Zhang Ziyi

Zhang Ziyi konsiderohet nga të gjithë si aktorja e kinemasë Nr.1 e Kinës. Tani ajo po bëhet gradualisht një superyll ndërkombëtar i filmit. Në renditjen e të ardhurave të yjeve të filmit të Kinës, Zhang Ziyi radhitet në vendin e parë me 120 milionë juanë të ardhura. Fotografia e saj u botua dy herë në kopertinën e revistës javore amerikane "Time". Zhang Ziyi ka bashkëpunuar pothuajse me të gjithë regjisorët e shquar kinezë. Pak kohë më parë ajo interpretoi edhe rolin kryesor të filmit të mbikëqyrur nga regjisori i famshëm amerikan Stiven Spielberg "Kujtimet e një geishe". Për shkak të interpretimit të suksesshëm, Zhang Ziyi u emërua kandidate për aktoren më të mirë kryesore të Çmimeve "Globi i Artë" të këtij viti.

Ditët e fundit, revista javore amerikane "Time" zgjodhi 14 persona me ndikimin më të madh në botë në vitin 2005, ndër të cilët përfshihen Zhang Ziyi dhe presidenti i Shoqërisë së Naftës Detare të Kinës Fu Chengyu. Revista "Time" e vlerëson kështu Zhang Ziyi: "Zhang Ziyi është shumë e famshme në SHBA, pothuajse të gjithë njerëzit e njohin këtë vajzë kineze. Veçanërisht interpretimi këtë herë prej saj ajo i rolit kryesor të filmit 'Kujtimet e një geishe', ka tërhequr vëmendjen e gjerë të medias amerikane."

26-vjeçarja Zhang Ziyi po bëhet një yll ndërkombëtar i filmit. Shumë njerëz janë të mendimit se ajo është një vajzë me fat, por Zhang Ziyi u shpreh se ky është rezultati i përpjekjeve të saj të palodhura. Ajo tha: "Shumë njerëz nuk i kanë parë përpjekjet e mia. Jam e mendimit se rezultatet do të vërtetojnë se këto përpjekje janë të vlefshme."

Duke folur për rrugën e ardhshme të artit, Zhang Ziyi u shpreh: "Shpresa ime më e madhe ime është që të bashkëpunoj me regjisorë të shquar për të xhiruar më shumë filma të mirë."

Gong Li

Gong Li është përfaqësuese e yjeve të filmit të Kinës në vitet '90 të shekullit të kaluar. Vitet e fundit, ajo ka pasur rrallë role në film, por në vitin 2005, ajo interpretoi në filmin e regjisorit të Hongkongut Wang Jiawei "Perëndia e dashurisë" dhe në filmin e Holliwudit "Kujtimet e një geishe" duke tërhequr përsëri vëmendjen e shikuesve dhe të medias.

Në vitin 1985, Gong Li u pranua në fakultetin skenik të Universitetit Qendror të Dramës të Kinës. Kur ishte në vitin e dytë të universitetit, ajo u zgjodh nga regjisori Zhang Yimou dhe interpretoi rolin kryesor Jiuer në filmin e parë të Zhang Yimout "Melekuqja". Megjithëse interpretimi i Gong Lisë nuk ishte shumë i pjekur, ajo shprehu potencialin e madh në këtë fushë. Filmi "Melekuqja" u vlerësua lart brenda e jashtë vendit e po ashtu edhe Gong Li u bë e famshme brenda e jashtë vendit. Pas kësaj, Gong Li zhvilloi vazhdimisht bashkëpunime me regjisorin Zhang Yimou dhe interpretoi role kryesore në disa filma të tij.

Kulmi i interpretimit të Gong Lisë u shfaq në filmin "Qiuju ngre padi" të xhiruar në vitin 1992 nga regjisori Zhang Yimou. Në këtë film, Gong Li interpreton një grua fshatare që ngre padi kundër drejtorit të fshatit për dëmshpërblim. Interpretimi i vërtetë i Gong Lisë i preku thellë shikuesit. Ajo jo vetëm fitoi çmime vendëse të aktores më të mirë kryesore, por edhe fitoi çmimin e aktores më të mirë kryesore në Festivalin e 49-të të Filmit të Venecies. Kjo është hera e parë që një aktore filmi e krahinave të brendshme të Kinës fiton çmim në një festival të madh ndërkombëtar filmi.

Këtë vit, Gong Li do të bashkëpunojë përsëri me regjisorin Zhang Yimou për të xhiruar një film lidhur me dinastinë Tang të Kinës. Njerëzit presin që ajo të interpretojë tjetër një rol të shkëlqyeshëm.

Zhang Jingchu

Zhang Jingchu është ylli i ri më tërheqës i filmit në vitin 2005. Ajo i ngjan yllit të kinemasë Zhang Ziyi, prandaj shumë njerëz e quajnë "Zhang Ziyi e vogël".

Zhang Jingchu u diplomua në fakultetin e regjisurës të Universitetit Qendror të Dramës të Kinës, por njerëzit zakonisht e konsiderojnë si një aktore të shquar kinemaje. Në fillim të vitit 2005, ajo interpretoi rolin kryesor të filmit "Palloi". Ky film fitoi çmimin "Ariu i argjendtë" në Festivalin e Filmit të Berlinit dhe Zhang Jingchu u bë e famshme.

Në vitin 2006, Zhang Jingchu do të interpretojë rolin kryesor në filmin me investim të 4 vendeve, të Kinës, Francës, Finlandës dhe Holandës "Ushtarja" dhe në filmin historik me një investim mbi 100 milionë juanë "Lufta në Chibi". Njerëzit shprehin bindjen se Zhang Jingchu do të bëhet një yll tjetër ndërkombëtar i filmit i Kinës si Zhang Ziyi. (Fani)