Në vjeshtën e vitit të kaluar, një grup realizues televiziv i CCTV-së shkoi në Shqipëri dhe intervistoi dhjetëra regjisorë, skenaristë dhe aktorë veteranë shqiptarë, njëri prej të cilëve ishte regjisori i parë i filmit shqiptar Hysen Hakani. Ai është regjisor i dy filmave të pëlqyer nga spektatorët kinezë, " Oshëtimë ne bregdet" dhe " Njësiti guerril".

Filmi artistik shqiptar " Oshëtimë në bregdet ",është një nga filmat e vjetër shqiptarë që kanë ushtruar një ndikim të madh në vitet '70-të të shekullit të kaluar në Kinë.

Gjatë intervistës me grupin televiziv kinez, z. Hysen Hakani foli në radhë të parë për jetën e tij kinematografike dhe pastaj rrefeu rreth filmit " Oshëtimë në bregdet ".

Duke folur për aktorët që luajtën në filmin artistik " Oshëtimë në bregdet" z. Hysen Hakani foli posaçërisht për aktorin e njohur shqiptar Ndrekë Luca. Ai tha : "Rolin e babait e luan Ndrekë Luca. Në teatër këtë rol e luante Kadri Roshi, që sot mbahet si më i madhi aktor shqiptar. Unë nuk mora Kadri Roshin, por Ndrek Lucën, dhe bëra mirë, sepse ishte vështirë ta transformoje Kadriun, dhe figurativisht Ndreka ishte më shumë peshkatar. Djalin që luan rolin kryesor, Agim Shuken, e kam marrë nga shkolla e teatrit, dhe ishte roli i tij i parë. Po ashtu edhe Pavlina e kishte rolin e saj të parë, pra kishte disa prej tyre që debutonin për herë të parë në film.

Për Ndrekën unë duhet të flas patjetër. Ai ishte aktor i punës, aktor pasionant, plot temperament, që kërkonte për rolin, që nga lidhëset e këpucëve deri te kapelet, domethënë donte ta krijonte tipin vetë e t'ia paraqiste regjisorit. Kishte një karakter burrëror, malësori, njeri i papërtueshëm, i sakrificës, por edhe shumë i talentuar. Patjetër në filmat e parë do të ndihen pak dozat e teatralitetit, pavarësisht se ata shihen me kënaqësi. Unë isha kundër tyre dhe ai me kënqqësi, me zell shumë të madh i përqafonte mendimet, plus thoshte që kam menduar këtë ose atë për rolin. Ai shkoi në Teatrin e Ushtrisë, dhe pastaj përfundoi në Teatrin Popullor, ku debutoi me sukses, dhe jo vetëm në teatër, por dhe në filmin shqiptar ka skalitur figura që ndryshojnë nga njëra-tjetra.(Zhai)