dëgjoni

Medaljet olimpike janë simboli i fitores dhe i lavdisë të frymës së Olimpiadës dhe ato mishërojnë gjithashtu edhe kulturën e vendeve organizative dhe elementet olimpike. Për t'i lënë një pasuri të veçantë Olimpiadës, qysh nga 11 janari 2006, Komiteti Organizativ i Lojërave Olimpike të Pekinit filloi të mbledhë në mbarë botën projektet e medaljeve të Lojërave Olimpike 2008. Kjo është hera e parë në historinë e Olimpiadës që kërkon në mbarë globin projektet e medaljeve olimpike.

Komiteti Olimpik Ndërkombëtar ka një kërkesë të përcaktuar për figurrat në pjesën e përparme të medaljeve olimpike, prandaj imagjinata dhe aftësia krijuese projektuesve qëndron kryesisht në projektimin e vizatimeve në anën e prapme e medaljeve. Projektimi i vizatimeve të anës së përparmë duhet të respektojë kërkesën e Komitetit Olimpik Ndërkombëtar, për të ndjekur skicat e anës së përparmë të medaljeve të Olimpiadës 2004 të Athinës: figura e perëndeshës së fitores dhe pamja e stadiumit "Panathinaiko-s" të Greqisë. Ndryshimi qëndron vetëm në numrin, vendin dhe vitin e zhvillimit të Lojërave Olimpike, dmth. "XXIX OLYMPIAD BEIJING 2008".

Përgjegjësi përkatës i Komitetit Organizativ të Lojërave Olimpike të Pekinit tha se më e rëndësishmja është që projekti i medaljeve të mishërojë karakteristikat kineze. Mësohet se gjatë projektimit, pjesëmarrësit duhet të mësojnë nga përvoja e projektimit të medaljeve të kaluara olimpike, të stemës e të maskotit të Lojërave Olimpike të Pekinit.

Mësohet se koncepti i projektimit të medaljeve të Lojërave Olimpike të Pekinit është "Lavdia dhe ëndrra", "Më shpejt, më lart, më fuqishëm" dhe duhet të mishërojë artin kinez dhe nivelin e teknologjisë.

Aktiviteti i mbledhjes së projekteve të medaljeve do të vazhdojë deri më 26 mars 2006. Mund të marrin pjesë në këtë konkurs  kompani dhe persona në mbarë botën.

Projekti përfundimtar i medaljeve do të përcaktohet nga Komiteti Organizativ i Lojërave Olimpike të Pekinit dhe do të miratohet nga Komiteti Olimpik Ndërkombëtar. (Wang Lei)