energjetike të vazhdueshme". Ajo u bëri thirrje banorëve të dalin me automjete publike për të pakësuar lëshimin e gazrave të makinave dhe konsumin e energjisë. Zj. Liao Xiaoyi është deri më tani i vetmi personalitet popullor i mbrojtjes së mjedisit në Kinë që ka fituar çmimin ndërkombëtar të Sofjes të mjedisit dhe zhvillimit. Në një intervistë për gazetarët, zj.Liao Xiaoyi u shpreh se zhvillimi i ekonomisë me ritme të shpejta ka shkaktuar presion të madh mbi mjedisin e Kinës dhe mbrojtja e mjedisit ka nevojë për pjesëmarrjen e përbashkët të qeverisë, ndërmarrjeve dhe masave popullore.

"Unë e konsideroj këtë çmim si një nder të posaçëm. Ai mishëron një inkurajim dhe dëshirë të qeverisë dhe banorëve për punën e organizatës popullore të mbrojtjes së mjedisit. Është e vërtetë se zhvillimi i ekonomisë kineze ka nevojë për sa më shumë njerëz që i kushtojnë vëmendje drejtësisë shoqërore dhe mbrojtjes së mjedisit."

Zgjedhja kësaj here e 10 personave ekonomikë tërheqoi vëmendje të gjerë në Kinë. Vetëm në faqet përkatëse në internet disa miliona njerëz morën pjesë në votim. Personalitetet e qarqeve ekonomike u shprehën se gjatë vitit që kaloi, është përmirësuar pandërprerë struktura ekonomike e Kinës, është gjallëruar më tej ekonomia private dhe janë shtuar shumë ndërmarrjet me teknologji të lartë e të re, sidomos ndërmarrjet që gëzojnë të drejtën intelektuale autonome dhe që disponojnë teknologjinë thelbësore. Në të njëjtën kohë, mbrojtja e mjedisit dhe kursimi i energjisë janë bërë problem që tërheq vëmendjen e përbashkët të gjithë shoqërisë. Të gjitha këto tregojnë se ekonomia kineze po zhvillohet në mënyrë më të qëndrueshme dhe më të koordinuar. (Pina)