Disa kohë më parë, u organizua në Pekin një panair financiar, ku morën pjesë rreth 70 njësi financiare të Pekinit, si ato të bankës, sigurimit shoqëror, obligacioneve, fondeve, kredive, tregtisë së mallrave paraprake dhe të huasë me peng, të cilat demonstruan para vizitorëve produktet dhe shërbimet e tyre të reja në lëmin e administrimit të punëve financiare.

70% e banorëve presin të kenë këshilltarë financiarë

Kurorëzimi me sukses i këtij panairi pasqyroi shtimin e kërkesës së shoqërisë për këshilltarë financiarë. Sipas të dhënave statistikore të sektorëve përkatës, deri në fund të korrikut të vitit 2005, vëllimi i depozitimeve bankare të banorëve kinezë arriti në 13 trilionë e 370 miliardë juanë dhe vëllimi i obligacioneve të huasë shtetërore arriti në 2 trilionë e 500 miliardë juanë. Duke pasur e më shumë para, banorët nuk kënaqen më me fitimet nga kamata bankare, por i hedhin sytë një tregu financiar, duke shpresuar se do të nxjerrin më shumë fitime nga ky treg. Sipas rezultateve të një ankete, që bëri Stacioni kinez i anketave shoqërore në qytetet Pekin, Shangai, Tiencin dhe Guangzhou, 70% e banorëve interesohen për administrimin financiar familjar dhe rreth 50% e tyre thanë se kanë nevojë për shërbime në këtë drejtim. Konkluzioni i një ankete, që publikoi Qendra Shtetërore e parashikimit të së ardhmes së ekonomisë, tregon se rreth 70% e banorëve kanë dëshirë të kenë një këshilltar financiar për familje.

Por më parë, gjendja e vërtetë në Kinë nuk përputhej me këtë kërkesë, sepse në Kinë nuk pati shumë persona që ishin të denjë të quheshin financierë të specializuar dhe të vërtifikuar. Sot jo vetëm banorët e thjeshtë kinezë kanë nevojë për administratorë profesionistë të punëve financiare, por edhe njësitë financiare bëjnë thirrje që të përgatiten sa më parë administratorë profesionistë të punëve financiare. Zv-drejtori i Bankës Industrialo-tregtare Kineze, zoti Zhang Furong tha se, qysh në fund të viteve 90 të shekullit të 20-të, bankat e tregtisë, kompanitë e sigurimit shoqëror dhe kompanitë e tregtimit të aksioneve filluan të zgjerojnë shërbimet për "administrimin financiar", por ngaqë mungonin standardet përkatëse dhe administratorët e specializuar, puna e shumicës së njësive financiare mbeti në një nivel relativisht të ulët.

Dalja e grupit të parë të administratorëve kinezë të punëve financiare

Më 23 gusht të vitit 2005, investuesit dhe njësitë financiare kineze pritën administratorët e vet të grupit të parë të punëve financiare, që quhen në arenën ndërkombetare "AFP". Organizata ndërkombëtare e administratorëve të punëve financiare, që quhet "CEP", së bashku me Komisionin kinez të standardeve të administrimit financiar, u dhanë mandate administratorëve kinezë të punëve financiare të grupit të parë, që kaluan vërtetimin e kualifikimit. Po më 23 gusht të vitit 2005, komisioni kinez i standardeve të administrimit financiar u pranua zyrtarisht në komisionin ndërkombëtar të standardeve të administrimit financiar.

Në grupin e parë të administratorëve kinezë të punëve fincanciare, që quhen AFP, përfshihen 379 veta, të cilët janë respektivisht nga Banka Industrialo-tregtare Kineze, Banka Zhongguo, Banka Kineze e Ndërtimit, Banka Guangda Kineze dhe Banka Pudong Fazhan e Shangait. 167 veta prej tyre janë nga Banka Industrialo-tregtare Kineze. Kryeari i Komisionit Kinez të Standaardeve të administrimit Finannciar, zoti Liu Hongru tha se siç parashikohet, grupi i parë i administratorëve kinezë të financave ndërkombëtare, që quhen CEP, do të përcaktohet në vitin 2006.

Zoti Liu tha se Kina ka marrë shembull nga praktika e organizatas financiare ndërkombëtare për vërtetimin e kualifimit të administratorëve të punëve financiare, sepse kjo organizatë ndërkombëtare ka përcaktuar norma të rrepta të moralit profesional, një sistem të përsosur të specializimit dhe një procedurë të standardizuar të punëve financiare. Sipas dispozitave përkatëse të regullave, që ka hartuar Komisioni Kinez i Standardeve të administrimit Financiar, të gjithë administratorët e punëve financiare, qofshin AFP apo Cep, do të vërtetohen si të kualifikuar vetëm atëherë, kur ata kanë arritur standardet e edukimit kulturor, të provimeve, të përvojës në praktikën e punës dhe të moralit profesional.

Administrimi i punëve financiare ka nevojë të përputhet me normat ndërkombëtare

Meqenëse shërbimet financiare në Kinë kanë filluar vonë, na shtrohet përballë një sfidë serioze. Zv-drejtori i Bankës Zhongguo, zoti Hua Qingshan ka vënë në dukje se tani në Kinë, numri i popullsisë së qyteteve ka arritur në 400 milionë. Sipas nivelit ndërkombëtar, në qoftë se një administrator i punëve financiare përgjigjet për 200 banorë, në Kinë duhen 100 mijë punonjës të tillë. Kryetari i komisionit ndërkombëtar të standardeve të punëve financiare, zoti Elaine Bedel është i mendimit se, meqenëse shërbimet financiare në Kinë kanë sferë të gjerë veprimi, përpjekjet për t'u përputhur me normat ndërkombëtare në këtë fushë janë shumë të dobishme për komunikimin midis Kinës dhe vendeve të tjera. (Zheng)