dëgjoni

Më 10 shkurt do të hapen në Torino të Italisë Lojërat e 20-ta Olimpike Dimërore.

Rezultatet e Kinës në Lojërat Olimpike Dimërore kanë diferencë të madhe prej atyre të Lojërave Olimpike Verore. Në sportet e akullit, Kina është akoma në hapat e parë. Në Lojërat Olimpike Dimërore të vitit 2002, sportistja e njohur kineze e patinazhit të shpejtë në pistë të shkurtër, Yang Yang fitoi dy medalje ari, që ishin medaljet e para të arta të sportit kinez në Lojërat Olimpike Dimërore. Mbi këtë bazë, delegacioni i Kinës do të ketë objektiva më të lartë në Lojërat Olimpike Dimërore të Torinos. Por këta objektiva më të lartë nuk nënkuptojë vetëm fitimin e sa më shumë medaljeve të arta. Kryetari i Qendrës Administrative të Sporteve Dimërore, pranë Drejtorisë së Përgjithshme Shtetërore të Sportit të Kinës, Wang Jitao është i mendimit se në Torino delegacioni sportiv i Kinës do të ketë përparime në dy drejtime. Nga njera anë, do të përpiqet të shfaqë një sërë sportistësh të rinj, të cilët do të ndriçojnë botën; nga ana tjetër, do të arrijë sukses në disa disiplina që nuk kanë qenë të dukshme për Kinën në të kaluarën.

Patinazhi i shpejtë në pistë të shkurtër është një disiplinë e fuqishme tradicionale e Kinës. Yang Yang ka qenë kampione olimpike në këtë disiplinë. Trajneri i përgjithshëm i ekpit të patinazhit të shpejtë në pistë të shkurtër të Kinës, Xin Qingshan është i mendimit se ekipi i tij ka mundësi të mëdha të fitojë medaljen e artë në 500 metra për femra. Por për këtë disiplinë, sportistja më me potencial nuk është Yang Yang, por e reja 20 vjeçare Wang Meng. Në kompeticionet e 4 stacioneve të Kupës Botërore të Patinazhit të Shpejtë në Pistë të Shkurtër në vitin 2005, Wang Meng i mblodhi të gjitha medaljet e arta në 500 metra për femra, prandaj ka shpresë të madhe që të fitojë medalje në Torino, duke u bërë një person i ri flamurtar i sporteve të akullit të Kinës. Edhe ajo vet ushqen shpresa të bukura për Torinon. Wang Meng tha:

"Si një sportiste, ndoshta ëndrra e parë është pjesëmarrja në Lojërat Olimpike. Por kur ke edhe shpresë të shpallesh kompion, ëndrra jote nuk kufizohet vetëm në pjesëmarrje."

Krahas patinazhit të shpejtë në pistë të shkurtër, medalje ari në Torino Kina Kina ka mundësi të marrë edhe në patinazhin artistik. Në Lojërat Olimpike Dimërore të vitit 2002, kinezët Shen Xue dhe Zhao Hongbo fituan medaljen e bronztë të patinazhit artistik si çift. Ata kishin mundësi të mëdha të shpallin kampion në Torino, por ndjejnë keqardhje për faktin që në gusht të vitit të kaluar Zhao Hongbo u lëndua në këmbë dhe tani për tani nuk është shëruar plotësistht,. Kështu është zbehur shpresa e fitimit nga ky çift të medaljes së artë. Por nga ana tjetër, ky është një rast i mirë për çiftin tjetër të ri kinez Zhang Dan dhe Zhang Hao. Gjatë dy vjetëve të fundit, ata u shpallën disa herë kampion në kompeticionet e Çmimit të Madh të Shoqatës Ndërkombëtare të Patinazhit. Parashikohet se janë ata që mund ta realizojnë objektivin për t'u shpallur kampion në Lojërat Olimpike. Trajneri i përgjithshëm i ekipit të patinazhit artistik të Kinës Yao Bin ka shpresë te patinatorët kinezë që do të shkojnë Olimpiadën e Torinos. Ai tha:

"Kemi prapëseprapë shpresë të madhe dhe presim edhe mrekullinë."

Më i gëzueshëm është fakti që sportistët kinezë ka mundësira që të fitojnë medalje ari edhe në disa disiplina që kanë qenë hallka të dobëta për kinezët. Në qoftë se do të arrihet sukses në këto disiplina, ky do të jetë përparimi më i vlefshëm i Kinës. Një nga këto disiplinat është akrobacia në ajër e rrëshqitjes me ski të stilit të lirë për femra. Në Lojërat Olimpike Dimërore të Naganos në vitin 1998, Kina fitoi medaljen e argjendtë në këtë disiplinë. Por 4 vjet më vonë në Salt-Leik-Siti, rezultati i Kinës në këtë disiplinë ishte shumë i ulët. Pas një tjetër 4 vjeçari, tani epërsia kolektive e Kinës nuk mund të shpërfillet nga asnjë vend i fuqishëm i sporteve të dëborës. Kampionia e tanishme e Kampionatit Botëror të kësaj disipline Li Nina, pronarja e medaljes së argjendtë të Lojërave Olimpike Dimërore 1998 Xu Nannan, sportistja që mund të kryejë veprën akrobatike më të vështirë për femra Guo Xinxin si dhe disa të tjera më të reja nuk janë pak dhe shpallja kampion e secilës prej tyre nuk do të habitë asnjë. Edhe ato vet kanë besim të plotë. Xu Nannan tha:

"Nga anët e shkallës së vështirësisë, të natyrës së qëndrueshmërisë dhe të potencialit kolektiv, ne sportistet kineze jemi më të fuqishme se ato australiane. Edhe niveli i dy lojëtareve kanadeze është disi. Në Torino, megjithse lojëtaret amerikane dhe evorpiane do ta kenë të lehtë për t'u përshtatur në ndryshimin e orës, nga ana teknike dhe e shkallës së vështirësisë së veprës akrobatike, ne kemi më shumë epërsi."

Vetbesimi i fuqishëm pasqyron potencialin e madh. Krahas akrobacisë në ajër, Kina ka patur përparime edhe në disiplina të tjera të dëborës, si dygarëshi dimëror, etj. ku madje ka edhe mundësi të fitojë medalje.

Në përgjithësi, përveç fitimit të sa më shumë medaljeve të arta, ngritja e nivelit kompleks të sporteve dimërore dhe shfaqja pandërprerë e lojëtarëve të rinj dhe të dalluar janë me të vërtetë "përparime", që qarqet e sporteve të akullit të Kinës dëshirojnë të realizojnë në Lojërat Olimpike Dimërore të Torinos. (Wang Lei)