Në maj të vitit 2005, atleti kinez Liu Xiang, me rezultatin e mirë në vrapimin e 100 metrave me pengesa në Lojërat Olimpike të Athinës 2004, fitoi Çmimin i Laureusit për të Rinjtë më të Mirë, që konsiderohet si një Çmim Oskar për qarqet sportive. Por gjatë vitit 2005 sportisti kinez që tronditi me të vërtetë Kinën është djaloshi 18 vjeçar Ding Junhui. Në vitin 2005, ndeshjet ndërkombëtare të Snukrit i përkasin pa dyshim Dingut. Gjatë vetëm 8 muajve, Dingu krijoi për të dytën herë mrekulli që habitën qarqet botërore të bilardos. Në prill ai fitoi medaljen e artë në China Open, duke u bërë i pari lojëtar që shpallet kampion në ndeshjet ndërkombëtare të bilardos me statusin e të drejtës së posaçme. Ndërsa në dhjetor, Dingu krijoi mrekullinë më të madhe në Kampionatin e Snukrit të Anglisë. Ai mundi me radhë 9 lojëtarë të famshëm dhe të nivelit të lartë të snukrit dhe u shpall kampion në këtë kampionat, që radhitet pas Kampionatinit Botëror. Kështu Dingu u bë gjithashtu kampioni i parë joanglez dhe joirlandez i këtij kampionati. Pasi fitoi medaljen e artë të Kampionatit të Anglisë, Ding Junhui tha:

"Shpallja kampion në Angli është një përparim i dukshëm për mua, sepse ai është kampionati i dytë i snukrit në botë dhe unë mora pjesë qysh nga raundi i parë dhe më i ulët. Ky kampionat më shton besimin dhe përvojën. Teknika ime në mbrojtje është bërë më e përsosur."

Me këto dy supriza botërore, Ding Junhui konsiderohet nga qarqet e snukrit dhe opinioni botëror si "djaloshi gjenial" i bilardos. Lojëtari i njohur irlandez Ken Dorheti, që radhet në vendin e 13-të të botës u mund nga Dingu në China Open. Ai e vlerësoi lartë Dingun.

"Ai është një lojëtar shumë i mirë. As unë nuk di si ta quaj. Si një i ri, ai pa tjetër ka presionin e madh të shumë shikuesve, por ai e kontrollon veten shumë mirë. Sa kohë të vazhdojë të përpiqet hap pas hapi, ai do të ketë një të ardhme të bukur."

Në qoftë se Ding Junhui ishte sportisti më i suksesshëm kinez në vitin 2005, ekipi i eksplorimit të Kinës në Polin e Jugut meriton të quhet ekipi më i shquar. Më 16 dhjetor, pas ecjes së vëshitirë prej 10 ditësh, ekipi i eksplorimit i Kinës më 7 veta, arriti në Polin e Jugut. 3 anëtarët e këtij ekipi, Wang Yongfeng, drejtor i ekipit të alpinizmit të Kinës, Ci Luo dhe Liu Jian e kryen veprën heroike në mënyrë "7+2", dmth. kapën majat më të larta të 7 kontinenteve dhe Polet e Jugut dhe të Veriut. Një vepër të tillë heroike e kanë kryer vetëm 5 veta në botë.

Viti 2005 ishte viti i parë i periudhës olimpike të Pekinit. Këtë vit janë zhvilluar normalisht punët përgatitore të Lojërave Olimpike të Pekinit. Më 26 qershor, u shpall solemnisht motoja e këtyre lojërave. Anëtari i Komitetit të Përhershëm të Byrosë Politike të KQ të PK të Kinës, Li Changchun publikoi përmbajtjen e motos:

"Motoja e Lojërave Olimpike të vitit 2008 është 'Një botë, një ëndërr'."

Më 11 nëntor, me rastin e 1000 ditëve para ceremonisë së hapjes së Lojërave Olimpike të Pekinit, u publikua maskoti i këtyre lojërave, 5 kukulla simpatike të fatmirësisë. Këto janë ambasadorët miqësorë që Kina i dhuron Olimpiadës dhe botës. Krahas këtyre, edhe punët e ndërtimit të pallateve e stadiumeve olimpike dhe punët e tërheqjes së investimeve për Lojërat Olimpike të Pekinit janë zhvilluar normalisht.

Sporti i Kinës kaloi një vit jo të thjeshtë më 2005, ndërkohë dhe ne shpresojmë që sportistët kinezë të arrijnë rezultate më të mira në vitin 2006. (Wang Lei)