Me ardhjen e viti i ri, më kujtohet ngjarja e shprehjes së urimeve të ish-kryeministrit Çu Enlai për punonjës të thjeshtë shqiptarë në mëngjes herët më 1 janar të vitit 1964 në Tiranë. Këtë ngjarje ma tregoi ish-ambasadori i Republikës Popullore të Kinës në Shqipëri Fan Chengzuo, i cili shkroi disa artikuj përkujtimorë në gazeta e revista, si dhe dha një intervistë për mua me rastin e 30-vjetorit të vdekjes së kryeminisrit të respektuar kinez Çu Enlai, më 8 janar të vitit 1976.

Ish-ambasadori kinez Fan Chengzuo tha: "Kaluan mbi 40 vjet, por përshtypjet që më ka lënë kryeministri Çu Enlai, janë ende shumë të thella, edhe sot e kësaj dite unë e shoh ende shpesh atë në ëndërr."

Kryeministri i Kinës Çu Enlai ishte një nga udhëheqësit kinezë që themeluan dhe skalitën miqësinë e madhe midis popullit kinez dhe popullit shqiptar. Meqë ishte shumë i ngarkuar me punë, ai tregohej shumë i përzemërt me punonjësit e thjeshtë kinezë dhe po ashtu edhe me punonjësit e thjeshtë shqiptarë. Ish-ambasadori kinez në Shqipëri Fan Chengzuo tregon:

"Në ditën e fundit të vitit 1963, kryeministri Çu Enlai së bashku me zv-kryeministrin e ministrin e jashtëm të Kinës Chen Yi e shoqëruesit e tyre, arritën me aeroplan për vizitë në kryeqytetin e Shqipërisë, Tiranë, gjatë një turneu të madh historik në 14 vende të Azisë, Afrikës dhe të Evropës."

Ambasadori Fan tha se në Tiranë kryeministri Çu Enlai u përshëndet nga të gjithë udhëheqësit e partisë e qeverisë shqiptare dhe nga banorët e Tiranës, që qenë radhitur në të dyja anët e rrugëve. Pamja e pritjes dhe e përshëndetjes për nder të tij nga banorët e Tiranës ishte madhështore dhe e paparë.

Në mbrëmjen e 31 dhjetorit të vitit 1963, në një atmosferë të ngrohtë festive të mikpritjes së mysafirëve të shtrenjtë kinezë dhe të pritjes me rastin e Vitit të Ri 1964, Shqipëria kishte caktuar 6 aktivitete të mëdha për nder të kryeministrit Çu Enlai, si tre aktivitete popullore: festimi i vigjiljes së Vitit të Ri së bashku me punëtorët shqiptarë, takimi me shkrimtarët e artistët shqiptarë dhe festimi së bashku me ushtarakët shqiptarë me rastin e Vitit të Ri, si dhe tri aktivitete zyrtare: banketi shtetëror i pritjes, koncerti me rastin e Vitit të Ri dhe mbrëmja me kërcime për pritjen e Vitit të Ri. Kryeministri Çu Enlai mori pjesë në të gjashta këto aktivitete dhe pas pjesëmarrjes në to ora ishte afër 4 e mëngjesit të Vitit të Ri 1964. Sigurisht kryeministri Çu Enlai ishte lodhur shumë, sepse vizitoi disa vende aziatike e afrikane dhe sapo kishte marrë pjesë në shumë akvitete festive.

Por në këtë kohë, thotë Fan Chengzuo, unë si përkthyes i atëhershëm i kryeministrit Çu Enlai, pasi rregullova materialet përkatëse, po kthehesha nga dhoma e punës në dhomën e fjetjes, që ishte bashkëngjitur me dhomën e fjetjes së kryeministrit. Për të mos penguar kryeministrin Çu Enlai, po ecja me hapa shumë të lehta nëpër korridorin e hotelit. Papritur ai dëgjova një zë të përzemërt që vinte nga afër, "Xiaofan (emri im përkëdhelës), ende s'po fle? Duhet të pushosh, sepse do të kesh edhe shumë punë të tjera pas agimit." Oh, ishte kryeministri Çu Enlai, i veshur me pixhama të vjetër dhe i shoqëruar nga një roje, po shëtiste lehtshëm nëpër korridor. Ndoshta ai po mendonte për punët e bisedimeve me udhëheqësit shqiptarë që do të zhvilloheshin pas disa orësh. "Kështu unë duke iu përgjigjur atij, hyra në dhomë dhe rashë gjumë." tha Fani.( Daming )