"Në fillim interpretimi im nuk ishte i pjekur, mësova shumë nga regjisori."

Tang Guoqiangu shprehu besim të plotë për rrugën e vet artistike, por shpejt, shikuesit kinezë e humbën entuziazmin për aktorët e pashëm si ai. Sepse pikërisht në atë kohë, filmi japonez "Ndjekje për kapje" u shfaq në mbarë Kinën. Roli i policit në këtë film që flet dhe qesh rrallë i interpretuar nga aktori Takakura Ken i preku thellë shikuesit kinezë. Në atë kohë shikuesit kinezë shihnin rrallë filma të huaj, ata e konsideronin Takakura Kenin si idhullin e tyre dhe ishin të mendimit se aktorët e pashëm kinezë si Tang Guoqiang etj. kishin vetëm një fytyrë të bukur dhe nuk interpretonin shumë mirë. Ky qëndrim ndikoi edhe shumë regjisorë dhe Tang Guoqiangu humbi shumë raste për të pasur role për filma të ndryshëm.

Megjithëse dështoi disa herë, Tang Guoqiangu është i mendimit se kjo është eksperiencë e rëndësishme në jetën e tij. Ai tha:

"Nëse nuk dështon, aktori nuk mund të interpretojë mirë rolet e tij filmike, sepse aktori duhet të nxjerrë mësime dhe përvojë nga dështimet. Ky është në favor të ngritjes së nivelit të interpretimit."

Kur ishte në moshën mbi 30-vjeçare, Tang Guoqiangu vendosi të ndërpresë përkohësisht jetën e aktorit dhe hyri në Universitetin e Filmit të Pekinit për studime. Gjatë 10 vjetëve pas kësaj, Tang Guoqiangu nuk kishte asnjë rol në film, edhe shikuesit kinezë e kishin harruar pothuajse fare atë.

Në vitin 1990, Tang Guoqiangu u përball me një rast që vërtetoi aftësitë e tij. Ai interpretoi rolin kryesor Zhuge Liang të teledramave me seri "Tregimet e 3 shteteve". Në këto teledrama, Tang Guoqiangu interpretoi me sukses këtë rol të talentuar që njihet nga të gjithë kinezët dhe si rezultat ai fitoi shumë çmime në fushë të interpretimit. Nëpërmjet studimeve shumëvjeçare, Tang Guoqiang u kthye suksesshëm në arenën artistike me një figurë të re.

Pas kësaj, Tang Guoqiangu ka interpretuar pandërprerë role në filma dhe në teledramën, për shembull ai ka interpretuar perandorin e dinastisë Tang Li Longji në teledramën "Këngëtarja e dinastisë Tang", perandorin tjetër të dinastisë Tang Li Shimin në teledramën "Dashuria e perandorit Li Shimin", perandorin e parë të dinastisë Ming Zhu Yuanzhang në teledramën "Perandoresha Ma". Këto perandorë të interpretuar nga Tang Guoqiangu fituan përshëndetjen e shikuesve. Më vonë, Tang Guoqiangu interpretoi në filmin dhe në teledramën "Marshimi i madh" dy herë kryetarin Mao Cedun. Kjo ishte një sfidë për Tang Guoqiangun, sepse shumë aktorë e kanë interpretuar me sukses kryetarin Mao dhe njëkohësisht pamja e Tang Guoqiangut nuk i ngjan shumë kryetarit Mao. Për të interpretuar mirë këtë rol, Tang Guoqiangu lexoi shumë libra e materiale dhe mori përvojë nga aktorë që kishin interpretuar Mao Cedunin. Më në fund, roli i Mao Cedunit i interpretuar nga Tang Guoqiangu fitoi vlerësimin e lartë të specialistëve dhe të shikuesve, ai fitoi edhe çmimin qeveritar të aktorit më të mirë të filmit në Kinë. Gjatë disa vjetëve, Tang Guoqiangu e interpretoi kryetarin Mao Cedun në shumë teledrama. Duke folur për interpretimin e kryetarit Mao, Tang Guoqiangu tha:

"Për të interpretuar mirë rolin e kryetarit Mao, duhet të lexoja shumë materiale, nga të cilat munda të mësoj shumë prej tij."

Tang Guoqiangu u shpreh se askush nuk duhet të gjunjëzohet para dështimeve, përkundrazi çdokush duhet të vazhdojë të bëjë përpjekje të palodhshme. Vetëm kështu mbetet gjallë shpresë për të arritur më në fund sukseset. (Fani)