Ceremonia e hedhjes së shortit u zhvillua në mëngjes herët sipas orës së Pekinit, por prapëseprapë miliona adhurues kinezë të futbollit e panë emisionin e transmetuar drejtëpërdrejtë në television. Ndërsa shumë të tjerë që nuk e panë drejtëpërdrejt emisionin u njohën me rezultatin e hedhjes së shortit me t'u ngritur në mëngjes nëpërmjet televizionit, radios dhe internetit. Studenti i Universitetit të Edukimit Fizik të Shangait, Lin Feng tha:

"Atë ditë në mëngjes, u ngrita herët dhe gjëja e parë që bëra ishte kërkimi në internet i rezultatit të ndarjes në grupe, bile nuk lava as dhëmbët."

Kina është një vend i madh i pingpongut, por në fakt tifozët kinezë të sportit janë më shumë entuziastë për futbollin se për pingpongun. Edhe numri i tifozëve të futbollit e ka kaluar shumë atë të pingpongut. Tani në çdo qytet kinez të madh dhe të mesëm, në fundjavë shihen ndeshjet e transmetuara drejtëpërdrejt nga 5 liga evropiane e të futbollit. Seria A e Italisë dhe premier liga e Anglisë në futboll janë veçanërisht të parapëlqyera nga tifozët kinezë. Kupa Botërore dhe Kampionati Evropian janë bërë festa të tifozëve kinezë të futbollit. Disa skuadra të fuqishme tradicionale, si Brazili, Italia, Argjentina, Holanda, Anglia dhe të Gjermania, mund të gjejnë shumë përkrahës edhe në Kinë. Megjithëse në 32 skuadrat e Kupës Botërore të Futbollit të vitit 2006 nuk përfshihet skuadra kineze, fati i këtyre skuadrave që u përmendën tërheq edhe vëmendjen e tifozëve kinezë të futbollit.

Në ditën e publikimit të shortit të ndarjes së grupeve, shumë tifozë kinezë të futbollit shprehën emocionet e tyre në internet. Në forumin "Anglia e përhershme", organizuar nga tifozët kinezë që përkrahin skuadrën angleze, ndjehej një atmosferë e gëzueshme. Në fjalët e tyre, tifozët ishin të një mendimi se kësaj here Anglia ka një short jashtëzakonisht të mirë dhe ka shpresë të madhe për hyrjen në 4 vendet e para. Përkundrazi, përkrahësit e skuadrës së Argjentinës u mërzitën shumë, sepse kjo skuatër u përfshi për të dytën herë me radhë në "grupin e vdekjes", pas Kupës Botërore të Koresë së Jugut dhe të Japonisë. Një tifoz pyeti plot inat: "Pse përsëri Argjentina?"

Vëmendja e madhe e shfaqur nga tifozët kinezë të Kupës Botërore të Gjermanisë i ka detyruar mediat kineze sportive të forcojnë reportazhet për këtë kupë, për të ngritur përqindjen e audiencës ose vëllimin e botimit. Televizioni Qendror i Kinës ka planifikuar të transmetojë drejtëpërdrejtë 64 ndeshjet, ndërsa numri i përgjithshëm i gazetarëve kinezë për raportimin e kësaj kupe do të jetë mbi 300.

Gazeta Beijing Wanbao është gazeta me vëllimin e parë të botimit në Pekin. Kryeredaktori i redaksisë së sportit të kësaj gazette Ly Huimin tha:

"Sipas përvojës së kaluar, Kupa Botërore të Futbollit ka tërhequr gjithëmonë vëmendjen e tifozëve kinezë, pra vitin e ardhshëm do të dërgoj 3 gazetarë për intervista në Gjermani dhe do të shtoj faqet për këtë kupë."

Krahas mediave, entuziazmi i tifozëve kinezë nxit edhe shumë degë të tjera, si reklamat, turizmin në Gjermani, etj.

Ashtu si në shumë vende evropiane, ndjekja e ndeshjeve të futbollit nëpër bare është bërë një mënyrë dëfrimi për tifozë kinezë. Rruga Houhai është e njohur për bare. Tani shumë bare atje po bëjnë riparime ose zgjerim. Një pronar bari tha se periudha gjatë ndeshjeve për Kupën e Botës në Gjermani do të jetë një kohë e artë për funksionimin e barit. Atëherë, në barin e tij do të ketë shërbime të ndryshme lidhur me kupën e botës për të tërhequr sa më shumë tifozë të futbollit. (Wang Lei)