Me ardhjen e dhjetorit, krahinat e Kinës veriore hyjnë në stinën e bukur të rrëshqitjes me ski në borë. Më 4 dhjetor, temperatura e gjithë ditënatës në Pekin ishte nën zero, gjë që krijoi record për temperaturën e ulët në Pekin gjatë 50 vjetëve të fundit. Megjithatë, Sheshi i Rrëshqitjes me Ski, Longfengshan, që ndodhet në periferinë perëndimore të Pekinit, priti mbi 1 mijë klientë. Punonjësi i këtij sheshi skish, z. Gao i tha korrespondentit të Radios së Jashtme të Kinës:

"Që nga dhjetëditëshi i fundit i nëntorit, pritëm 1 mijë deri 2 mijë vizitues në ditë. Po jemi ende në fillim të dimrit, më vonë do të kemi më shumë klientë."

Ky fenomen nuk është i habitshëm. Vitet e fundit, entuziazmi i kinezëve për rrëshqitjen me ski është ngritur shpejt dhe si rezultat, numri i shesheve të skive dhe i skiatorëve është rritur me shpejtësi. Shkalla e përhapjes së sportit të skive në një vend pasqyrohet nga numri i shesheve për ski. Zv/sekretari i përgjithshëm i Shoqatës së Sportit të Skive të Kinës An Linbin i tha korrespondentit të radios sonë se numri i shesheve për ski në Kinë u shtua nga më pak se 10 në vitin 1996 deri në mbi 200 në kohën e sotme. Ai tha:

"Industria e sportit të skive është zhvilluar shpejt vitet e fundit. Në mesin e viteve të shekullit të kaluar, kishim vetëm disa sheshe për stërvitjen e skitarëve profesioniste, kurse tani sheshet për ski, të mëdha dhe të vogla, janë shpërndara në 15 provinca, rajone autonome dhe qytete të varura direkt nga qendra të Kinë."

Mësohet se në të kaluarën sheshet e skive në Kinë përqëndroheshin kryesisht në krahinat e Kinës veri-lindore, zonat më të ftohta në Kinë. Sot, duke u mbështetur te teknia e prodhimit të borës artificiale, është shtuar ndjeshëm numri i shesheve të skive në krahinat e tjera veriore me klimë relitivisht të butë, si Rajonet Autonom të Mongolisë së Brendshme dhe të Singkiang-Ujgurit, në provicën Hebei dhe në qytetin e Pekinit. Sheshet për ski me borë artificiale gjenden edhe në krahinat jug-perëndimore të Kinës, si provincat Sichuan dhe Yunnan. Në Pekin dhe në Shangai, duken edhe sheshe për ski në dhomë, të cilat mund të funksionojnë në katër stinat e vitit.

Edhe numri i pjesëmarrësve në sportin e skive është rritur shumë. Në vitin 1999, Kina kishte vetëm dhjetra mijë skiatorë, kurse në vitin 2004 ky numër i kaloi të 3 milionët. Zv/sekretari i përgjithshëm i Shoqatës së Sportit të Skive të Kinës, An Linbin është i mendimit se faktet tregojnë se sporti i skive nuk u përket më vetëm skiatorë profesionistë, por është bërë një sport masiv me pjesëmarrjen e gjerë të popullit kinez.

Zoti An është i mendimit se ngritja e sportit të skive është rezultat i progresit të shoqërisë të kineze. Sporti i skive është një disiplinë sportive me shpenzime të larta. Për ndërtimin e shesheve për ski duhen investime kolosale dhe pajisjet e skive janë shtrenjta. Në të kaluarën, mospërhapja e sportit të skive lidhej me nivelin e ulët të të ardhurave të kinezëve. Por sot, me fuqizimin e potencialit të Kinës, pavarësisht nga aftësia e ofertës së shesheve, apo aftësia e konsumit të qytetarëve, janë krijuar kushte të favorshme për përhapjen e këtij sporti.

Nga pikëpamja e tifozëve të sportit të skive, synimet e tyre janë të ndryshme. Një numër jo i vogël vizitorësh shkojnë në sheshet e skive vetëm për të fituar përvojë të re. Disa skiatorë dehen nga forca tërheqëse e rrëshqitjes me ski në dëborë. Më shumë njerëz janë të mendit se sporti i skive u jep atyre një zgjedhje për stërvitjen në dimër. Për të rinjtë që kanë lindur në vitet e `70 dhe `80 të shekullit të kaluar, nëpërmjet rrëshqitjes me ski në borë realizohet një ëndërr e tyre e fëmijërisë, pasi në këndvështrimin e tyre, rrëshqitja në një shesh skish, duke veshur xhupa skiatorësh me ngjyra të ndritshme, është simbol i begatisë dhe i suksesit.(Wang Lei)