Në fillim të vitit 2001, pingpongistja e njohur kineze Chen Jing, e cila fitoi medaljen e bronztë në Olimpiadën e Athinës, nënshkroi kontratë me një klub pingpongu të provincës Guangdong. Chen Jing ka marrë pjesë katër herë në Lojërat Olimpike dhe ka fituar një medalje të artë, një të argjendtë dhe një të bronztë. Në vitin 1988 në Lojërat Olimpike të Seulit ajo u bë kinezja e parë që fiton një medalje të artë olimpike në pingpong.

Chen Jing ka lindur në vitin 1968 në provincën Hubei të Kinës qendrore. Zhu Daren, i cili ishte trajneri i parë i saj tha: "Në shkollë, të gjithë lojtarët e vegjël stërviteshin për të mbaruar stërvitjen dhe për t'i bërë qejfin trajnerit, ndërsa Chen Jing nuk i kushtonte vëmendje fytyrës së trajnerit dhe stërvitej gjithmonë me kujdes." Në vitin 1975, Zhu Daren shkoi në një shkollë fillore për të zgjedhur disa lojtarë të vegjël dhe zgjodhi Chen Jing që po stërvitej në ekipin e vallëzimit. Për shkak që ekipi i Zhu Daren-it kërkonte një pingpongiste mëngjërashe, Chen Jing filloi stërvitjen e Pingpongut nën drejtimin e Zhu Daren-it si një mëngjarashe. Trajnerit i kishte lënë përshtypje të thellë që karakteri i Chen Jing-së ndryshonte nga të tjerët. Në një kampionat pingpongu për nxënësit e qytetit, Chen Jing i tha shokut të saj: "Unë vetëm dua të fitoj ndaj ish-kampionit, ndërsa ndeshjet e tjera s'janë të rëndësishme." Dhe ajo arriti të fitojë ndaj ish-kampionit, por nuk luajti mirë në ndeshjet e tjera dhe në fundi u radhit vetëm në vendet e fundit. Në vitin 1981, Chen Jing hyri në ekipin e Pingpongut të provincës Hubei dhe dy vjet më pas ajo u radhit në vendin e dytë të kampionatit kombëtar të Pingpongut për të rinj. Në vitin 1985, Chen Jing u pranua në kombëtaren kineze të pingpongut dhe në mars të vitit 1986 në "Japan Open", ajo fitoi titullin kampione në ndeshjet për femra si çift dhe u radhit në vendin e tretë në ndeshjet për femra si individë. Në tetor të atij viti, Chen Jing mori pjesë në kampionatin e 8-të aziatik të Pingpongut dhe u radhit në vendin e tretë në ndeshjet për femra si çift. Në shkurt të vitit 1987 në kampionatin e 39-të botëror të Pingpongut, Chen Jing fitoi ndaj pingpongistes së njohur koreanojugore, duke e ndihmuar ekipin kinez të fitojë titullin kampion. Në vitin 1988 në Lojërat Olimpike të Seulit, Chen Jing fitoi titullin kampione në ndeshjet për femra si individë dhe bashkë me shoqen e saj Jiao Zhimin, fitoi medaljen e argjendtë në ndeshjet si çift. Në vitin 1989, Chen Jing mori pjesë në kampionatin e 40-të botëror të Pingpongut, duke u radhitur në vendin e dytë në ndeshjet si çift dhe u radhit në vendin e 3-të në ndeshjet si individë. Gjithashtu ajo e ndihmoi ekipin kinez të fitojë titullin kampion. Pas fitores në Seul, Chen Jing-së mendoi ta mbyllë karrierën e saj sportive.

"Kur isha e vogël, kisha ëndërr që të fitoja titullin kampione botërore dhe olimpike. Por kur fitova medaljen e artë olimpike, ndjeva që nuk kam më synim. Në podin e dhënies së medaljeve, unë mendova se në fund të fundit mund të merrem me diçka tjetër." tha Chen Jing.

Chen Jing është një vajzë që ka interesa të shumtë dhe që dëshiron të provojë shumë gjëra të reja.

Në vitin 1990 në Lojërat Aziatike të Pekinit, Chen Jing nuk u pranua në kombëtaren kineze dhe ajo bëri një vendim që të largohet nga kombëtarja kineze dhe të vazhdojë studimet në Japoni. Por mendimi i saj u kundërshtua nga familja dhe Chen Jing nuk arriti të shkojë në Japoni. Gazetari mësoi nga një funksionar i lartë i Pingpongut që pala kineze nuk e lejon Chen Jing-in të largohet nga Kina sepse ajo është një pingpongiste e fortë dhe do të jetë një kundërshtare e fortë e Kinës në pingpong.

Në fund, Chen Jing vendosi të shkojë në Tajvan dhe hyri në kompaninë Acer. Chen Jing tha se ajo dëshiron të merret me diçka tjetër, por ekipi tajvanez i pingpongut e ftoi Chen Jing-in të rikthehet në fushën e sportit.

Pas 3 vjetësh, Chen Jing u rikthye dhe u radhit në vendin e dytë në kampionatin botëror të Pingpongut në Suedi. Ndërsa në vitin 1996, ajo e habiti të gjithë botën kur fitoi medaljen e argjendtë në Lojërat Olimpike të Atlantës.

Chen Jing tha: "Sapo kam organizuar me sukses një kampionat pingpongu. Kur përfunduan ndeshjet, ndjeva që kisha marrë sukses më të madh se fitores së medaljes. Kjo është një ndjenje të ndryshme nga fitorja në fushën sportive. Tani krahas pingpongut, ka edhe shumë gjëra të tjera të rëndësishme." (Jiang Lei)