dëgjoni

Kohët e fundit, z. Liu Wenxin, i riu i tatentuar i qarqeve të çajit në zonën malore Dabieshan të qytetit Xinyang të provincës Henan u dekorua me titullin "10 fshatarët e rinj të shquar kinezë".

Qyteti Xinyang është një qytet bujqësor, 75% e banorëve të tij janë fshatarë, ndërsa çaji është produkt kryesor bujqësor dhe sektor kryesor industrial i këtij qyteti.

Në dimër të vitit 1989, i riu Liu Wenxin u largua nga fshati Xaowang për në qendër të qytetit Xinyang, duke marrë me vete 300 juanë, dhe filloi të shiste vezë në qytet. Në fund të këtij viti ai fitoi 300 juanë.

Duke shitur vezë, Liu Wenxin mësoi se si të përshtetej me tregun. Më vonë ai vendosi të merret me shitjen e çajit për të marrë më shumë fitime.

Me zgjerimin e pandërprerë të bisnezit të çajit, Shoqëria e tij e çajit Wenxin ka filluar të krijojë markën e vet të çajit. Në vitin 1999, çaji Maojian, si i vetmi produkt i dalluar i provincës Henan, u përcaktua nga administrata qeveritare provinciale si "produkt kryesor".

Cilësia është baza e çajit. Liu Wenxini ka marrë një sërë masash për të ngritur cilësinë e çajit Maojian. Ai ndërtoi fabrikën e çajit, me investime të mëdha bleu paisjet e përparuara të përpunimit dhe të ruajtjes së freskisë së çajit, ka ftuar specialistë të njohur si këshilltarë të shoqërisë së tij, ka përmirësuar teknologjinë e përpunimit të çajit, duke krijuar kështu çajin Maojian me shijen, cilësinë dhe stilin e posaçëm. Në vitin 2004 çaji Maojian i markës Wenxin u bë një nga 10 produktet e njohura bujqësore të provincës Henan.

I riu Liu Wenxin është shprehur mëse njëherë i emocionuar: "Dëshira ime më e madhe është që dega e çajit Maojian të zhvillohet më tej, në mënyrë që sa më shumë fshatarë të pasurohen shpejt".

Disa vjet më parë, çaji i kultivuar në zonat malore të qytetit Xinyang shitej me vështirësi dhe me çmim të ulët, si pasojë kultivuesit e çajit jetonin në vështirësi. Kultivuesi i çajit Liu Yongjun punoi një vit të tërë, duke garantuar vetëm ushqimin e familjes. Pasi u pranua në bazë të Shoqërisë Wenxin të çajit, ai filloi të kultivojë varietete të mira të çajit organik. Si rezultat, ai i shet çdo vit shoqërisë mbi 1 mijë kilogram çaj dhe fiton 80, 90 mijë juanë. Kështu që brenda disa vjetëve, ai ka ndërtuar një shtëpi 2-katëshe dhe bleu edhe motoçkletë. Kultivuesit e çajit organik si Liu Wenjun në lokalitetin Shihe janë mbi 10 mijë.

Të gjithë fshatarët e fshatit Bai Longtan kultivonin çaj, por çaji i tyre ishte i prodhimit, çmimit dhe cilësisë së ulët. Pas krijimit të bazës së çajit, Liu Wenxini ka organizuar agroteknikë të shoqërisë së tij në kualifikimin e kultivuesve të çajit, duke i mësuar se si mbillet, si plehrohet, si parandalohen dhe mjekohen sëmundjet dhe insektet e dëmshme të çajit. Në këto kurse kualifikimi morën pjesë mbi 20 mijë veta. Si rezultat prodhimi i çajit organik i këtij fshati u rrit 30% dhe efektiviteti ekonomik u shtua 5 herë, duke u zgjidhur përfundimisht problemi i shitjes me vështirësi dhe me çmim të ulët të çajit.

Në vitin 2003, Shoqëria e çajit Wenxin nëshkroi me mbi 3 mijë kultivues të çajit kontratën mbi industrializimin e bujqësisë, sipas së cilës, gjatë prodhimit dhe përpunimit të çajit ndalohet përdorimi i plehrave kimike, i insekticideve, i pigmenteve sintetike dhe antiseptikut, kështu që kultivuesit e çajit që kanë nënshkruar kontratën mund të fitojnë mbi 400 mijë juanë. Pina.