dëgjoni

Zhvillimi i krahëve të punës dhe energjia janë të lidhur shumë ngushtë. Prandaj problemi i energjisë është bërë një problem i madh me rëndësi strategjike në shoqërinë e tanishme, madje ai mund të ndikojë në shpejtësinë dhe ngadalësinë e zhvillimit të ekonomisë së një vendi. Sot, gjendja e furnizimit me energji ka frenuar zhvillimin ekonomik dhe shoqëror të Kinës. Pra, zgjidhja më mirë e problemit të energjisë ka tërhequr vëmendjen e gjerë të shoqërisë kineze. Më 27 dhjetor, duke mbajtur në Pekin raportin përkatës në komitetin e përhershëm të Asamblesë Kombëtare Popullore të Kinës, zv/kryeministri i Kinës Zeng Peiyan tha se qeveria kineze do të marrë më tej masa dhe do të shpejtojë nxitjen e reformës së sistemit të energjisë për të garantuar sigurimin e energjisë.

Duke folur për gjendjen e ndërlikuar para së cilës ndodhet para sigurimi i energjisë në Kinës, ai tha se tani dhe gjatë një periudhe të ardhshme, rritja e vazhdueshme e kërkesës për energji mund t'i sjellë furnizimit me energji një trysni shumë të madhe. Mungesa e burimeve ka frenuar zhvillimin e industrisë energjetike. Teknologjia e prapambetur energjetike ka ndikuar mbi ngritjen e aftësisë së furnizimit me energji."

Zv/kryeministri Zeng Peiyan është i mendimit se struktura e tanishme e energjisë kineze me qymyrgurin si kryesor nuk favorizon mbrojtjen e mjedisit. Njëkohësisht furnizimi me energji në Kinë ka pasur ndikim të madh nga ndryshimi i tregut ndërkombëtar të energjisë. Në rrethana të tilla, marrja e masave për sigurimin e energjive është një nga detyrat kryesore të punës së ardhshme të qeverisë kineze. Duke folur për një sërë masash të qeverisë kineze, ai tha se për të mbrojtur dhe për të garantuar sigurimin e energjisë, duhet të nxitet plotësisht kursimi i energjisë, të shtohet furnizimi me energji i vendit, të forcohet sigurimi i prodhimit të energjisë, të ngrihet pandërprerë niveli i teknologjisë energjetike, të zgjerohet më tej bashkëpunimi ndërkombëtar në fushën energjetike, të shpejtohet nxitja e reformës së sistemit energjetik dhe të forcohet përmirësimi i legjislacionit të energjisë.

Si një nga masat për sigurimin e energjisë, zv/kryeministri Zeng Peiyan ka sqaruar pikat kryesore të thellimit të reformës së sistemit energjetik.

Reforma e çmimit të energjisë është edhe një nga pikat kryesore të reformës së sistemit energjetik të Kinës. Tani, çmimi i llojeve kryesore të energjisë në Kin, si çmimi i naftë, është i drejtuar nga qeveria. Komuniteti ndërkombëtar shfaqi një vëmendje të madhe për përcaktimin e sistemit shkencor të administrimit të çmimit të energjisë në Kinë dhe për krijimin e sistemit racional të çmimit të energjisë. Disa specialistë janë të mendimit se reforma e çmimit të energjisë në Kinë ka të bëjë me zhvillimin e vazhdueshëm të llojeve të energjisë në Kinë.

Kina do të nxitë në mënyrë të qëndrueshme dhe pozitive reformën e çmimit të energjisë për të vendosur një çmim racional të energjisë.

Siç mësohet, vitin e ardhshëm, Kina do të zhvillojë reformën e çmimit të naftës, energjisë elektrike, ujit, gazit natyror, qymyrgurit dhe të burimeve të tjera.

Për të krijuar një sistem furnizimi me energji të qëndrueshme, ekonomike, të sigurt dhe të pastër, qeveria kineze do të nxitë plotësisht kursimin e energjisë dhe do ta konsiderojë përmirësimin e strukturës së energjisë si detyrë kryesore të sigurimit të furnizimit me energji. (Sihai)