Kur erdhi koha e vjeljes së agrumeve, filluan edhe punët e shumta për fshatarin Liu Changyong të fshatit Daluao në Distriktin Autonom Mayang të kombësisë Miao të provincës Hunan. Duke treguar agrumishtet në male ai tha i gëzuar korrespondentit: "Sivjet është përsëri një vit i bollshëm, nga mëse një hektar tokë të mbjellë me portokalle, mund të marr mbi 50 mijë juanë." Vetëm brenda disa vjetëve ai ka ndërtuar shtëpinë e re, shleu borxhet, ka edhe kursime.

Liu Changyong është një nga 70 mijë fshatarët e pasuruar të distriktit Mayang. Tani në këtë distrikt janë mbjellë 12 mijë hektarë agrume. Qysh nga viti 2001, të ardhurat mesatare për frymë të fshatarëve të distriktit Mayang janë shtuar me 200 juanë në vit, ndërsa në vitin 2004, arritën në 1500 juanë.

Malet e këtij distrikti janë të mbuluar me gurë të kuq. Në fillim kur administrata qeveritare e distriktit mobilizoi fshatarët të mbjellin agrume në male, asnjëri nuk besoi se në këto male me plot gurë, ku nuk ishte rritur asnjë dru, mund të rriteshin mirë agrume.

Fshatarët nuk kishin as agroteknikë e as besim. Në këtë kohë Komiteti i Partisë dhe administrata qeveritare e distriktit vendosën që kuadrot drejtuese të mësojnë të parët agroteknikën, të mbjellin agrume në malet e zhveshura, duke u ngritur si shembull i të gjithë fshatarëve dhe parashtruan kërkesën: "Një njeri zotëron një agroteknikë, një njeri ndihmon një familje fshatare".

Fondi i mbjelljes së agrumeve erdhi nga grumbullimi i kuadrove, nga ndihma e qeverisë dhe nga kredia bankare. U organizuan mbi 80 kurse të agroteknikës.

Në vitin 1986, disktrikti mori 6 milionë e 400 mijë juanë kredi nga Banka Botërore, në vitin 1993 kuadrot e institucioneve të distriktit hapën 1200 hektarë toka të reja, ku mbollën agrume, të cilat janë rritur shumë mirë. Kështu fshatarët filluan të kenë besim dhe të mbjellin agrume në këto male të zhveshura.

"Po të mos kultivoja agrume, deri më sot do të jetoja me ndihmën e qeverisë", i tha korrespondentit fshatari Fu Xihe. Para 9 vjetëve, kur mori vesh se agrumet e mbjella nga kuadrot e distriktit rriteshin mirë në malet e mbuluara me gurë të kuq, ai nuk e besoi. Kur pa me sytë e vetë agrumet e rritura për bukuri në male, bile edhe me kokrra, ai u habit dhe u gëzua pa masë. Ai mori në angazhim me njëherë 80 hektarë male të zhveshura dhe mori 400 mijë juanë kredi nga banka. Pas 3 vjetëve, në këto toka ai mbolli portokalle, në vitin 2000 ato dhanë 1000 tonë portokalle, nga të cilat ai fitoi mbi 2 milionë juanë. Me këto para ai krijoi një shoqëri të frutave, ku janë punësuar mbi 30 veta dhe janë ftuar edhe mbi 100 agroteknikë pa shkëputje nga puna. Nën shembullin e tij, fshatarët e tjerë të lokalitetit Shiyangshao filluan të hapin toka të reja dhe të mbjellin agrume.

Tani fshatarët e distriktit Mayang janë pasuruar duke kultivuar agrume. Çdo vit në sezonin e agrumeve portokallet e distriktit Mayang shpërndahen nga malësorët e Kombësisë Miao në të gjitha kraninat e vendit.?Pina?