Fan Zhongyan, një politikan dhe shkollar i famshëm i dinastisë Song Veriore (960-1126), i kushtonte një rëndësi të madhe nxitjes dhe përkrahjes së personelit të ri dhe të talentuar.
Gjatë kohës së qëndrimit të tij në detyrë si një oficer i rangut të lartë në Hang zhou, shumë nga shoqëruesit që punonin direkt nën urdhrat e tij ishin ngritur në detyrë dhe emëruar në pozicione të kënaqshme falë rekomandimeve të tij.

Një zyrtar i talentuar i quajtur Su Lin nuk u ngrit në detyrë sepse nuk ishte nga Hang zhou dhe nuk kishte asnjë kontakt të drejtpërdrejt me Fan-in.

Me shpresë për tu ngritur në detyrë, Su Lin i shkruajti një letër Fanit ku i kërkonte ngritjen në një detyrë më të lartë. Brënda në letër ai kishte shkruar një poemë me këto vargje; "Kulla në breg të detit është e para që merr dritën e hënës dhe dhe lulet e ngrejnë fyryrën nga dielli për të lulëzuar më shpejt në pranverë"

Fani i pëlqeu shumë këto vargje dhe njëkohësisht kuptoi dhe kuptimin e vërtetë të tyre. Shumë shpejt ai e lëvizi zyrtarin e ri në një pozicion më të mirë.

Shënime shpjeguese; Kjo idiomë thekson rëndësinë e të qënit në një pozitë të favorizuar. E gjithë kjo shprehje "Kulla në breg të detit është e para që merr dritën e hënës" është shpesh e përdorur për të përshkruar dikë që gëzon të mirat e të qënit në një pozitë të favorizuar.