Më 18 dhjetor u mbyll në Hongkong Konferenca e 6-të e ministrave e OBT-së. Kjo konferencë arriti disa përparime në problemet bujqësore, të hyrjes së produkteve jo bujqësore në treg si dhe në problemin e zhvillimit. Pjesëmarrja aktive e Kinës në bisedime dhe mendimi i saj për zhvillimin e barabartë të biznesit ndërkombëtar u ka lënë mbresa të thellapjesëmarrësve në konferencë. Personalitetet përkatëse u shprehën se gjatë 4 vjetëve pas pranimit të saj në OBT, Kina ka zbatuar me seriozitet premtimet, ka hapur tregjet e brendshme dhe të jashtme, duke u bërë gradualisht një anëtare e saj e gjallë.

Duke folur për Kinën në konferencën e OBT-së në Hongkong, drejtori i përgjithshëm i OBT-së Paskal Lami shprehu mendimin se Kina ka treguar plotësisht artin e vet në bisedimet shumëpalëshe tregtare:

"Kina është një negociatore e zgjuar, mjeshtria e bisedimeve ka qenë gjithmonë një art i lashtë i Kinës. "

Si vend organizator i kësaj konference, Kina shprehu aktivisht mendimin se duhet të mbajmë parasysh interesat e vedeve anëtare në zhvillim. Lidhur me këtë, ministri i tregtisë i Kinës z. Bo Xilai tha në konferencë:

"Gjatë shtytjes së liberalizimit të tregtisë botërore, duhet të mbajmë parasysh shumicën dërmuese, në mënyrë që vendet anëtare në zhvillim të trajtohen në mënyrë të veçantë dhe të ndjekin hapat e marshimit, në përpjekje që të arrihet mendimi unanim në këtë konferencë lidhur me problemin e pambukut etj. për të shtuar besimin e pjesës së madhe të anëtarëve për raundin e bisedimeve Doha."

Mendimi i Kinës është një sihariq për fshatarët e varfët të vendeve anëtare në zhvillim. Njësoj si në vendet e tjera në zhvillim, prodhimi i përgjithshëm i Kinës për frymë është 1400 dollarë amerikanë, duke qenë në nivel të ulët, shumica më e madhe e popullsisë kineze përbëhet nga fshatarë dhe rreth 200 milionë banorë jetojnë në varfëri. Por, vuri në dukje z. Bo Xilai, Kina po jep kontribut për botën. Ajo importoi këtë vit 600 miliardë dollarë mallra, duke i krijuar botës një treg të madh dhe të ri. Qeveria kineze deklaroi se do të anulojë të gjitha borxhet e vendeve të varfëra.

Në konferencën e Honkongut Kina u bëri thirrje sa më shumë anëtarëve të njohin statusin e ekonomisë së tregut të Kinës, të evitojnë shpërdorimin e masave të antidupingut, të forcojnë tejdukshmërinë dhe të kundërshtojnë tendencën e re proteksioniste të disa anëtarëve të zhvilluar.

Zv/drejtori i Institutit kërkimor të ekonomisë dhe politikës të Akademisë së shkencëave shoqërore të Kinës, z. Li Xiangyang u shpreh:

"Në këtë konferencë qendrimi i Kinës është shumë aktiv, shumë propozime të Kinës përfaqësojnë kërkesat e pjesës dërmuese të vendeve në zhvillim, në të njëjtën kohë, ajo paraqiti shumë propozime edhe për interesat e veta. Kjo tregon se mjeshtria e Kinës në bisedimet tregtare shumëpalëshe është e mirë."

Krahas pjesëmarrjes aktive në hartimin e rregullave të tregtisë botërore, Kina ka zbatuar me seriozitet edhe premtimet e saj. Gjatë 4 vjetëve, Kina ka pakësuar 4 herë taksat doganore. Niveli i përgjithshëm i taksave doganore u ul në 9,9% nga 15,3% që ishte para pranimit në OBT.

Si rezultat i pakësimit të madh të taksave doganore, vëllimi i importit i Kinës shtohet mesatarisht 30% në vit. Krahas rritjes së pandërprerë të eksportit të mallrave kinezë, janë shtuar edhe mosmarrëveshjet tregtare. Këtë vit Bashkimi Evropian dhe SHBA-ja vendosën të zbatojnë përsëri kufizimin e kuotës ndaj tekstileve kineze. Megjithatë Kina zhvilloi me ta bisedime sipas përcaktimeve të OBT-së dhe ngriti taksat doganore të eksportit të një pjese tekstilesh. Veprimet e respektimit të përcaktimeve të OBT-së nga Kina i lanë mbresa të thella përfaqësuesit të parë të Bankës Botërore në Pekin z. Bert Hofman. Ai tha:

"Gjatë vjetëve të fundit veprimet e qeverisë kineze kanë fituar admirimin e madh të të gjithëve. Përballë mosmarrëveshjeve, Kina gjithmonë vepron sipas përcaktimeve përkatëse të OBT-së, megjithëse kjo nuk është e favorshme për të."

Kina ka mbajtur një qendrim aktiv edhe në hapjen e tregut. Tani, ndërmarrjet e telekomunikacionit dhe të sigurimeve me investime të huaja mund të krijojnë lirisht në Kinë shoqëri me investime të përbashkëta, bankat e huaja mund të zhvillojnë shërbime me monedhën kineze Renminbi me ndërmarrje në 25 qytete. Sipas premtimeve përkatëse, deri në vitin 2006, Kina do të hapë plotësisht tregun bankar dhe do të heqë të gjitha kufizimet për bankat me investime të huaja.

Komuniteti ndërkombëtar ka kritikuar disa veprime të Kinës gjatë 4 vjetëve pas pranimit të saj në OBT, kritika më e ashpër është përqendruar në mbrotjen e të drejtave intelektuale në Kinë.

Ju flet Radio e Jashtme e Kinës. Të dashur dëgjues, dëgjuat korrespondencën me titull: Kina është bërë një anëtare e gjallë e OBT-së. (Pina)