dëgjoni

Në vitin 2005 ekonomia kineze është zhvilluar me shpejtësi të madhe dhe banorët e thjeshtë kinezë kanë gëzuar më shumë rezultate të rritjes ekonomike se në vitet e tjera, të ardhurat janë shtuar dhe niveli i jetesës së tyre është ngritur në një farë shkalle.

Në vitin 2005, fshatari Hong Tiangan në periferi të qytetit Anqing të provincës Anhui në pjesën qendrore të Kinës mbolli drithra në të njëjtën sipërfaqe si në vitet e tjera, por të ardhurat e tij u shtuan shumë.

"Sivjet, provinca Anhui hoqi në mënyrë të gjithanshme taksat bujqësore, për një hektar tokë u hoqën 700 juanë taksa, kështu nga 80 hektarë tokë që punoj unë, m'u hoqën 50 mijë juanë taksa."

Fshatarët kinezë si z. Hong Tiangan kështu iu hoqën taksat bujqësore janë më shumë se 800 milionë, shuma e taksave bujqësore të hequra arriti në 23,3 milionë juanë. Taksat bujqësore zinin një përqindje shumë të vogël në taksat e përgjithshme të Kinës dhe vitet e fundit qeveria kineze e ka vënë zhvillimin e fshatit në plan të parë të punës së vet, kështu heqja e taksave bujqësore nuk ka shkaktuar ndikime negative për financat shtetërore, por ka shtuar të ardhurat e fshatarëve dhe ka nxitur konsumin e zonave fshatare.

Për qytetarët kinezë me të ardhura të pakta dhe të mesme, gjëja që i gëzoi më shumë ata në vitin 2005 ishte se institucioni legjislativ i Kinës vendosi që në vitin 2006, taksat mbi të ardhurat personale të paguhen për 1600 juanë e më shumë nga 800 juanë që ishin më parë.

Zj. Chen Yuexiu i provincës Shanxi në veri të Kinës që fiton 1700 juanë në muaj, e përkrah shumë rishikimin e ligjit mbi taksat për të ardhurat personale. Ajo tha se fillimi i pagimit të taksës duke filluar nga 1600 juanët do të thotë pakësim i taksave për njerëzit si ajo që kanë rrogë të mesme dhe të ulët. Ajo kështu i tha korrespondentit:

"Me fillimin e pagimit të taksave për të ardhurat personale nga 1600 juanët, unë do të paguaj më pak se 80 juanë taksa në muaj dhe kjo do të më lehtësojë shumë."

Përgjegjësi përkatës i Drejtorisë së Përgjithshme Shtetërore të Taksave të Kinës u shpreh se të ardhurat financiare të qeverisë kineze do të pakësohen në vit nga kjo masë 28 miliardë juanë dhe, nëpërmjet kësaj mënyre, këto para shteti do t'ua japë tatimpagusve, sidomos atyre që marrin të ardhura të pakta. Kjo do të ndihmojë shumë në zvoglimin e dallimit midis të varfërve dhe të pasurve dhe në ruajttjen e barazisë dhe të stabilitetit shoqëror.

Sipas të dhënave statistikore, në 9 muajt e parë të vitit 2005, përqindja e shtimit të të ardhurave të familjeve qytetare për frymë dhe e ardhurave neto të fshatarëve për frymë ishte më e lartë se përqindja e rritjes së ekonomisë për të njëjtën periudhë. Shtimi i shpejtë i të ardhurave të banorëve të qytetit dhe të fshatit ka nxitur gjallërimin e mëtejshëm të tregut të brendshëm të konsumit.

Fshatari Qi Jijun banon në një fshat dhjetra kilometra larg qytetit Xy Zhou të provincës Jiangsu në lindje të Kinës, në vitin 2005 blerja e sendeve të përditshme në supermarket është bërë një gjë e zakonshme në jetën e tij dhe të fshatarëve të tjerë. Kohët e fundit ai ka blerë një kondicioner në një supermarket afër shtëpisë, për të kaluar më ngrohtë këtë dimër.

"Këtu ka mallra të shumta të markave të njohura, mjedisi është i këndshëm, prandaj kemi qejf të vijmë këtu për të blerë."

Tani në zonat fshatare të Kinës ka më shumë se 70 mijë supermarketë të përmasave të ndryshme dhe fshatarët kanë më shumë mundësi për të zgjedhur.

Sipas të dhënave statistikore, në 10 muajt e parë të vitit 2005, vëllimi i mallrave të konsumit të përditshëm të shitjes me pakicë të mbarë vendit arriti në 5,1 trilionë juanë, duke u rritur 13% në krahasim me vitin 2004, ky ritëm i rritjes është 4% më i lartë se shpejtësia e rritjes ekonomike. Në të njëjtën kohë, të ardhurat nga turizmi, nga sektori i ushqimeve janë shtuar shumë.

Sigurisht shtimi i të ardhurave dhe ngritja e nivelit të jetesës së banorëve kinezë është i pandarë nga zhvillimi i vazhdueshëm, i qendrueshëm dhe stabël i ekonomisë kineze në vitin 2005. Duke vlerësuar situatën ekonomike të Kinës për këtë vit, specialisti i Institutit të Studimit të Ekonomisë pranë Akademisë së Shkencave të Kinës z. Yuan Minggan u shpreh se viti 2005 ishte viti më i mirë i ekonomisë kineze.

"Rritja e vëllimit të prodhimit të përgjithshëm kombëtar i vitit 2005 ishte 9,5%, kurse rritja e çmimeve të konsumit ishte rreth 2%."

Por, funksionarë dhe specialistë ekonomikë të Kinës e kanë të qartë se në zhvillimin e ekonomisë kineze ekzistojnë ende shumë probleme, më kryesore janë mungesa e vendburimeve dhe ndotja serioze e mjedisit. Një sërë aksidentësh në minierat e qymyrgurit dhe në ndërmarrjet petrokimike që ndodhën në tremujorin e 4-t në Kinë i kanë shkaktuar prodhimit dhe jetës së banorëve kinezë ndikime negative.

Lidhur me këto probleme, qeveria kineze vendosi që në vitin 2005 krahas gëzimit të rezultateve të rritjes ekonomike, të bëhen përpjekje më të mëdha për të pakësuar rrezikun që ka krijuar zhvillimi ekonomik për mjedisin e prodhimit dhe jetës së banorëve kinezë. Pina.