Kompania Shanshan është një ndërmarrje e njohur e prodhimit të rrobave. Para 16 viteve, Shanshani ishte vetëm një markë e produkteve, ndërsa tani është bërë një markë ndërmarrjeje që ka forcë ndikuese në botë.

Kryetari i kompanisë Shanshan Zheng Yonggang i tha korrespondentit se në vitin 1989 ai filloi punë në fabrikën e rrobave Yonggang të qytetit Ningbo. Në atë kohë ai dëshironte të krijonte një markë të njohur kineze të kostumit. Por shumë njerëz nuk e besuan këtë. Në atë kohë Zheng Yonggangu mendonte se marka ishte një lloj shpirti vazhdimisht në kërkim.

Zheng Yonggangu tha se ai ka shkuar në Francë dhe Itali për të marrë përvojë nga kompani të njohura botërore. Duke bërë krahasime me to, ai zbuloi se marka e rrobave është një paraqitje kulturore e historike. Në atë kohë, për mua, marka e rrobave ishte një lloj civilizimi, një lloj arti dhe një lloj shkrirje midis njerëzve dhe artit, midis rrobave dhe teknologjisë. Gjithashtu, ajo është një kontribut për civilizimin e veshjeve dhe për risitë e mendimit.

Në vitin 2001, u fillua të zbatohet strategjia "Marka të shumta dhe ndërkombëtarizimi". Kompania Shanshan filloi të bashkëpunojë me disa kompani të dalluara si Dupon, Farao etj.

Gjatë disa viteve, marka Shanshan është vështruar si simboli dhe nderi i rrobave kombëtare. Në të vërtetë në disa dyqane luksoze nuk kam parë marka kineze, por vetëm marka ndërkombëtare. Zheng Yonggang tha se kjo do të thotë marka kineze nuk ka akoma mjaft forcë tërheqëse në botë.

Në të kaluarën "kombëtarizimi i rrobave" ishte i theksuar, atëherë prodhonim një sasi të madhe rrobash me çmime shumë të ulta për t'i shitur jashtë shtetit. Mund të them që ato rroba ishin të pavlefshme.

E dimë që vlera thelbësore e rrobave është marka e tyre. Në botë, rrobat kineze nuk luajnë një rol të rëndësishëm, sepse nuk kanë marka shumë të njohura. Ky është rezultati i zbatimit të "kombëtarizimit të rrobave".

Hyrja e rrobave kineze në tregun botëror, sidomos në tregun e vendeve të zhvilluara, varet nga pranimi i markave kineze prej tyre. Rrobat ndryshojnë nga produktet teknologjike, sepse ato simbolizojnë një mënyrë të caktuar jetese. Markat e rrobave u ofrojnë konsumatorëve jo vetëm lehtësive por edhe një karakter të posaçëm.

Kjo do të thotë se duhet të pranojmë një sasi të madhe markash ndërkombëtare, një sasi të madhe të teknologjisë të përparuar etj. Atëherë mund të themi që rrobat tona janë kualifikuar për t'u shitur në botë.

Tani disa kompani që prodhojnë rroba me marka të njohura në botë e vlerësojnë lart tregun e Kinës dhe rrjetin e shitjes së kompanisë Shanshan. Në Kinë ka 3000 dyqane të kësaj kompanie. Disa prej tyre bashkëpunojnë aktivisht me Shanshanin dhe Shanshani gjithashtu zbulon shpesh herë pas here marka me potencial zhvillimi dhe të përshtatshme për tregun e Kinës.

Marka nuk është e izoluar. Ajo është lidhur ngushtë me zhvillimin e forcës së një shteti. Tani kompania Shanshan mund të bisedojë me disa kompani të huaja të njohura në mënyrë të barabartë, sepse është e mbështetur nga Kina. E dimë që nëse një shtet nuk është i fuqishëm, atëherë edhe ndërmarrjet e këtij shteti nuk do të jenë të fuqishme.

Ndërkombëtarizimi është bërë prirje kryesore e ndërmarrjeve të Kinës. Gjatë procesit të zhvillimit të kompanisë Shanshan, ajo ka shfrytëzuar efektivisht markën.

Kina është marka jonë më e madhe, ajo është shtylla e përjetëshme për kompaninë tonë. Si përfaqësuese e kombit kinez, kompania Shanshan do të japë kontributin e duhur për ringjalljen e markave kineze. (U Sen)