Vitet e fundit, është shtuar pandërprerë numri i studentëve të vendeve të tjera që studjojnë në Kinë. Krahas kësaj, gjithnjë e më shumë nxënës të huaj vijnë në Kinë për të mësuar në shkolla të mesme, me qëllim që, pasi mbarojnë shkollën e mesme, të studjojnë më lehtë në universitete të Kinës. Për të krijuar lehtësira për nxënësit e huaj, me vendimin e Ministrisë së Arsimit të Kinës, shkollat e mesme të disa qyteteve të mëdhenj të Kinës kanë ngritur filialet e tyre ndërkombëtare, ku pranohen vetëm nxënës të huaj. Një nga këto shkolla është edhe shkolla e mesme Huiven e Pekinit, e cila është një shkollë e mesme shtetërore me një histori 130 vjeçare dhe që gëzon famë të madhe në qytetin e Pekinit.

Shkolla e mesme Huiven ndodhet në rajonin qendror të qytetit të Pekinit. Filiali i saj ndërkombëtar filloi të pranojë nxënës të huaj qysh para 12 vjetëve. Kur hyjmë në këtë shkollë, na bien në sy ndërtesat e saj të stilit tradicional dhe modern, që gjenden në mes të gjelbërimeit dhe lalishtar. Këto janë godinat e mësimdhënies, biblioteka, pallati i sporteve, pallati i shkencës dhe teknikës, konviktet e nxënësve etj. Ndër to, godina e re me ngjyrë të hirit të hapur, që gjendet në anën veriore, është godina e Filialit Ndërkombëtar.

Sipas rregullave të Kinës, në qoftë se këta nxënës të huaj duan të studjojnë në universitetet e Kinës, pasi mbarojnë shkollën e mesme në Kinë, gjithashtu duhet të marrin pjesë në konkurrimin nëpërmjet provimeve unike, ashtu si nxënësit kinezë. Ata duhet të japin provimet e gjuhës kineze, të matematikës, anglishtes dhe disa lëndëve të tjera të shkencave humanitare ose shkencave natyrore. Meqenëse pjesa më e madhe e këtyre nxënësve të huaj kanë dëshirë të madhe që, pasi mbarojnë shkollën e mesme, të studjojnë në Universitetin e Pekinit dhe Universitetin Qinghua, që janë dy universitetet më të famshme në Kinë, Filiali Ndërkombëtar i shkollës së mesme Huven të Pekinit i harton lëndët mësimore në përputhje me kërkesat e provimeve të këtyre dy universiteteve për pranimin e studentëve të rinj.

Parimi e mësimdhënie i Filialit Ndërkombëtar të shkollës së mesme Huven janë mirëpritur nga nxënësit e huaj. Sot në këtë filial, mësojnë mbi 200 nxënës të ardhur nga Koreja e Jugut, Vjetnami, Malajzia dhe vende të tjera aziatike. Këta fëmijë të moshave 12-18 vjeçare, që kanë ardhur për mësim në Kinë duke lënë vendlindjen e vet, shpresojnë që, pasi të mbarojnë shkollën e mesme dhe studimet në Kinë, do të përvetësojnë thellë kulturën kineze dhe do të arrijnë suksese në punë.

Vajza vjetnameze 17 vjeçare Du Cuiheng, e cila ka një vit që mëson në Filialin Ndërkombëtar të shkollës së mesme Huiven, është nga një familje mjekësh brez pas brezi. Ajo tha se, megjithëse nuk e dinte më parë se ku ndodhei Kina, ajo e do Kinën qysh nga vogëlia, sepse shumë vjetnamezë thonë se ajo u ngjan vajzave kineze. Prandaj, me dëshirën e nënës, ajo erdhi për të mësuar në një shkollë të mesme të Kinës. Ajo dëshiron që, pasi të mbarojë shkollën e mesme, të studjojë në një universitet të mjekësisë dhe farmaceutikës të Kinës.

Nga të dhënat statistikore të Ministrisë së Arsimit të Kinës del se, në vitin 2004, numri i studentëve dhe nxënësve të huaj, që studjojnë në Kinë, i kaloi 110 mijë vetat, shifër kjo që u rrit 42% në krahasim me vitin 2003. Sot në qytetin e Pekinit ka mbi 10 shkolla të mesme që pranojnë nxënës të huaj. Ndër to, Filiali Ndërkombëtar i shkollës së mesme Huiven, duke filluar nga viti 1994, ka pranuar gjithsej 3000 nxënës të huaj nga 30 vende. Ata që mbaruan mësimet në këtë shkollë, janë pranuar qind për qind në universitete dhe 80% i tyre u pranuan në Universitetin e Pekinit, Universitetin Qinghua dhe universitete të tjera të famshme të Kinës.

(Zheng)