8 janari i këtij viti ishte 30 vjetori i ndarjes nga jeta të ish-kryeministrit të Kinës Çu Enlai. Ditët e fundit, media të ndryshme të Kinës botuan artikuj dhe vjersha si dhe intervista në shënje kujtimi të të ndjerit ish- kryeministër Çu Enlai.

Edhe korrespondentët e gazetës së Radios së Jashtme të Kinës "Lajme nga Bota" intervistuan ditët e fundit disa diplomatë veteranë që kanë punuar si përkthyes të ish-kryeministrit Çu Enlai. Ndër ta janë ish-ambasadori i Kinës në Luksemburg Shi Yanhua, ish-ambasadori i Kinës në Indi dhe Birmani Chen Ruisheng, ish-ambasadori i Kinës në Iran Hua Liming, ish-ambasadori i Kinës në Korenë e Jugut Zhang Tingyan, ish-ambasadori i Kinës në Portugali dhe Maltë Guo Jiading, ish-ambasadori i Kinës në Shqipëri Fan Chengzuo, si dhe ish-këshilltarët e ambasadave të Kinës në Francë, Angli etj.

Ata e kujtuan nga aspekte të ndryshme ish-kryeministrin Çu Enlai, duke u treguar lexuesve jetën e ditëve të fundit të ish-kryeministrit Çu Enlai dhe mjeshtërinë diplomatike, episode të hollësishme të jetës së tij si dhe ndjenjat e dashurinë e madhe të ish-kryeministrit Çu Enlai për popujt e vendeve të ndryshme.

Në vitet '60-të të shekullit të kaluar, ish-kryeministri Cu Enlai ka bërë tri herë vizitë në Shqipëri dhe ish-ambasadori i Kinës në Shqipëri z. Fan Chengzuo e ka shoqëruar atë si përkthyes në dy nga këto vizita.

Duke kujtuar ish-kryeministrin Çu Enlai, z. Fan Chengzuo tha se kryeministri Çu Enlai ishte një njeri i palodhur dhe që punonte shumë. Nganjëherë, nga lodhja e tepërt atij i dilte edhe gjak nga hunda. Por ish-kryeministri Çu Enlai nuk e merrte parasysh këtë gjë, por vepronte siç ishte, plot vitalitet, pasi ndalte derdhjen e gjakut nga hunda.

Gjatë vizitës në Shqipëri në vitin l963, Kryeministri Çu Enlai arriti në prag të Vitit të Ri, pas vizitave në vendet afrikane, dhe po atë ditë, pasi u prit nxehtësisht nga gjithë qytetarët e Tiranës, mori pjesë edhe në takimet e punëtorëve, të artistëve dhe shkrimtarëve, në takimet me ushtarakët me rastin e Vitit të Ri, në banketin shtetëror, në koncertin për Vitin e Ri, në vallëzimet e gjithë natës së vitit të Ri. Pas përfundoi këto 6 aktivitete madhështore, ora shënonte 4 e mëngjesit të vitit l964. Atëherë, të gjithë shoqëruesit kinezë në shtëpinë e pritjes në Tiranë ranë në gjumë.

Kurse kryeministrit Çu Enlai ende nuk i vinte për të fjetur. Ai duke shëtitur në dhomë, po mendonte për aktivitetet e ditës, si dhe për bisedimet me liderët shqiptarë.

Po në ditën e Vitit të Ri, kryeministri Çu Enlai u shprehu urime e përshëndetje gjithë punonjësve të shtëpisë së pritjes, duke u uruar atyre Gëzuar Vitin e Ri dhe lumturi në Jetë.

Kjo u la përshtypje të thella punonjësve shqiptarë.

Në qershor të vitit l966, kryeministri Çu Enlai bëri për të tretën herë vizitë në Shqipëri. Në Shqipëri ishte për vizitë edhe delegacioni i naftëtarëve të Kinës. Gjatë takimit me anëtarin e delegacionit të naftëtarëve të Kinës Wang Jinxi, lideri i Shqipërisë i tha : "Unë e di se ju jeni njeri i hekurt i fushës naftëmbajtëse Tacin, kurse kryeministri juaj Çu Enlai është njeri i hekurt i popullit qindra milionësh kinez ! "(Zhai)