Po afrohet Festa e Pranverës, biletat e aeroplanit të posaçëm po shiten mirë, ndërsa Wu Cilong, një biznesmen tajvanez që menaxhon një supermarket ku shiten ushqime me veçori të Tajvanit është shumë i zënë. 300 lloje mallrash të Tajvanit tërheqin jo vetëm tajvanezët, por edhe pekinasit.

Supermarketi i tij ndodhet në Tempullin Fenzhong të distriktit Fengtai të Pekinit. Ndonëse ky supermarket është i vogël, ai është plot me ushqime me veçori të Tajvani, si për shembull, rakia "Kaoliang", makaronat "Xinzhu", soja "Jinlan", çaji ulong "Lugu" etj.

Për të pritur Festë e Pranverës, Wu Cilong ka përgatitur 300 lloje mallrash për të gjithë konsumatorët. Mund t'i blini këto mallra sipas dëshirës. Gjithashtu mund të blesh dhurata me ambalazhim të bukur për Festë e Pranverës. Megjithëse këto dhurata janë me çmim të lartë, ato shiten shumë mirë.

Wu Cilong u shpreh se jo vetëm tajvanezët i blejnë tani këto dhurata, por edhe pekinasit i pëlqejnë ato. Sipas tij, Shoqata e Bashkatdhetarëve Tajvanezë ka porositur 240 komplete dhuratash për Festë e Pranverës.

Duke folur për biznesin e produkteve me veçori të Tajvanit, Wu Cilong psherëtin. Ai ka lindur në Yilan të Tajvanit dhe është marrë me biznes në Pekin për më shumë se 10 vjet. Në fillim ai merrej me biznesin e letrës së murit. Më pas ai u mor me furnizimin me pije tajvaneze, por biznesi i tij nuk ecte mirë.

Në vitin 2004, kur Wu Cilong-u do të kthehej në shtëpi për të vizituar të afërmit, një mik i tij që merrej me biznes e porositi atë t'i sjellë disa produkte me veçori të Tajvanit. Kjo gjë e nxiti Wu Cilong-un të menaxhojë supermarket në Pekin.

Njerëzit që punojnë larg vendlindjes dëshirojnë gjithmonë të hanë ushqime me veçori të vendlindjes së tyre. Ai mori sojën si shembull: "Në krahinat e brendshme të Kinës ka sojë, por tajvanezët nuk e pëlqejnë sojën shumë të kripur. Tani në Pekin ka gjithnjë e më shumë bashkatdhetarë tajvanezë. Ata do të kënaqen po të hanë ushqime me veçori të vendlindjes së tyre. Ky është shkaku i menaxhimit të këtij supermarketi duke sjellë produkte me veçori të Tajvanit."

Sipas të dhënave statistikore të Zyrës së Çështjeve të Tajvanit në Pekin, deri në vitin 2004 Pekini ka miratuar më shumë se 2240 ndërmarrje me investime tajvaneze, dhe sasia e fondit të tyre ka arritur në 3,9 miliardë dollarë amerikanë. Tani ka një numër të madh bashkatdhetarësh tajvanezë që punojnë dhe banojnë në Pekin.

Për shkak të largpamësisë së Wu Cilong-ut, supermarketi i tij është bërë supermarketi më i madh në Pekin dhe me më shumë ushqime me veçori të Tajvanit. Përveç sjelljes direkt nga Tajvani, Wu Cilong-u importon gjithashtu mallra nëpërmjet linjës së aviacionit midis Xiamen-it dhe Jinmen-it.

Në hyrje të supermarketit të tij ka të ngjitura tabela si "Rrugica An Pinggu", "Xin Ye", "Qyteza Lu Gang" etj, që janë emrat e restoranteve të famshme ku ofrohen ushqime të Tajvanit. Wu Cilong-u tha se nëse konsumatorët plotësojnë listën e porositjes në uebsajtin e supermarketit të tij, ose telefonojnë, ata u dërgojnë falas mallrat.

Sivjet në Festë e Pranverës, Wu Cilong-u nuk do të kthehet në Tajvan. Duke parë që shumë bashkatdhetarë tajvanezë kthehen në Tajvan për këtë festival, ai menjëherë solli xhinseng dhe leshatak me cilësi të mirë. Ai tha se disa tregtarë tajvanezë shpresojnë t'u çojnë të afërmve produkte të posaçme dhe këto mallra janë përgatitur për ta. (U Sen)