Fshati më i pasur në Kinë Huaxi i p;rket qytetit Jiangyin të provincës Jiangsu të Kinës lindore. Në këtë fshat, të gjitha familjet kanë depozita prej 1 deri 10 milionë juanësh, kanë nga një vilë me një sipërfaqe prej 400 deri 600 metrash katror; dhe kanë secila 1 deri n; 3 vetura.

Në vitin 2004, të ardhurat mesatare për frymë të fshatarëve arritën në 80 mijë juanë. Kur përmendet fjala "fshat", na vijnë ndër mend menjëherë arat, pulat dhe qent;, shkruan korrespondenti. Fshati Huaxi është i njohur prej kohësh, por kur erdhi vetë këtu dhe pa nga afër një mënyrë tjetër jetese të fshatit të pasuruar, korrespondenti u habit shumë. Në këtë fshat nuk shihen fare ara, por të bien në sy dhjetëra uzina e fabrika moderne, kulla e ujit dhe oxhakë të lartë që ngrihen drejt qiellit.

Shtëpitë e reja dhe vilat e fshatarëve radhiten të rregullta në të dy anët e rrugëve të gjera, ndërsa përreth shtëpive rriten pemë dhe lule të bukura. Hymë në një shtëpi, shkruan korrespondenti, ku na pritën ngrohtësisht një çift të moshuarish. I zoti i shtëpisë, mësuesi pensionist 76 vjeçar është kushëriri i ish-sekretarit të Organizatës bazë të Partisë të fshatit.

Ai i tha korrespondentit se ka 4 fëmijë, se shtëpia 3 katëshe mbi 600 metra katrorë është e djalit të tij të vogël, që punon si zv/drejtor i një uzine farkëtimi dhe nipi i tij po mëson në shkollë të mesme. Ai tha se ka jetuar gjithmonë në fshatin Huaxi dhe ka parë me sytë e tij ndryshimet kolosale të këtij fshati.

Degët industriale kryesore të fshatit Huaxi janë metalurgjia, tekstilet, turizmi etj. Nëpërmjet rritjes së nivelit tekniko-shkencor, forcimit të administrimit dhe ngritjes së mundësive konkurruese me prodhimin e produkteve të reja, produktet kryesore të fshatit Huaxi eksportohen në Angli, SHBA, Japoni dhe në 40 vende dhe rajone të tjera të botës. Ky fshat mbylli 2 fabrika kimike dhe me 10 milionë juanë ndërtoi një fabrikë të trajtimit të ujit të përdorur. Sot i gjithë uji i trajtuar i fshatit ka arritur standardin kombëtar, kurse uzina e gizës Huaxi quhet "uzinë park".

Mbi 1 milion turistë që vijnë çdo vit në fshatin Huaxi mahniten nga ndryshimet e tij. Këtu fëmijët e lumtur shkollohen falas, ndërsa të moshuarit jetojnë bashkë me fëmijët. Po të mbushë 100 vjeç një i moshuar, të gjithë anëtarët e familjes së tij fitojnë secili nga 10 mijë juanë shpërblim. Para 2 vjetëve, një i moshuar mbushi 100 vjeç, dhe 37 anëtarë të familjes së tij fituan 37 mijë juanë shpërblim. Mësuesi pensionist Vu i tha korrespondentit se ai së bashku me të moshuar të tjerë kanë shkuar për vizitë në qytetet Pekin, Sian, në Singapor, Tajlandë, Hongkong dhe Makao.

Gjatë vizitës në fshatin Huaxi, korrespondenti nuk e takoi njeriun legjendar që ka krijuar Huaxinë e ndritur Vu Ren Bao, thuhej se ai është tërhequr nga posti drejtues i fshatit. Megjithatë, ai gëzon prestigj të lartë dhe besimin e madh të fshatarëve të Huaxisë. (Pina )