dëgjoni

Qysh nga viti 2000, sporti i hipizmit hyri në familjen e madhe olimpike. Gjatë mbi 100 vjetëve, kjo disiplinë sportive me 6 medalje të arta dhe me pjesëmarrjen e përbashkët të njeriut dhe kafshëve, është monopolizuar nga evropianët dhe veçanërisht gjermanët. Pra, mbi sportin e hipizmit, kinezët s'kanë të drejtë për të folur. Sepse deri më sot asnjë lojëtar kinez nuk është shfaqur në pistën e garave të hipizmit në Lojërat Olimpike!

Si organizatore e Lojërave Olimpike të vitit 2008, vetëm duke plotësuar një kuotë të caktuar, dhe pa pasur nevojë të marrë pjesë në garën për të drejtën e pjesëmarrjes në Lojërat Olimpike, Kina mund të hyjnë direkt në garat e Lojërave Olimpike. Por tani për tani, asnjë kalorës kinez nuk e ka arritur këtë kuotë dhe, në të njejtën kohë, Kina nuk ka ndonjë kalë në përputhje me standardin e pjesëmarrjes në Lojërat Olimpike, prandaj hipizmi i Kinës do të gjendej në një postë të ngushtë duke mos mundur të shfaqej në Lojërat Olimpike 2008.

Por kjo gjendje e vështirë ndryshoi 900 ditë para Lojërave Olimpike të Pekinit. Kinezët lëshuan kushtrimin në drejtimi të sportit të hipizmit të Lojërave Olimpike!

Në mes të nëntorit të këtij viti, Qendra administrative e çiklizmit dhe e skermës pranë Drejtorisë së Përgjithshme Shtetërore të Sportit të Kinës, Shoqata e Hipizimit e Kinës dhe Sheshi e Hipizmit "Guri i Lumit Rein" nënshkruan në Pekin marrëveshjen e partneritetit strategjik dhe arritën unanimitetin që të krijojnë së bashku bazën e stërvitjes së Pekinit të Shoqatës së Hipizmit të Kinës. Ky bashkëpunim do të luajë një rol të paparashikuar nxitës si për hipizmin e Kinës, ashtu dhe për zbatimin e frymës "organizimi i Lojërave Olimpike në mënyrë popullore". Investimet popullore do të krijojnë një hapësirë të re për hipizmin e Kinës.

Kompania e investimeve e Pekinit Shenghuade kishte kontakte rastësore me hipizmin, por ajo vendosi ta ndihmojë Kinën në realizimin e pjesëmarrjes së saj në Lojërat Olimpike 2008. Kështu kjo kompani bëri investime në Sheshin e hipizmit "Guri i Lumit Rein", bleu nga Gjermania kuaj gare të shkallës së Olimpiadës dhe ftoi me shpenzime të shumta gjermanin Birbaum, që njihet si personi i parë i hipizmit në botë dhe si "Heroi Kombëtar" i Gjermanisë, si trajner të kalorësit më të mirë kinez Huang Zuping. "Po të hipësh në kalin e duhur, do të ndjekësh rrugën e duhur", kështu me ndihmën e forcës popullore, nuk do të mbetet më ëndërr pjesëmarrja e lojëtarëve kinezë në Lojërat Olimpike 2008.

Birbaum dhe Huang Zuping

Birbaum në garën e hipizmit

Pas zgjidhjes së problemeve të fondeve dhe të kuajve garës, sekretari i përgjithshëm i Shoqatës së Hipizmit të Kinës, Chang Wei guxon të thotë, duke ngritur gjoksin se objektivi i hipizmit të Kinës në Lojërat Olimpike 2008 është shumë i qartë që, në radhë të parë të fitojë të drejtën e pjesëmarrjes dhe pastaj të përpiqet për t'u radhitur në 8 vendet e para.

Shoqata e Hipizimit e Kinës është gati që të dërgojë kalorësit më të shquar kinezë, duke përfshirë Huang Zuping në Gjermani për stërvitjen e përqëndruar. Gjermania disponon mjedisin dhe teknikën e nivelit të parë në botë për hipizmin. Atje, ky grup i kalorësve kinezë do të përpiqet për realizimin e hapjes së faqes historike të hipizmit të Kinës.  (Wang Lei)