Për shumë njerëz, viti 1988 i përket një kohe të largët, por për Xu Yanmein, ai është një vit i paharrueshëm. Në vjeshtën e atij viti në Lojërat Olimpike të Seulit, ajo fitoi titullin kampione në hedhjen në ujë nga platforma për femra, duke fituar medaljen e parë të artë për delegacionin kinez dhe duke u bërë sportiste e njohur në tërë botën.

Xu Yanmei ka lindur në vitin 1971 në provincën Jiangxi të Kinës. Kur ishte 8 vjeçe, ajo hyri në shkollën amatore sportive dhe filloi stërvitjen në ekipin e gjimnastikës. Më pas, trajneri i ekipit të hedhjes në ujë zbuloi që Xu Yanmei tregonte shumë seriozitet dhe kujdes në stërvitje dhe ajo u pranua në ekipin e hedhjes në ujë. Kur ishte 13 vjeçare, Xu Yanmei arriti rezultate të mira në kampionatin botëror të hedhjes në ujë të Shangait, duke hyrë me sukses në kombëtaren kineze të hedhjes në ujë. Ndërsa në vitin 1987, ajo fitoi titullin kampione në kupën botërore të hedhjes në ujë. Por në Lojërat e 10-ta Aziatike të organizuara në Seul, Xu Yanmei nuk e mbaroi mirë provën e fundit dhe fitoi vetëm medaljen e argjendtë në hedhjen në ujë nga platforma për femra. Kjo ishte një humbje e rëndë për të, por Xu Yanmei nuk u step dhe nxorri mësime nga kjo humbje. Dhe një vit më pas në Lojërat Olimpike të Seulit, Xu Yanmei e mbaroi shumë mirë provën e saj të fundit, duke fituar medaljen e artë olimpike për Kinën. Ky është kulmi i karrierës së saj sportive.

Pas 17 vjetësh, sportistja e njohur e asaj periudhe ka filluar jetën e lumtur familjare.

Në vitin 1991, Xu Yanmei mbylli zyrtarisht karrierën e saj sportive dhe u kthye në provincën Hainan të Kinës jugore. Në fund të vitit 1994, ajo lindi një fëmijë. Në familjet e thjeshta kineze, pas lindjes së fëmijëve prindërit fillojnë të planifikojë të ardhmen e tyre, por Xu Yanmei, ebërë nën tashmë, ishte e mendimit se fëmijët duhet të rriten vetë jashtë kontrollit të familjes. "Për mua, medalja e artë olimpike dhe lindja e vajzës janë 2 gjëra më të rëndësishme," tha ajo: " medalja e artë është përfundimi i bukur i karrierës sime sportive dhe lindja e vajzës është pikënisja e jetës sime të re."

Në atë kohë, disa kampionë olimpikë hynë në fushën tregtare ose vazhduan studimet e tyre në universitete të njohura me bursë. Por Xu Yanmei nuk veproi kështu dhe u kthye në vendlindjen e saj. Shokëve të saj u vjen keq që Xu Yanmei nuk e shfrytëzoi këtë rast të mirë për një jetë më të pasur. Por Xu Yanmei u tha atyre: "Çdo njeri ka synime të ndryshme dhe e kërkon lumturinë e vet nëpërmjet rrugëve të ndryshme. Disa duan para, disa duan status të lartë shoqëror, disa duan të bëhen funksionarë të lartë në qeveri etj, ndërsa unë jam një person i thjeshtë dhe synimi im është të kaloj një jetë të qetë. Për mua një familje e ngrohtë dhe e lumtur mjafton."

Xu Yanmei i tha gazetarit se ajo kishte dhënë kontribut për zhvillimin e sportit të hedhjes në ujë të Kinës dhe pasi përfundoi karrierën sportive, ajo kishte dëshirë që të jepte kontribut për familjen.

Pas intervistës, gazetari mori lajmin e mirë që Xu Yanmei u përcaktua si sportiste nderi e sallonit të notarëve të famshëm botërorë të vendosur në SHBA. (Jiang Lei)