Viti 2005 ishte l00 vjetori i kinematografisë kineze.

Nga viti l905 deri në vitin 2005, kinematografia kineze ka kaluar një rrugë l00 vjeçare dhe pikërisht për këtë arsye, Festivali Kinematografik i Venecies i këtij viti i kushtoi një rëndësi shumë të madhe kinematografisë kineze.

Krahas zhvillimit të ekonomisë kineze, edhe filmat kinezë po i tërheqin gjithnjë e më shumë vëmendjen e artdashësve të botës. Gjatë vitit 2005, në mëse 20 vende e rajone të botës u organizuan festivalet e filmave kinezë dhe mbi l00 filma kinezë morën pjesë në festivale të ndryshme ndërkombëtare, ku më shumë se dhjetë prej të cilëve fituan çmime.

Gjithnjë e më shumë miq të huaj po njohin shoqërinë dhe kulturën e Kinës me anë të filmave kineze. Në fund të viteve '70 të shekullit të kaluar, Kina filloi reformën e hapjen dhe kinematografia kineze filloi të ringjallet. Duke thyer prangat mendore, kineastët kinezë nisën krijimtarinë e tyre të re.

Filmi artistik " Toka e verdhë" duke ndryshuar mënyrën e xhirimit dhe të krijimit të skenave të filmave tradicionalë, me një mënyrë të re paraqitjeje tregon dëshirën e zjarrtë të fshatarëve të tokave të verdha të Kinës veriperëndimore për një jetë të re. Ky film fitoi 3 çmime në festivalet ndërkombëtare, duke përfshirë edhe festivalin e Havait. Regjisorët e brezit të 5-të të kinematografisë kineze kanë merita të mëdha për arritjen e sukseseve të filmave të tyre arenën ndërkombëtare. Në vitin l987, filmi artistik i regjisorit Zhang Yimou "Sorgumi i kuq " pati jehonë të madhe në Kinë.

Ky film me pamje të bukura, ngjyra të larmishme dhe atmosferë të theksuar kombëtare kineze, fitoi në festivalin ndërkombëtar të Berlinit çmimin "Ariu i artë". Në vitin 1990, filmi i regjisorit Zhang Yimou "Judou" u shënua për të konkurruar për çmimin " Oskar" në seksionin e filmit më të mirë në gjuhë të huaj. Kjo ishte hera e parë që një film kinez fitonte të drejtën për të marrë pjesë në çmimet Oskar.

Në vitin l991, filmi "Varja e fenerëve të kuq" i regjisorit Zhang Yimou fitoi çmimin "Luani i argjendë" në festivalin ndërkombëtar kinematografik të Venecies ndërsa një vit më vonë, po në këtë festival, filmi i regjisorit Zhang Yimou "Historia e Qiuju-së" fitoi çmimin " Luani i artë".

Në vitin l994, filmi i regjisorit Zhan Yimou "Të jetosh " fitoi çmimin e jurisë në festivalin ndërkombëtar kinematografik të Kanës në Francë. Kështu, z. Zhang Yimou është quajtur heroi kulturor i viteve '90 të shekullit të kaluar. Filmat e drejtuar prej tij mbështeten fort në tabanin kulturor të kombit kinez, dhe janë plot emocione. Për arsye se ka qenë operator, në filmat e tij ka skena shumë të bukura e me vlera estetike. Duke folur për filmat e tij, z. Zhang Yimou tha: "nëpërmjet skenave filmore, unë e shpreh në maksimun emocione dhe pathos"

Përveç regjisorit Zhang Yimou, edhe Chen Kaige është një regjisor i brezit të 5-të. Në vitin 1955 ai xhiroi filmin "Lamtumirë konkubina ime", ku me tablo madhështore shtjellohen fatkeqësitë e një grupi aktorësh të operës së Pekinit. Ky film fitoi çmimin "Palma e artë" në Francë. Në vitin 2005, z. Chen Kaige, me 350 milionë yuanë, xhiroi filmin "Premtimet", që ka një potencial të madh konkurrues në festivalet ndërkombëtare.

Ndër filmat kinezë, ata që kanë tërhequr që herët vëmendjen e botës janë filmat e arteve marciale. Vitet e fundit, filma kinezeë të artit marcial kanë marrë një hop më të madh në krahasim me ata tradicionalët dhe kanë befasuar botën kinematografike. Në vitin 2002, regjisori Zhang Yimou xhiroi filmin e artit marcial "Heronjtë", që shtjellon ngjarjet e periudhës së luftës ndërshtetërore.

Pastaj në vitin 2004 ai xhiroi edhe filmin e artit marcial "Shtëpia e kamave fluturuese". Këta dy filma kanë pasur shitje shumë të madhe në tregun botëror. Filmat kinezë kanë arritur sukses shumë të madh në tregun amerikan, veçanërisht filmat e arteve marciale si "Heronjtë", "Shtëpia e kamave fluturuese", "Konfu"etj. Sukseset e tyre kanë ardhur prej punës së regjisorëve dhe lojës së aktorëve të shquar kinezë.(zhai)