Më 28 dhjetor u organizua në Pallatin e Madh të Popullit në Pekin në mbledhje me rastin e l00 vjetorit të krijimit të kinematografisë kineze. Para hapjes së mbledhjes, kryetari i shtetit i Kinës Hu Jintao u takua me përfaqësues të kineastëve dhe artistëve kinezë. Anëtari i Byrosë Politike të KQ të PK të Kinës Li Changchun mbajti në mbledhje një fjalim të rëndësishëm, ku paraqiti kërkesat për shpejtimin e reformës dhe zhvillimit dhe për lulëzimin e mëtejshëm të kinematografisë kineze.

Ditë me radhë, në kuadrin e l00 vjetorit të Kinematografisë kineze, qarqet e ndryshme të Kinës kanë organizuar një varg aktivitetesh, të cilat arritën kulmin më 28 dhjetor. Po më 28 dhjetor, Drejtoria e propagandës e KQ të PK të Kinës, Drejtoria e Përgjithshme e Radio-Film-Televizionit të Kinës dhe Ministria e Kulturës e Kinës organizuan së bashku në Pallatin e Madh të Popullit në Pekin një mbledhje madhështore me rastin e l00 vjetorit të kinematografisë kineze, ku morën pjesë më se 700 përfaqësues të kineastëve e artistëve dhe personalitete të qarqeve të ndryshme.

Anëtari i Komitetit të përhershëm të Byrosë Politike të KQ të PK të Kinës Li Changchun mbajti një fjalim të rëndësishëm, ku ndër të tjera ai tha : "Duke përkujtuar l00 vjetorin e kinematografisë kineze, duhet të bëjmë një bilanc të së kaluarës dhe të sqarojmë më tej përpjekjet dhe orientimin e ardhshëm duke i drejtuar sytë nga e ardhmja, e duke analizuar në mënyrë shkencore gjendjen e tanishme."

Qysh nga prodhimi në vitin l905 i filmit të parë kinez "Mali Dingjun", gjatë këtyre l00 vjetëve, me përpjekjet konsekunente të kineastëve, Kina ka arritur suksese të mëdha në prodhimin e filmave. Sipas statistikave jo të plota, nga viti l905 deri në fund të vitit 2005, Kina ka prodhuar 26 mijë e 300 filma artistikë, ekranizime, vizatimorë, televizivë etj. (pa përfshirë këtu filmat e xhiruar nga zonat e Hongkongut dhe Tajvanit pas vitit 1949 ). Deri në fund të vitit 2005, Kina ka më se l00 institucione për prodhimin e filmave me përmasa të ndryshme. Vitet e fundit kanë dalë një numër filmash të shumëpritur shumë në treg nga spektatorët, si "Heronjtë", "Shtëpi e kamëve fluturuese ", "Celularë ", " Premtimet "etj janë shitur shumë mirë dhe kanë ushtruar një ndikim të madh në botë.

Li Changchun vuri në dukje se në zhvillimin e kinematografisë kineze, ekzistojnë edhe disa probleme që duhen zgjidhur si numri i vogël i filmave të pritur shumë në treg dhe nga spektatorët, pengesa sistemore si dhe sulmet e filmave të huaja kryesisht të filmave amerikanë kundër tregut të filmave kinezë etj. Lidhur me këtë, Li Changchun paraqiti edhe kërkesa për reformën dhe zhvillimin e kinematografisë kineze. Ai tha :"Për të realizuar një lulëzim më të madh të kinematografisë kineze, duhet të thellohen pandërprerë reformat e mekanizmave kinemtografike, dhe të kultivohen një numër ndërmarrjesh të kinematografisë moderne me potencial me forcë konkurruese e me marka të njohura dhe të inkurajohen fondet shoqërore të investojnë në prodhimin dhe qarkullimin e filmave."

Ai tha gjithashtu se duhet të nxitet dalja e filmave kinezë në botë, me anë të bashkëpunimit midis Kinës dhe vendeve të huaja në prodhimin e filmave, të pjesëmarrjes së filmave kinezë në festivalet ndërkombëtare të filmave, të zgjerimit të rrjetit për qarkullimin e filmave në botën, të zgjerimit të kanaleve të shkëmbimeve të filmave me botë dhe të pjesëmarrjes aktive në bashkëpunime dhe konkurrime ndërkombëtare.

Në mbledhje u dekoruan 50 "kineastë me kontribut të jashtëzakonshëm", duke përfshirë kineastë dhe aktorë të brezit të vjetër dhe të brezit të sotëm si Zhang Yimou, Chen Kaige, Fen Xiaogang, Ho Jienqi, Gong Li etj.

Aktorja e re e njohur në Kinë dhe në botë Zhang Ziyi tha në fjalimin e mbajtur në mbledhje se " Ne kemi lindur në një kohë shumë të mirë, shteti është në lulëzim dhe populli jeton në qetësi, atdheu na ka dhënë një skenë të gjerë për të treguar talentin tonë. Ne e duam kinematografinë dhe kinematografia ka nevojë për ne. Ne do të mësojmë nga arti i kinematografisë së përparuar botërore dhe do të krijojmë vepra të shquara ". ( Zhai)