Agjencia kineze e lajmeve Zhongxin njoftoi se në prag të festës së pranverës të vitit 2006, më 23 janar, Shoqata e nxitjes së kulturës kineze e Australisë zhvilloi në Sidnei simpoziumin "Kultura kineze dhe bota harmonike". Më se 70 studiues, personalitete të qarqeve kulturore, biznesmenë dhe drejtues të emigrantëve kinezë në Australi u takuan në këtë simpozium dhe zhvilluan diskutime akademike për tema si kultura kineze dhe bota harmonike, konfucianizmi dhe shoqëria harmonike etj.

Ministri federal i drejtësisë i Australisë Rudok mori pjesë në këtë simpozium dhe mbajti një fjalim ku tha se zhvillimi i këtij simpoziumi është një rast i mirë për të treguar rezultatet e Australisë në ndërtimin e shoqërisë harmonike dhe të shumëllojshme. Ai shprehu shpresën se Shoqata e nxitjes së kulturës kineze e Australisë do të japë kontribut më të madh për ndërtimin e shoqërisë së shumëllojshme australiane nëpërmjet propagandimit të kulturës kineze.

Li Changchun vizitoi disa artistë të moshuar

Agjencia kineze e lajmeve Hsinhua njoftoi se në prag të festës së pranverës të vitit 2006, më 23 janar, anëtari i komisionit të përhershëm të Byrosë Politike të Komitetit Qendror të Partisë Komuniste të Kinës Li Changchun vizitoi disa artistë të moshuar dhe i përshëndeti me rastin e festës në emër të kryetarit të shtetit Hu Jintao dhe të Komitetit Qendror të Partisë Komuniste të Kinës.

Li Changchun zhvilloi bisedë të ngrohtë me artistët e moshuar dhe u uroi atyre shëndet dhe jetë të gjatë. Li Changchun tha se qeveria kineze i kushton gjithmonë rëndësi punës kulturore dhe artistike. Me përpjekjet e artistëve, çështja artistike kineze është zhvilluar dhe lulëzuar pandërprerë dhe ka luajtur një rol aktiv për nxitjen e ndërtimit të modernizimit të Kinës. Qeveria kineze nuk do të harrojë kurrë kontributin e madh të artistëve të moshuar për çështjen artistike të vendit.

Li Changchun tha gjithashtu se pak kohë më parë, qeveria kineze publikoi "Disa mendime lidhur me thellimin e reformës së sistemit kulturor", kjo është një masë e rëndësishme në reformën e sistemit kulturor. Artistët duhet të zbatojnë politikën e qeverisë dhe të krijojë më shumë vepra të shquara artistike për të plotësuar kërkesat e masave popullore.

Tibeti do të zbatojë 6 projekte kryesore të mbrotjes së mbetëzave

Agjencia kineze e lajmeve Hsinhua njoftoi se më 22 janar, drejtori i Drejtorisë së Mbetëzave të Tibetit Nimaciren shpalli se në 5 vjetët e ardhshëm, Tibeti do të zbatojë 6 projekte kryesore të mbrojtjes së mbetëzave për të nxitur zhvillimin e çështjes së mbrojtjes së mbetëzave tibetiane.

Tibeti është një nga rajonet me mbetëzat më të pasura të Kinës, në Tibet ai ka mbi 2000 monumente antike kulturore.

Nimacireni tha se nëpërmjet përpjekjeve 5-vjeçare, në vitin 2010, në Tibet do të krijohen dhe përsosen në përgjithësi institucione të administrimit të mbetëzave, të gjitha monumentet historike kulturore do të administrohen nga profesionistë. (Fani)