Më 30 dhjetor të vitit 2005, u krijua në Pekin Shoqata Kineze e Shkëmbimeve të Kulturës Fetare. Krijimi i kësaj shoqate bëhet për forcimin e shkëmbimeve të qarqeve fetare kineze me botën e jashtme.

Në fjalimin e mbajtur në ceremoninë e krijimit të shoqatës, nënkryetari i Komitetit të Përhershëm të Asamblesë Kombëtare Popullore të Kinës dhe kryetari i Shoqatës Patriotike Katolike të Kinës Fu Tieshan vuri në dukje se krijimi i Shoqatës së Shkëmbimeve të Kulturës Fetare ka hapur një rrugë të re të shkëmbimeve fetare kineze me botën e jashtme dhe është në favor të propagandimit të politikës së lirisë së besimit në Kinë dhe të gjendjes aktuale të qarqeve fetare të Kinës.

Në vitin 2006, Shoqata e Shkëmbimeve të Kulturës Fetare do të organizojë një sërë aktivitetesh. Për shembull, nga 13 deri më 16 prill, kjo shoqatë dhe Shoqata e Fesë Budiste e Kinës do të zhvillojnë së bashku forumin e parë botëror të fesë budiste.

(Fani)

Në krahinat e ndryshme kineze u organizuan aktivitete të ndryshme artistike me rastin e vitit të ri

Agjencia kineze e lajmeve Hsinhua njoftoi më 1 janar se me rastin e vitit të ri 2006, në krahinat e ndryshme kineze u organizuan aktivitete të ndryshme artistike.

Më 1 janar, në Pekin u zhvilluan më se 10 shfaqje artistike si koncerti i vitit të ri 2006 i orkestrës filarmonike të Kinës, drama muzikore "Broadway" e SHBA-së "Shtëpia me qira" etj. Krahas këtyre, nga 1 janari deri në festën e pranverës, në teatrat e Pekinit do të shfaqen edhe baleti historik evropian "Legjendë", baleti "Tchaikovsky" etj.

Më 1 janar, në qytetin Shangai u shfaq koncerti simfonik i muzikanëve kinezë jashtë vendit. Më se 100 muzikanë të famshëm kinezë jashtë vendit u dhanë qytetarëve të Shangait një shfaqje të shkëlqyeshme. Deri në festën e pranverës, në Shangai do të zhvillohen edhe 19 shfaqje të valleve e këngëve, të muzikës tradicionale kineze etj.

Në qytetin Tianjin, muzikanët e orkestrës simfonike Zurich të ardhur nga Zvicra dhe muzikanët e orkestrës filarmonike popullore e Tianjinit dhanë së bashku një koncert simfonik. Meloditë e famshme botërore i prekën thellë shikuesit e pranishëm.

Më 1 janar, në parkun Wenwuyuan të qytetit Nanning të Rajonit Autonom të Guangxizhuanit, më se 20 të rinj të kombësisë Yao me kostume tradicionale vallëzuan dhe kënduan se bashku me qytetarë të Nanningut për të festuar vititn e ri.

Do të emetohet pulla e vitit të qenit

Agjencia kineze e lajmeve Hsinhua njoftoi më 2 janar se më 5 janar, Posta Shtetërore e Kinës do të emetojë pullën jubilare "Viti i Qenit" me një vlerë prej 0.8 juanësh.

Sipas kalendarit tradicional kinez, viti 2006 ësht viti i qenit. Sipas pikëpamjes së popullit kinez, qeni është një kafshë e butë, besnike, trime. (Fani)