Ndër përshtypjet e banorëve të Pekinit, gjatë vitit 2005 që sapo kaloi, është edhe të parët shpesh të qiellit të kthjellët sa po ngrinin kokën. Në fakt, deri më 31 dhjetor 2005, numri i ditëve në Pekin me cilësi ajri mbi shkallën e dytë arriti në 233, duke u realizuar kështu objektivi i parashikuar që numri i ditëve me "qielli të kthjellët" të zërë 63% të mbarë vitit. Zv/drejtori i Drejtorisë së Mbrojtjes së Mjedisit të Pekinit, Pei Chenghu tha me emocion: "Nga viti 1998 deri në vitin 2005, realizimi i 233 ditëve të kthjellëta nuk u arrit vetëm nëpërmjet punëve brenda një viti ose një periudhe të shkurtër, por është një proces i gjatë."

Në vitin 1998, gjatë 365 ditëve në Pekin mund të shihej qiell i kthjellët vetëm në 100 ditë. Edhe deri në vitin 2000, kjo shifër u shtua vetëm në 165, duke mos u arritur kështu as gjysma e vitit. Në korrik të vitit 2001, Pekini pati sukses në kërkesën për organizimin e Lojërave Olimpike 2008 dhe në të njëjtën kohë i premtoi mbarë botës që të përmirësojë mjedisin e qytetit në një nivel të ri në anë të ngritjes së cilësisë së mjedisit, të sipërfaqes së gjelbëruar dhe të trajtimit të ujit të përdorur. Në Kartën e Olimpiadës thuhet: "Një nga synimet e frymës olimpike është që ta edukojë çdo person të lidhur me Olimpiadën të njohë rëndësinë e zhvillimit të vazhdueshëm."Organizimi i Lojërave Olimpike 2008 në Pekin do të ketë lidhje të ngushtë me qarqet e sektorët e ndryshëm. Komiteti Organizativ i Pekinit u shpreh solemnisht: "Lojërat Olimpike të Pekinit do të bëhen një shembull i mbrojtjes së mjedisit dhe i kursimit të energjisë, në mënyrë që të nxitin hapat e përmirësimit të mjedisit në Pekin."

Në fakt, disa kushte objektive e pengojnë rregullimin e ndotjes së ajrit të Pekinit. Nga njëra anë, Pekini ndodhet në Kinën veriore me ajër të thatë dhe relativisht me shumë pluhurë, prandaj është vështirë të rregullohet gjendja. Nga ana tjetër, edhe kushtet meteorologjike në Pekin pengojnë përmirësimin e cilësisë së ajrit. Sipas të dhënave statistikore, në Pekin vetëm 60% e ditëve në vit kanë kushte meteorologjike që favorizojnë largimin e ndotjeve në ajër. Të gjithë këta faktorë objektivë nuk mund të ndryshojnë, kështu që për përmirësimin e cilësisë së ajrit në Pekin duhet të kapërcehen vështirësi të mëdha.

Nga viti 1998 deri më sot, për të përmirësuar në mënyrë të gjithanshme mjedisin e atmosferës së qytetit, Pekini ka bërë përpjekje në 3 drejtime: rregullimi i strukturës së energjisë, rregullimi i strukturës së industrisë dhe kontrolli i ndotjes së automjeteve.

Qymyrguri ka qenë lënda djegëse kryesore në pjesën dërrmuese të krahinave veriore të Kinës. Vitet e fundit gjithnjë e më shumë njerëz janë të shqetësuar për ndotjen nga djegia e qymyrgurit. Pas vitit 1998, Pekini ka marrë masa që të përdorë lëndët e pastra djegëse, si gazi natyror, në vend të qymyrgurit, në mënyrë që të ndryshojë strukturën tradicionale të energjisë dhe të kontrollohet ndotja nga qymyrguri.

Njëkohësisht Pekini rregulloi edhe strukturën e industrisë. Shumë ndërmarrje me ndotje të madhe u shpërngulën nga zona urbane. Deri tani 200 ndërmarrje industriale janë mbyllur. Në të ardhmen jo të largët, në zonën urbane të Pekinit nuk do të ekzistojë ndërmarrje me ndotje të madhe.

Në vitin 2005, numri i automobilave në Pekin arriti në 2 milionë e 600 mijë. Në fund të vitit 2005, Pekini filloi të zbatojë standardin shtetëror nr. 3, që është i barabartë me standardin nr. 3 evropian. Pekini ka shpejtuar edhe heqjen nga qarkullimi të automobilave të vjetër, duke përfshirë edhe 4 mijë autobusë të vjetër me motot diezel. Prandaj, pavarësisht nga shtimi i sasisë së automobilave, nuk janë shtuar lëndët ndotëse lëshuara nga automobilat.

Pas 233 ditëve të kthjellët, krahas përpjekjeve të paepura të sektorëve përkatësë, qëndron edhe merita e pekinasve të thjeshtë. Ulja e ndotjes nga pluhurat është bërë një zakon i shumë familjeve të thjeshta pekinase. (Wang Lei)