Ju flet Radio e Jashtme e Kinës. Ju përshëndes përsëri në rubrikën "Fakte nga jeta". Në programin e sotëm, do t'ju flas për qytezën Baigou, që është e njohur për shitjen e valixheve.

Ditët e fundit, në Ya Bao Lu të Pekinit mund të shihni shumë valixhe të markave të ndryshme që prodhohen në Baigou të provincës Hebei. Sipas specialistëve, ky është "Fenomeni Baigou".

Baigou ka qenë port i njohur dhe qendër e shpërndarjes së mallrave në veri. Gjatë periudhës së ekonomisë së planifikuar, ai ishte shumë i varfër, sepse kishte shumë njerëz por pak tokë. Në vitin 1971, disa fshatarë prodhuan me lëkurë artificiale mbushje të ndenjëseve të biçikletave dhe rrjeta. Ata fitonin shumë para, prandaj më pas edhe fshatarë të tjerë vendas i imituan për të fituar edhe ata.

Në fillim të viteve '80 të shekullit të kaluar, duke u mbështetur mbi shitjen e valixheve, biznesi i Baigou-t u zhvillua shumë dhe gradualisht u bë një qytezë biznesi shumë e njohur në Kinë.

Por në atë kohë biznesi në Baigou zhvillohej në bazë të mallrave të kopjuara. Pronari i kompanisë Steli që prodhon produkte lëkure u shpreh se në vitet '80 nuk kishim njohuri për markat, prandaj shisnim produkte të markave të njohura. Kështu emri i biznesit të Baigou-t u dëmtua. Prandaj, për një periudhë të gjatë, kur përmendej Baigou, njerëzit e lidhnin atë me mallrat e falsifikuara.

Ya Bao Lu është tregu më aktiv i tregtisë së jashtme në Pekin, ku ka shumë mallra kineze me çmim të ulët dhe cilësi të mirë që shiten me shumicë jashtë Kinës. Sekretari i partisë komuniste të qytezës Baigou, Li Hongqiang tregoi se tani ka valixhe të 24 markave që shiten në Ya Bao Lu. Ai dëshiron që të shesë valixhe në tregun ndërkombëtar.

Siç mësohet, shitja në Ya Bao Lu e valixheve të prodhuara në Baigou ka tërhequr një numër të madh tregtarësh nga Rusia, Lindja e Mesme etj. Tani, çdo ditë shiten mesatarisht më shumë se 30 mijë valixhe jashtë Kinës.

Para 10 vjetëve, specialisti i biznesit Tang Chao ka qenë në Baigou. Ai ka përshtypje të thella për situatën e atëkohshme. Ai tha se tani ka më shumë se 600 marka valixhesh në Baigou, kështu që Baigou quhet "Qyteti i valixheve". Gjatë këtyre viteve, situata ekonomike ka ndryshuar, sepse qeveria e ka shfrytëzuar mirë ekonominë e tregut, duke nxitur zhvillimin e biznesit në Baigou.

Li Hongqiang tha se për shkak se qeveria lokale i kushton rëndësi efektit të markës, koncepti i markës është futur në mendjen e gjithë banorëve të Baigou-t. Nga fundi i vitit 2002, shumë njerëz filluan të regjistrojnë marka. Deri tani ka më shumë se 600 marka të regjistruara në Baigou.

Në Baigou, qytezë me një popullsi më pak se 50 mijë, ka 100 mijë punëtorë. Në rajonet e afërta, ka 300 mijë njerëz që përgjigjen për industrinë e valixheve. Sasia e shitjes në vit arrit në 13 miliardë yuanë. Tani ka një shprehje që thotë "Në jug është Yi U dhe në veri Baigou".

Në vitin 2004, përqindja e valixheve të Baigou-t në treg arriti në 35%. Në fillim të vitit 2003, të gjithë njerëzit në Baigou diskutonin rreth temës "Ndërmjet dy tregjeve, të zhvillojmë Baigoun", e cila vazhdon ende edhe sot.

Pas diskutimeve të zjarrta, banorët e Baigou-t ishin të mendimit se epërsia e Baigou-t në konkurrencën e industrisë së valixheve duhet të luajë një rol të rëndësishëm jo vetëm në Kinë, por edhe në botë.

Li Hongqing bëri të ditur se pasi të përfundojë përmirësimin e cilësisë së produkteve të markave të veta, Baigou duhet të bëhet një "qytet botëror i valixheve". Shitja e valixheve në Ya Bao Lu të Pekinit është vetëm etapa e parë e zhvillimit. (U Sen)