dëgjoni

"Bursa e komunikimit masiv Dumeng e Universitetit Qinghua" dha çmime

Në ceremoninë e dhënies së çmimeve të "Bursës së komunikimit masiv Dumeng të Universitetit Qinghua", 7 studentë të Institutit të Informacioneve dhe Komunikimit të Universitetit Qinghua fituan përkatësisht çmime të 3 shkallëve. Ndër to një student fitoi edhe të drejtën të shkojë në Programin e Sidës të OKB-së në Gjenevë për një praktikë 3 mujore.

"Bursa e komunikimit masiv Dumeng e Universitetit Qinghua" u krijua vitin e kaluar nga specialisti i komunikimit masiv Du Meng që quhet "Ati i marrëdhënieve publike i Kinës". Çdo vit kjo bursë përcakton një temë duke kërkuar disertacione nga të gjithë studentët e Institutit të Informacioneve dhe Komunikimit të Universitetit Qinghua. Autorët e disertacioneve që fitojnë çmime do të fitojnë bursë. Tema e këtij viti është "Strategjia e komunikimit për parandalimin e Sidës në Kinë".

U zhvillua në Pekin ekspozita e veprave të piktorit të Hongkongut Xiao Huirong

Nga 20 deri më 23 dhjetor, u zhvillua në Pallatin e Konferencës Konsultative Politike të Popullit Kinez në Pekin ekspozita e veprave të piktorit nga Hongkongu Xiao Huirong. Pekini është stacioni i tetë i ekspozitës së Xiao Huirongut në mbarë Kinën. Më parë, ekspozita e tij është zhvilluar në Nankin, Hangzhou, Xian, Shantou, Shenzhen, Guangzhou dhe Hongkong.

Xiao Huirong është një piktor i famshëm nga Hongkongu dhe anëtar i Shoqatës së Miqësisë të Kinës me Botën e Jashtme. Ekspozita e tij organizohet nga Komisioni i Artit i Shoqatës së Artistëve të Kinës, Akademia e Artit e Kinës etj. dhe përmban 80 piktura.

Shoqata kineze e rinisë e Makaos vizitoi Guilinin për mësimdhënie vullnetare

Siç bëhet e ditur nga Lidhja e Rinisë e Qytetit Guilin, nga 19 deri më 24 dhjetor, grupi i mësimdhënies vullnetare i Shoqatës Kineze të Rinisë të Makaos vizitoi Guilin për të bërë dhurime, për mësimdhënie etj.

Gjatë vizitës, grupi i mësimdhënies vullnetare i dhuroi shkollës fillore Sanjiezhen të qytezës Lingchuan 250 mijë juanë për të ndërtuar një godinë mësimdhënieje me një sipërfaqe prej 540 metrash katrorë. Njëkohësisht ai u dhuroi nxënësve fshatarë shumë mjete shkollore.

Në Ningbo zhvillohet ekspozita e pikturave ruse

Më 21 dhjetor, u hap në Galerinë e Arteve të qytetit Ningbo ekspozita e pikturave ruse. Kjo ekspozitë përmban 350 vepra të shquara të mbi 40 artistëve të Institutit të Artit Repin të Rusisë dhe do të zgjatë 25 ditë.

Ekspozita e pikturave ruse organizohet nga Lidhja e Qarqeve të Letërsisë dhe Arteve e qytetit Ningbo. Qëllimi i kësaj ekspozite është "Nxitja e shkëmbimeve kulturore, forcimi i komunikimit kulturor, shtimi i miqësisë kino-ruse". (Fani)