Kina është një vend me shumë kombësi. Kombësia hane ka popullsinë më të madhe në Kinë. Gjuha e kombësisë hane dhe shkrimi i saj janë gjuhë e shkrim zyrtar i Kinës. Përveç kombësisë hane Kina ka edhe 55 kombësi të tjera, shumica e të cilave kanë gjuhët dhe shkrimet e tyre, madje disa prej tyre kanë më shumë se dy gjuhë e shkrime. Tani në Kinë numërohen mbi 80 gjuhë dhe 20 shkrime të pakicave kombëtare. Kombësia mongole e sipërpërmendur, jo vetëm ka gjuhën dhe shkrimin e vet, por krahas zhvillimit të kohës, në gjuhën e kombësisë mongole janë përfshirë edhe shumë fjala e shprehje të reja.

Por gjendja e gjuhëve e të shkrimeve të disa pakicave të tjera kombëtare nuk është optimiste. Kënga që po dëgjoni është e incizuar gjatë një ceremonie fetare të kombësisë mançure në Kinën verilindore. Megjithëse tani në Kinë numërohen mbi 10 milionë banorë të kombësisë mançure, ka pak banorë të kësaj kombësie që mund të flasin me gjuhën e tyre nacionale.

Gjuha e kombësisë mançure, e përdorur gjerësisht para 200 vjetëve, ka qenë një nga gjuhët zyrtare të dinastisë Çin të Kinës. Me përfundimin e sundimit të dinastisë Çin, gjuha e kombësisë mançure nuk u përdor nga shumë njerëz, por kanë mbetur mjaft materiale të gjuhës mançure. Për t'u njohur më mirë me historinë, sektorët përkatës të Kinës kanë hartuar një plan të hollësishëm, kanë organizuar studiues në mbarëvajtjen e sistemimin e gjuhëve të pakicave kombëtare, si të kombësisë mançure etj, dhe kanë botuar fjalorë përkatës. Edhe shumë personalitete të qarqeve popullore të Kinës, dashamirës të gjuhëve të pakicave kombëtare, kanë bërë përpjekje të mëdha në këtë drejtim.

Shefja e Zyrës së gjuhëve e të shkrimeve të pakicave kombëtare të Komisionit Shtetëror të Kinës për Çështjet Nacionale, zonja An Çinping u shpreh:

" Në Kushtetutën e Kinës dhe në Ligjin e Autonomisë Rajonale Nacionale të Kinës janë përcaktuar qartë e drejta dhe liria e pakicave kombëtare për përdorimin e gjuhëve dhe të shkrimeve të tyre. Nuk lejohet shmangia dhe ndryshimi me forcë i këtyre gjuhëve e shkrimeve".

Sipas të dhënave, tani në Kinë ka mbi 50 milionë banorë të pakicave kombëtare që përdorin gjuhët dhe shkrimet e tyre nacionale. Qeveria kineze ka marrë masa të ndryshme në fushat juridike, administrative, arsimore dhe të mjedisit shoqëror për garantimin e përdorimit të gjuhëve e të shkrimeve të pakicave kombëtare. P.sh. gjatë sesioneve vjetore të Asamblesë Kombëtare Popullore hartohen dokumente si në gjuhën zyrtare, ashtu edhe në gjuhët e kombësive mongoleze, tibetiane, ujgure, kazake, koreane, xhuan dhe yi, këtyre pakicave kryesore kombëtare të Kinës.

Për të përsosur pandërprerë gjuhët dhe shkrimet e pakicave kombëtare, që nga vitet 50 të shekullit të kaluar qeveria kineze ka bërë hetime e studime mbi këto gjuhë e shkrime dhe kanë sistemuar materiale përkatëse. Si në institucione qendrore, ashtu edhe në ato krahinore janë krijuar organe speciale për drejtimin dhe organizimin e punës së gjuhëve e të shkrimeve të pakicave kombëtare. Në rajonet me pakica kombëtare, nga shkolla fillore deri në shkollën e mesme të ciklit të lartë mësimdhënia mund të bëhet me gjuhët e tyre nacionale. Profesori Zhou Jiacai zhvillon leksione në gjuhën tibetiane në Institutin e Tibetologjisë të Universitetit Nacional të Kinës në Pekin.

Ai tha: " Jap leksione të historisë fetare të kombësisë tibetiane dhe të përkthimeve të gjuhëve hane dhe tibetiane. Pas diplomimit, studentët e mi merren kryesisht me popullarizimin e gjuhëve të pakicave kombëtare."

Tani në stacionet e ndryshme radio-televizive të Kinës transmetohen programe në 21 gjuhë të pakicave kombëtare dhe mbi 80 shtëpi botuese botojnë gazeta e revista në 15 gjuhë të pakicave kombëtare. ( zhang )