Takimi u zhvillua në një atmosferë mjaft të ngrohtë me pjesëmarrjen aktive të anëtarëve të klubit dhe të të pranishmëve të tjerë.

Në fjalën e tij plot ndjenjë në takim, përgjegjësi i klubit të dëgjuesve "Miqësia", z. Daut Kryemadhi i përshëndeti në fillim të gjithë pjesëmarrësit dhe më vonë u bëri atyre një sqarim të shkurtër për dashurinë dhe vullnetin e tij për të ndjekur emisionet tona.

Ai shprehu gjithashtu gëzimin e tij për krijimin e klubit të dëgjuesve, sepse si një ndër dëgjuesit më të vjetër të radios sonë, si në kohën kur cilësia e transmetimit në valë të shkurtra nuk ishte mirë e deri sot kur emisionet dëgjohen shumë qartë në valë të mesme, z. Kryemadhi na ka ndjekur pa ndërprerë dhe me interes të madh. Gjithë këta vjet ai ka pasur një dëshirë të madhe që të krijohet një klub zyrtar i dëgjuesve të radios sonë në gjuhën shqipe, në mënyrë që të mblidhen dëgjuesit e vjetër dhe të tërhiqjen të rinj për t'u njohur më mirë me Kinën. Dhe tani, kjo dëshirë më në fund u realizua.

Gjithashtu edhe i ftuari i nderit i takimit, fituesi i çmimit të posaçëm të konkursit "55 vjet---Kinë e Re", z. Vasil Naçi, mbajti një fjalë të ngrohtë në takim, ku përshkroi mbresat e tij të thella për vizitën e majit të vitit 2005 në qytetin e Pekinit e të Xianit. Ai është një dëgjues që na dërgon rregullisht njoftime mbi cilësinë e dëgjimit. Kur ka ndonjë problem në përmbajtjen e programit ose difekt teknik, ai na shkruan menjëherë dhe na tregon hollësisht.

Z. Ramadan Ndreka nga Durrësi ishte folësi i fundit në takim. Ai është kryetari i Partisë Social-Punëtore. Si një dëgjues që ushqen ndjenja të thella ndaj popullit kinez dhe një mik i vjetër i redaksisë sonë, gjatë këtyre vjetëve, ai ka ruajtur kontakte të ngushta me zërin e Kinës, duke gjetur kohë nga orari i tij i ngjeshur. Kësaj here, kur dëgjoi për organizimin në Tiranë të këtij takimi, ai u nis herët në mëngjes nga shtëpia e tij në Durrës dhe mbërriti në kohë në Muzeun Historik Kombëtar. Në fjalën e tij, ai tha shumë gjëra të bukura për emisionin tonë dhe për miqësinë midis dy vendeve. Fjalimi i tij ishte aq i mrekullueshëm dhe u ndërpre shumë herë nga duartrokitjet e të pranishmëve në sallë.

Në fund të takimit, u zhvillua një konkurs i vogël i njohurive rreth Kinës. Bashkë me dy përfaqësuesit e redaksisë sonë, z. Kryemadhi u dha aty për aty çmimet tona modeste dëgjuesve që u përgjigjën drejt. Takimi u mbyll nën duartrokitjet e zjarrta të pjesëmarrësve.

Në fund të këtij artikulli, ne duam ta shfrytëzojmë këtë kënd për të falënderuar përsëri të gjithë dëgjuesit e dashur dhe miqtë e nderuar të radios sonë që morën pjesë në takim. Redaksia jonë do të bëjë përpjekje që në të ardhmen të organizohen më shumë takime të tilla me dëgjuesit tanë. Dhe jemi të mendimit se klubi "Miqësia" do të shërbejë pa tjetër si një urë që do të na lidhë gjithnjë e më ngushtë! (Çan Yean)