dëgjoni

Dekomiri i sportistëve fitues me medalje fillon që nga Lojërat e Parë Olimpike Moderne në vitin 1896. Në Lojërat e para olimpike, për skicat e medaljeve nuk kishte ndonjë kërkesë të caktuar.

Qysh nga Lojërat e 9-të Olimpike në vitin 1928, në skicat e medaljeve u përdor projekti i artistit nga Firenceja, Kasioli. Ana e përparme e medaljeve janë stadiumi dhe figura e perëndeshës së fitores. Mbi vizatimin e stadiumit janë shkronjat që shënojnë numrin, vendin dhe vitin e këtyre lojërave. Në anën e prapme janë figurat e sportistëve.

Në vitin 1972, me rastin e Lojërave të 20-ta Olimpike, Komiteti Olimpik Ndërkombëtar vendosi që në anën e përparme të ruhet figura e perëndeshës së fitores, kurse skicat e anës së prapme do të projektoheshin nga komiteti organizativ i Lojërave Olimpike. 

Në vitin 2004, në Lojërat Olimpike të Athinës, ana e përparme e medaljeve pati një skicë të re. Sfondi ndryshoi nga Arena e Romës Antike në panoramën e stadiumit "Panathinaiko-s" të Greqisë, ndërsa figura e perëndeshës së fitores u shndërrua nga qëndrimi i ulur në qëndrimin më këmbë dhe e pajisur me krahë. Në të ardhmen, ana e përparme e medaljeve olimpike do të vazhdojë të ketë këtë skicë. 

Medalja e artë pa "ar"

Në fillim të krijimit të Komitetit Olimpik Ndërkombëtar, nuk kishte kërkesa të rrepta për standartin dhe projektin e skicave të medaljeve. Në Lojërat e para Olimpike në vitin 1896, organizatori i atëhershëm mendoi se ari duket jo bukur dhe në ceremoninë e mbylljes, mbreti i atëhershëm i Greqisë Georgu I i dekoroi kampionët me medalje të argjendta, përkatësisht, vendet e dyta fituan medalje të bronzta. Kështu "medalja e artë" në këto lojëra është prej nga argjendi. 

"Medalja" unike

Lojërat e dyta Olimpike u zhvilluan në Paris në vitin 1900. Atë vit, Parisi po bënte përgatitje për organizimin e Ekspozitës Botërore. Për këto dy objekte të mëdha përgjigjej i njejti person, Alfred Pikart. Ai nuk kishte interes për sportin dhe njëkohësisht edhe publiku i Parisit nuk tregoi shumë entuziazëm për Olimpiadën dhe si pasojë, këto lojëra zgjatën për 5 muaj, si maratonë. Në fund të lojërave, organizatori i dekoroi fituesit jo me medalje ari, të argjendta apo të bronzta, por me një vepër artistike në formë drejtkëndëshi si një medalje përkujtimore. Njerëzit e atëhershëm nuk mund ta mendonin se pikërisht kjo medalje përkujtimore drejtkëndëshi u bë e vetmja medalje olimpike jorrethore. 

"Medalja e parë e artë" e Lojërave Olimpike

Në vitin 1904, Lojërat e treta Olimpike u zhvilluan në Sant Luis. Olimpiada moderne u largësua për herë të parë nga Evropa dhe mbërriti në Amerikë. Në këto lojëra olimpike, në anën e sipërme të medaljeve u shtua një nyje rrethore, ku futet rripi dhe në këtë mënyrë fituesit mund t'i varnin në qafe medaljet. Vetëm kampionët u dekoruan me medalje ari dhe kësaj here, Olimpiada kishte medalje të vërteta ari. (Wang Lei)