Më 9 janar, u zhvillua në Qendrën Ndërkombëtare të Ekspozitave në Pekin ceremonia e dhurimit të librit "Anija Goteborg". Në këtë ceremoni morën pjesë atasheu kulturor i ambasadës së Suedisë në Kinë Johan Murray, presidenti i Shoqërisë së Investimeve Volvo të Kinës Wu Yuzhang etj.

Libri "Anija Goteborg" tregon procesin e zhvillimit të tregtisë kino-suedeze në shekullin e 17-të nga anija tregtare suedeze "Goteborg" duke u dhënë lexuesve shumë njohuri historike, gjeografike dhe të lundrimit.

Provinca Henan rindërton shkollën e lartë Yingtian të dianstisë Song

Këtë vit do të përurohet vepra e rindërtimit të shkollës së lartë Yingtian të dinastisë Song të Kinës para mbi 1000 vjetëve. Vepra e rindërtimit do të harxhojë 19 milionë juanë.

Shkolla Yingtian e rindërtuar zë një sipërfaqe prej 34 mijë metrash katrorë dhe ndodhet në lindje të qytetit Shangqiu të provincës Henan. Ajo është një nga 4 shkollat e larta të dinastisë Song.

Do të shfaqet drama muzikore "Hong Zhanhui"

Në fund të këtij muaji do të shfaqet drama muzikore "Hong Zhanhui" e krijuar bashkarisht nga qeveria e qytezës Xihua dhe trupa e operës Yu të provincës Henan.

Studenti Hong Zhanhui lindi në një familje të varfër në qytezën Xihua të provincës Henan. Ai nuk gjunjëzohet para varfërisë dhe vështirësive dhe mëson me zell së bashku me motrën e vogël. Pas njoftimeve të mediave, tregimet e Hong Zhanhuit kanë prekur mbarë Kinën.

Qyteti Shantou organizoi aktivitete në përkujtim të artistit të filmit Cai Chusheng

Më 15 janar, qyteti Shantou i provincës Guangdong organozoi një sërë aktivitetesh në përkujtim të 100-vjetorit të lindjes së artistit të filmit kinez Cai Chusheng.

Cai Chusheng njihet "pionieri i filmave të përparuar të Kinës" dhe "krijuesi i filmave modernë të Kinës" dhe gëzon respekt të lartë në qarqet botërore të filmit. Në librin e historianit francez të filmit George Sadur "Historia e filmave botërorë", Cai Chusheng konsiderohet si një nga 200 artistët më të famshëm botëror të filmit. Autori e vlerëson Cai Chushengun si "regjisorin më të shquar të Kinës".

Cai Chusheng xhiroi gjithsej 27 filma, ndër to filmi "Këngët e peshkatarëve" i xhiruar në vitin 1934 fitoi çmimin e nderit në Festivalin Ndërkombëtar të Filmit në Moskë në vitin 1935. Ky është filmi i parë kinez që fiton një çmim në festivalet ndërkombëtare të filmit. (Fani)