Në vitin 2001 qeveria kineze krijoi Qendrën e Dietetikës dhe të Zhvillimit që përgjigjet për zhvillimin e aktiviteteve përkatëse për përmirësimin e gjendjes dietetike të popullit, duke përfshirë studime mbi politikën dhe ligjet përkatëse dhe popullarizimin e njohurive përkatëse. Përballë problemit të mungesës së mikroelementeve dietetike të popullit, kjo qendër zbaton metodën e shumë vendeve të tjera të botës për përforcimin e ushqimeve, për të përmirësuar gjendjen dietetike të popullit. Përforcim i ushqimeve do të thotë përfshirje e mikroelementeve dietetike në ushqimet kryesore, si miell, oriz, vaj ushqimor, në mënyrë që populli me kosto të ulët dhe në mënyrë të lehtë e të sigurt të marrë mikroelementet dietetike që i nevojiten çdo ditë.

Në vitin 2002, qyteti Lanxhou i provincës Gansu të Kinës veriperëndimore filloi punën eksperimentale për përforcimin dietetik të miellit. Sipas gjendjes dietetike të banorëve vendës, në miellin e përforcuar përzihen edhe elemente dietetike, të hekurit, të zinkut dhe të vitaminës E. Mbi një mijë fshatarë në periferinë e qytetit Lanxhou kanë ngrënë më dëshirën e tyre miellin e përforcuar dietetik.

Në fillim fshatarët nuk e ndienin se ky miell kishte ndryshim nga mielli i zakonshëm, sepse shija e tyre ishte e njëjtë. Por pas tre vjetësh ata i kanë ndjerë ndryshimet. Fshatarja Chen Guilan i tha korrespondentit: " Më parë i kisha sytë të thatë, lëkurën të thatë në këmbë e në krahë, nuk e ndieja veten të mirë dhe sëmuresha lehtë nga të ftohtit. Pas ngrënies së miellit të përforcuar, këto shenja klinike u zhdukën dhe e ndiej veten të gjallëruar."

Duke pasur parasysh këto ndryshime për mirë, gjithnjë e më shumë fshatarë të provincës Gansu filluan të hanë miellin e përforcuar. Zoti Y Shiaodong nga Qendra Shtetërore e Dietetikës, u shpreh se mielli është një nga ushqimet kryesore të popullit kinez, dhe përforcimi dietetik i miellit sipas kërkesave dietetike të banorëve të rajoneve të ndryshme të vendit është një rrugë ekonomike dhe e sigurt për përmirësimin e gjendjes së tyre dietetike. Tani në 19 provinca të Kinës shitet miell i përforcuar. Ditët e fundit filloi të shitet edhe orizi i përforcuar. Sipas njoftimeve, në të ardhmen sektorët përkatës të Kinës do të vazhdojnë punën për përforcimin e ushqimeve, si të vajit, të kripës, të salcës së sojës etj dhe e këshillojnë popullin të hajë më shumë nga këto ushqime të përforcuara dietetike. Z. Y Shiaodong propozoi që qeveria të bëjë përpjekje më të mëdha në këtë drejtim. Ai u shpreh se qeveria duhet të forcojë punën në këto dy drejtime: e para, të nxitë popullarizimin e ushqimeve dietetike për të mbushur mungesën dietetike të popullit dhe e dyta, kjo punë duhet të forcohet në rajonet e varfra, të përmirësohet gjendja dietetike e banorëve të këtyre rajoneve, e të ngrihet cilësia fizike e tyre.

Për arsye se mungesa e njohurive dietetike është një nga shkaqet kryesore të gjendjes jo të mirë dietetike të popullit kinez, specialistët përkatës vunë në dukje se në Kinë duhet të krijohet sa më parë një sistem këshillimor nga dietologët, në mënyrë që populli të ndihmohet nga dietologët profesionistë në fushën dietetike, ashtu siç, kur sëmuret, shkon te mjekët e spitalit. ( zhang )