Duke filluar nga viti l983, në cdo vigjilje të Vitit të Ri kinez sipas kalendarit fshatar kinez, në kanalin e parë të CCTV-në transmetohet një mbrëmje madhështore artistike. Gjatë më se 20 vjetëve, kjo mbrëmje artistike është bërë fokus i vemendjes së teleshikuesve kinezë dhe ndjekja e kësaj mbrëmjeje është bërë një përmbajtje e aktiviteteve të vitit të ri kinez.

Tema e mbrëmjes madhështore artistike të vitit 2006 kinez është " Harmonia sjell lulëzim të gjithanshëm dhe urime për vitin e ri kinez". Afro një mijë artistë të krahinave të ndryshme të mbarë vendit dhanë mëse 40 programe me këngë e valle, pjesë estrade, dialog, lojëra magjie, akrobaci, pjesë operistike lokale etj. Këtë mbrëmje artistike u transmetuan nga CCTV në kanalin e parë dhe të 4-t dhe teleshikuesit e mëse 20 vendeve e rajoneve të botës e panë këtë mbrëmje.

Për të krijuar programe të reja, skenaristët dhe organizatorët e kësaj mbrëmjeje bënë përpjekje të mëdha. Regjisori i përgjithshëm i kësaj mbremjeje z. Lang Kun tha "Qysh nga viti 2005, Televizioni Qendror i Kinës ka përcaktuar kursin e organizimit të mbrëmjes artistike me dyer të hapura. Prandaj, mbrëmja artistike e organizuar me rastin e Vitit të Ri kinez 2006 ka trashëgimi dhe krijime të reja. 35 prezantues televiziv të ardhur nga krahinat e ndryshme të mbarë vendit kaluan së bashku me teleshikuesit natën e festës duke u sjellë popullit të mbarë vendit urimet më të mira me rastin e festës.

Kina ka territor të gjerë dhe dialekte të shumta. Në pjesët orkestrale dhe shfaqjet me dialog artistët e ardhur nga provincat Hupei dhe Sechuan dhanë shfaqje në dialektin e tyre.

Aktori i njohur humoristik Zhao Benshan mori pjesë për të 20-tën herë në shfaqjet e mbrëmjeve artistike për vitin e ri kinez. Kësaj here, me pjesën e tij humoristike, ai tregoi ndryshimet e fshatit të tij, duke u bërë shumë humor.

Këngët dhe vallet kanë qenë gjithmonë përmbajtje kryesore e kësaj mbremjeje.

Projektuesi i përgjithshëm i kësaj mbrëmjeje Jia Ding tha : " Sivjet, kemi shumë vepra të shquara" Përveç shfaqjeve të aktorëve e këngëtarëve profesionistë me nivel të lartë si Pen Liyuan, Sun Zuying etj, edhe shfaqjet e zgjedhura nga gjiri i masave popullore ishin të larmishme. Si një shfaqje me këngë e valle, e luajtur nga 24 fëmijë dhe l2 pleq, "Perendimi i diellit " ishte shumë interesante, valltari kryesor është 74 vjeç, kurse më i vogli 4 vjeç.

Edhe folësi i Radios së Jashtme të Kinës në gjuhën mongole Buren Bayar me gruan dhe vajzën e tij shfaqin këngën e kombësisë mongole " Tri gjë të çmuara të fatmirësisë ."

..

Kënga që po dëgjoni është një fragment i kësaj kënge, që e shkruajti Buren Bayar si dhuratë për ditëlindjen e vajzës së tij.

Përveç programeve artistike, edhe dy kozmonautët e anijes kozmike Shenzhou nr 6 morën pjesë në mbrëmje dhe u takuan me teleshikuesit e mbarë vendit nëpërmjet ekranit. ( Zhai)