Krahas zhvillimit të ekonomisë kineze, edhe filmat kinezë po i tërheqin gjithnjë e më shumë vëmendjen e artdashësve të botës. Gjatë vitit 2005, në mëse 20 vende e rajone të botës u organizuan festivalet e filmave kinezë dhe mbi l00 filma kinezë morën pjesë në festivale të ndryshme ndërkombëtare, ku më shumë se dhjetë prej të cilëve fituan çmime. Gjithnjë e më shumë miq të huaj po njohin shoqërinë dhe kulturën e Kinës me anë të filmave kineze.

Regjisorët e brezit të 5-të të kinematografisë kineze kanë merita të mëdha për arritjen e sukseseve të filmave të tyre arenën ndërkombëtare.

Filmat kinezë kanë arritur sukses shumë të madh në tregun amerikan, veçanërisht filmat e arteve marciale si "Heronjtë", "Shtëpia e kamave fluturuese", "Konfu"etj. Sukseset e tyre kanë ardhur prej punës së regjisorëve dhe lojës së aktorëve të shquar kinezë.

Përveç këtyre filmave, edhe filma të tjerë të regjisorit Zhang Yimou, si "Të bisedojmë shtruar", "Asnjë të mos mungojë", "Ditë të lumtura", "Rruga për në shtëpi" etj, kanë fituar çmime të ndryshme në festivale të ndryshme ndërkombëtare.

Filmi i drejtuar nga regjisori i Honkongut Li An "Tigri dhe dragoi" në vitin l991, fitoi 4 çmime " Oskar" , si atë të filmit më të mirë në gjuhë të huaj, të operatorit më të mirë, të regjisë e të drejtimit më të mirë artistik dhe të kompozitorit më të mirë.

Edhe filmat " 2046" , " Shkronja e parë D " e " 7 shpata" të regjisorëve kinezë të rajoneve të Honkongut, Tajvanit, etj kanë arritur rezultate të shkëlqyera në tregun botëror dhe në festivalet ndërkombëtare të kinematografisë.

Përveç regjisorëve të famshëm kinezë Zhang Yimou, Chen Kaige, edhe disa filma të regjisorëve të tjerë kinezë po ashtu kanë arritur suksese të mëdha, si filmat artistikë " Paloi" i regjisorit Gu Changvei, "Kekexili" e regjisorit të ri kinez Luchuan, "Njeriu, mali dhe qeni " dhe "Ngrohtësia " të regjisorit Ho Jianqi, " Luledielli" i regjisorit të ri Zhang Yang, të cilët kanë fituar çmime në festivale të ndryshme ndërkombëtare kinematografike.

Pra, sukseset e kinematografisë kineze kanë qenë të njëpasnjëshme dhe gjithnjë e më shumë filma artistikë kinezë do të priten mirë nga spektatorët e mbarë botës. ( Zhai)