Shpallja kampion në Salt-Leik-Siti e bëri Yang Yang-in personalitet simbol të sporteve dimërore të Kinës. Pas atyre lojërave, ajo u tërhoq nga ekipi sportie dhe u regjistrua në Universitetin Tsinghua, universitet të famshëm kinez, për të studiuar në specialitetin e administrimit të biznesit. Më vonë ajo vazhdoi studimet në SHBA. Por në tetor të vitit të kaluar, në mënyrë krejt të papritur nga të gjithë, Yang Yang shpalli se do të kthehej përsëri në pistën e akullt. Kështu ajo i dha lamtumirën jetës së rehatshme dhe të lirë në shkollë dhe iu fut përsëri stërvitjes së vështirë. Tani, 30 vjeçarja Yang Yang do të marrë pjesë për të tretën herë në Lojërat Olimpike Dimërore të Torinos, si përfaqësuese e Kinës. Gjatë një interviste për korrespondenten e radios sonë, Yang Yang tha se dashuria për sportin e akullit e nxiti atë të kthehet përsëri. Ajo u shpreh:

"Kur u ktheva, të afërmit dhe miqtë e mia nuk ranë dakord me mua dhe thanë se unë po bëja aventurë. Sipas konceptit tradicional të kinezëve, duhet të tërhiqesh në kohën e kulmit. Sepse sapo dikush shpallet kampion, të tjerët kanë shpresë që ai të ruajë këtë titull. Edhe sikur të radhitet në vendin e dytë, të tjerët do ta konsideronin si humbje. Por sipas meje, pista e akullt është një vend ku unë mund të realizoj ëndrrën time. E ndiej veten me fat që mund të vazhdoj ëndrrën time."

Në Torino, Yang Yang do të përballojë sfida të mëdha. Veçanërisht në 500 metra për femra, nga njëra anë, ajo duhet të luftojë me patinatoren bullgare Evgenia Radanova, e cila mban rekordin botëror dhe nga ana tjetër, ajo do të konkurrojë me shoqen e saj të ekipit, Wang Meng, e cila në moshën 20 vjeçare rrëmbeu të gjitha medaljet e arta në 500 metra për femra në 4 stacionet e Kupës Botërore të patinazhit të shpejtë në pistë të shkurtër në vitin 2005.

Në krahasim me këto sportiste të reja, mosha dhe forca trupore janë anët e dobëta të Yang Yang-it. Por, ajo u shpreh me besim se përvoja e pasur në garat e mëdha dhe pjekuria do të jenë epërsitë e saj. Ajo do të përpiqet me të gjitha forcat për t'i fituar.

Pas provave në dy Lojërat Olimpike Dimërore, qëllimi i Yang Yang-it nuk ndalon vetëm te medaljet, por ajo i kushton më shumë rëndësi pjesëmarrje. Ajo u shpreh se pjesëmarrja në Lojërat Olimpike nuk synon vetëm rezultatin e mirë. Ai tha:

"Gjatë 5 vjetëve para Lojërave Olimpike Dimërore 2002, fitova në të gjitha garat në disiplinën 1500 metra. Por në Salt-Leik-Siti, humba pavarësisht nga potenciali im i madh mbi pjesëmarrëset e tjera. Ajo përvojë më duket si kalimi nga parajsa në skëterrë. Por nga kjo humbje kam mësuar shumë, për garat dhe për jetën. Kësaj here, kthehem në pistën e akullt dhe duhet nisur nga pika zero. Mendoj se do të favorizohem nga kjo pjesëmarrje."

Në Torino, krahas garave, Yang Yang do të marrë pjesë edhe në një tjetër konkurrim, dmth, do të konkurrojë për anëtarësimin në Komisionin e Sportistëve pranë Komitetit Olimpik Ndërkombëtar. Për këtë konkurrim, ajo mban qëndrim pozitiv. Ajo tha:

"Pjesëmarrja në organiziata ndërkombëtare zgjeron mendimet e mia. Më duket më aktive dhe mund të kontrolloj më shumë gjëra, krahas dy këmbëve të mia dhe patinave."

Yang Yang shpreson se pas tërheqjes nga shërbimet në ekipin kombëtar, ajo do të vazhdojë të japë kontribut për Olimpiadën dhe sportin kinez.(Wang Lei)