Dëgjoni 

Të dashur lexues, po dëgjoni tani melodinë "Feniksi shpalos krahët" të interpretuar nga Hu Tianquani me veglën tradicionale kineze Shën. Në këtë melodi përshkruhen gjesturet e bukura të feniksit kur shpalos krahët plot ngjyra nën ylberin e dalë pas rënies së shiut, duke treguar gëzimin e njerëzve për jetën e lumtur.

I lindur në një familje muzikëdashëse në provincën ShanXi të Kinës veriore, Hu Tianquani filloi, në moshën 10 vjeçare, të mësojë nga i ati ekzekutimin me disa instrumente tradicionale kineze si Suona, Guanzi etj., dhe kështu që kur ishte i ri, Hu zotëronte shumë mjeshtri në interpretimin e melodive popullore kineze. Pas shpalljes së Kinës së Re, Hu Tianquani u bë interpretues i një ansambli të Ushtrisë Çlirimtare Popullore të Kinës. Melodia që sapo dëgjuat është jo vetëm një solo jo vetëm e interpretuar nga Hu me instrumentin muzikor Shën, por edhe e kompozuar nga ai në bashkëpunim me muzikantin Dong Hongdë. Interpretimi i kësaj soloje shënoi një përparim të ri të veglës Shën, sepse në të kaluarën kjo vegël muzikore përdorej më shumë si shoqëruese e instrumenteve të tjera muzikore në orkestër. Me këtë solo, Hu-ja ndryshoi konceptin e njerëzve dhe u mirëprit së tepërmi nga spektatorët. Madje dhe në Festivalin e 6-të të Rinjve Botërorë, të organizuar në vitin 1957, me këtë vepër Hu Tianquani fitoi medaljen e artë në Konkursin e Interpretimit të Melodive Popullore.

Pas kompozimit të veprës "Feniski shpalos krahët", Hu Tianquani nuk e ndaloi punën për interpretimin me instrumentin Shën. Duke u mbështetur në mjeshtritë tradicionale të interpretimit, Hu krijoi një sërë metodash të reja në këtë drejtim. Ai i shtoi interpretimit popullor disa mënyra të interpretimit me instrumentev moderne. Kështu me instrumentin e Shënit u bë e mundur të interpretohen më shumë melodi me karakteristika të ndryshme. Përveç këtyre, Hu Tianquani i kushton vëmendje të madhe përsosjes së strukturës së këtij instrumenti Shënit. Në vitin 1979, ai vuri me sukses tastivën e veglës muzikore kineze Ba U në shtyllën e Shënit, duke formuar një lloj Shëni të reformuar: Bau Shën. Më vonë, bashkë me një kompozitor, Hu kompozoi një solo të interpretuar me Bau Shën.

Të dashur lexues, në fund të këtij programi, ju ftojmë ta shijoni këtë melodi "Kënga e Ashisë", kompozuar e interpretuar nga Hu Tianquani me Bau Shën, në të cilën përshkruhet panorama e bukur kur banorët e kombisë Ji këndojnë dhe vallëzojnë në festë.

Dëgjoni (Çan Yean)