dëgjoni

Për sportistët kinezë, viti 2006 do të jetë një vit shumë i zënë. Në fillim dhe në fund të këtij viti, ata kanë si detyrë që të arrijnë rezultate të mira në Lojërat Olimpike Dimërore të Torinos dhe në Lojërat Aziatike të Dohës. Kurse në garat e tjera gjatë këtij viti, lojëtarët kinezë do të përpiqen me të gjitha forcat për një rezultat të mirë.

Provë e parë që shtrohet përpara sportistëve kinezë do të jenë Lojërat e 20-ta Olimpike Dimrore në Torino të Italisë, që do të zhvillohen nga 10 deri më 26 shkurt. Pavarësisht nga diferencat jo të vogla me vendet e fuqishme tradicionale në sportet e akullit, vitet e fundit Kina pati përparime të dukshme në këtë drejtim. Në Lojërat Olimpike Dimërore të vitit 2002 në Salt-Leik-Citi, Kina mori dy medalje ari në patinazhin e shpejtë me pistë të shkurtër, që ishin medaljet e para të arta kineze në Olimpiadën Dimërore.

Këtë vit në Torino, krahas patinazhit të shpejtë në pistë të shkurtër për femra, lojëtarët kinezë janë në gjendje të shpallen kampionë edhe në patinazhin e shpejtë, rrëshqitjen me ski të stilit të lirë për femra dhe në patinazhin artistik. Patinatorët kinezë Shen Xue dhe Zhao Hongbo fituan medaljen e broztë në Salt-Leik-Citi për patinazhin artistik si çift. Në Torino, ata se bashku me çiftin tjetër kinez të shquar për patinazhin artistik Zhang Dan dhe Zhang Hao, do të hidhen në sulm për medaljen e artë olimpike. Në gusht të vitit të kaluar, Zhao Hongbo mori një plagë në këmbën e majtë dhe doli në stërvitje vetëm në nëntorin e kaluar. Megjithatë kjo nuk e ka lëkundur vendosmërinë e tij për të shpallur kampion. Gjatë një interviste për korrespondentin e radio sonë, ai tha:

"Po përgatitemi aktivisht për Lojërat Olimpike Dimërore 2006. Pak kohë më parë, plagosja në këmbë më pengoi të stërvitem intensivisht, prandaj më duhet tani më shumë mund për të arritur formë më të mirë sportive. Besoj se unë dhe kolegët e mi do t'u japim një përgjigje të kënaqshme kinezëve."

Nga fundi i prillit dhe deri në fillim në majit, do të zhvillohen përkatësisht në Gjermani dhe në Japoni Kampionati i 49-të Botëror Ekipor i Pingpongut si dhe Kupa e Tomasit e Kupa e Uberit, që përfaqësojnë nivelin më të lartë të badmindonit. Skuadrat e Kinës të Pingpongut dhe të Badmindonit do të përpiqen të ruajnë titullin kampion në këto sporte.

Më 16 e 17 shtator do të zhvillohet në Athinë Kupa Botërore të Atletikës, e cila do të jetë për atletët kinezë një arenë e shfaqjes së potencialit të tyre dhe e kërkimit të nivlit botërore.

Në fund të tetorit, do të zhvillohet në Japoni Kampionati Botëror i Volejbollit për Femra. Kanë kaluar 20 vjet që kur Kina është shpallur kampion në kompeticione të këtij lloje. Nëse skuadra kineze do të fitojë përsëri medaljen e artë, ajo do të shpallet kampione për  të 3-të herë me radhë pas Kupës Botërore dhe Lojërave Olimpike të Athinës dhe prandaj kemi vëmendjen e duhur për arritjen e një rezultati se më të mirë, në Kampionatin Botëror të Japonisë.

Në gjysmën e parë të dhjetorit, do të zhvillohen në Dohë të Katarit Lojërat e 15-ta Aziatike. Komiteti Olimpik i Kinës i konsideron këto lojëra si rastin më të rëndësishëm të parapërgatitjes për Lojërat Olimpike të Pekinit. Nënkryetari i Komitetit Olimpik të Kinës, Cui Dalin tha:

"Lojërat Aziatike janë garat e fundit komplekse që mund të na ofrojë rastin e parapërgatitjes para Lojërave Olimpike të Peknit. Do të dërgojmë atje një delegacion të madh, të përbërë kryesisht nga sportistët që do të marrin pjesë në Lojërat Olimpike të Pekinit."

Si vendi organizator, si do të shfaqet Kina në Lojërat Olimpike 2008? Për këtë ndoshta do ta marrim parashikimin nga Doha.(Wang Lei)