dëgjoni

Në distriktin Shule të zonës Kashi të Sinjiangut jugor janë shumë të përhapura tregimet mbi ndihmën që i ka dhënë reparti N i Ushtrisë Popullore Çlirimtare Kineze fshatit Shiliucun në pasurimin e fshatarëve. Ky repart ka dërguar 4500 oficerë dhe ushtarë për të ndihmuar fshatarët në mbjelljen e 38 mijë drurëve, në ndërtimin e një brezi pyjor 10 kilometra të gjatë, në kultivimin e 2 hektarëve të pyllit ekonomik, në hapjen e 30 hektarëve toka të reja, në krijimin e ndërmarrjeve të fshatit dhe ndërmarrjeve private të qilimave, kostumeve kombëtare, të tullave, të riparimit të veglave bujqësore etj. Si rezultat, të ardhurat mesatare për frymë të gjithë fshatit kanë arritur në 1850 juanë dhe i gjithë fshati ka marrë një pamje krejt të re.

Kashi është një zonë ku bien shpesh tërmete. Gjatë 100 vjetëve të fundit këtu kanë rënë mbi 40 herë tërmete mbi 6 ballësh. Në vitin 2004, administrata qeveritare e Rajonit Autonom të Sinjiang-ujgurit hartoi planin, sipas të cilit do të investohen 5 miliardë e 200 milionë juanë në transformimin e shtëpive të vjetra në shtëpi rezistente ndajt tërmetit. Në vitin 2004, 5731 familje hynë në shtëpi të reja dhe në fund të këtij viti edhe 12340 familje të tjera do të kenë shtëpi të reja.

Qyteti Shenzhen me 500 mijë juanë ndërtoi një shtëpi të moshuarish në distriktin Jiashi, ku jetojnë 40 moshuar. Mosha e tyre mesatare është 60 vjeç, ndërsa më i vjetri 87 vjeç. Këtu ka banjë, sallë argëtimi, dhe 10 punonjës, duke përfshirë mjekë, përgjigjen për shëndetin dhe jetën e këtyre të moshuarve.

Të dashur dëgjues, në periferinë e qytetit Yining ndodhet një lagje komode, ku jetojnë 60 familje, të cilat janë pasuruar të parat duke u marrë me biznes dhe me degët e industrisë së shërbimeve. Të ardhurat e tyre vjetore janë mbi 100 mijë juanë, ndërsa çdo familje duhet të paguajë për shtëpi 250 deri 300 mijë juanë

Fshati Ayidun në periferinë jugore të qytetit Yining ka epërsi gjeografike dhe transporti, duke e shfrytëzuar mundësinë e krijuar nga zhvillimi i shpejtë i ekonomisë së qytetit dhe nëpërmjet përpjekjeve mbi 10 vjeçare, është bërë tashmë baza më e madhe e luleshtrydheve e qytetit Yining, ku janë zhvilluar shumë shpejt ndërmarrje industriale dhe me të ardhura më të mëdha nga turizmi. Në vitin 2004, të ardhurat mesatare për frymë të fshatit Ayidun arritën në 3550 juanë, ndërsa të ardhurat mesatare vjetore të 40% të 317 familjeve të këtij fshati ishin mbi 40 mijë juanë.

Edhe në periferinë jugore të qytetit Jichang ndodhet një fshat komod me emrin Nanvugong Ercun. Në vitin 2002, me 33 milionë juanë u ndërtuan 176 vila dhe 174 shtëpi në të dy anët e bulevardeve. Kur shkoi për vizitë në këtë fshat, korrespondenti pa nga afër ndërtesa të rregullta 2 katëshe, rrugë të sheshta, kudo rriteshin për bukuri drurë të vegjël dhe kishte livadhe të bleruara, dhe çelnin lule të bukura. Të ardhurat mesatare për frymë të këtij fshati arritën në 5500 juanë. Sot jeta e tyre admirohet shumë nga qytetarët. Ja, pra reforma, hapja dhe zhvillimi ekonomik i ka sjellë jetës së fshatarëve ndryshime kolosale. (Pina)