Në një intervistë për gazetarin e gazetës kineze "Rinminribao", zonja Livia Alm tha: "Në jetën tjetër kam qenë kineze". Livia Alm është fituese e "çmimeve të miqësisë për vitin 2005". Ajo është me flokë të verdhë dhe e veshur me një kostum me ngjyrë të kuqe të hapur. Ne nuk besojmë se ajo është 76-vjeçare. Ajo ka ardhur në vitin 1986 në Pekin, pra kanë kaluar 19 vjet që nga dita e ardhjes së saj në Kinë.

Në vitin 2005 qeveria kineze shpalli "Çmimet e Miqësisë" duke i dhënë asaj medaljen e këtyre çmimeve, e cila është pikërisht kristalizimi më i bukur i aspiratës së saj. "Kur isha vajzë e vogël, në zemrën time ishte rrënjosur një ëndërr: do të shkoj në Kinë për të parë Murin e Madh Kinez." Në sytë e saj duken ndjenjat e sinqerta, "A e dini? Kur për herë të parë shkela truallin e Kinës, më lindi menjëherë një ndjenjë e çuditshme, sikur u ktheva në shtëpinë time. Kështu unë mendoj se në jetën tjetër kam qenë një kineze," i tha ajo gazetarit.

"Fusha e studimeve dhe e kërkimeve të mia është ushqimi i shëndetshëm. Kam studiuar në Akademinë Mbretërore të Shkencave të Suedisë dhe në fakultetin e ushqimit të mjekimit të Institutit të Mjekësisë Karolinska të Suedisë," i tha gazetarit Livia Alm me titujt e doktorit të inxhinierisë mekanike dhe të mjekësisë. "Dy profesionet, me të cilat merrem unë, më kanë nxitur të mendoj se si të kontrollohen sëmundjet me ushqimet." Ajo është për ngrënien në mënyrë të drejtë të ushqimeve të shëndetshme, që të mbrohet stomaku e organet e tretjes dhe të mposhten sëmundjet. Kjo pikëpamje ka ngjallur interesimin e madh të këshilltarit Wu për çështjet tekniko-shkencore të ambasadës së Kinës në Suedi, i cili e ftoi Livia Almin të bënte një vizitë shkëmbimi në Kinë.

Me të shkelur truallin kinez, që e ka ëndërruar prej kohësh, ajo ka vajtur dhjetëra herë për drejtimin vullnetar profesional të ndërmarrjeve në qytetet Tiancin e Shangai, në provincat Jiangxi, Shandong etj. Ajo ka zhvilluar bashkëpunimin afatgjatë me Institutin e Industrisë së Lehtë të Tiancinit, me Universitetin e Produkteve Ujore të Shangait për studimin e temave shkencore të ushqimit për parandalimin e mjekimin e sëmundjeve të stomakut e zorrëve, si qumështi i sojës mikroekologjike, zarzavatet e fermentuara për forcimin e shëndetit etj., të cilat janë vënë në prodhim dhe kanë hyrë në qindra mijë familje. Livia Almi e ndien veten shumë të gëzuar se mund të bëjë disa punë për Kinë.

Nga kjo ndjenjë e thellë për Kinën, gjatë 19 vjetëve Almi ka harxhuar shumë kohë e energji për organizimin e specialistëve ekonomiko-teknikë të Evropës për t'i dhënë falas Kinës ndihmë e përkrahje teknike e intelektuale. Për Kinën ajo ka prezantuar shumë specialistë të huaj të dy "Thesareve të mëdha të talenteve" të Evropës Veriore ? Shoqatës së inxhinierëve të Suedisë dhe Organizatës së specialistëve pensionistë Suedezë. Ajo kujtoi shumë vështirësi që ka hasur në vitin 2000, kur organizata e specialistëve pensionistë suedezë ndërpreu përkrahjen financiare duke ndërprerë për një kohë edhe dërgimin e specialistëve në Kinë. Por Livia Alm tha se filozofia e saj është se dëshira realizohet vetëm me përpjekje.

"Pasi kërkova shumë ndihmë nga miqtë e mi dhe organet suedeze, më në fund u zgjidh ky problem," tha ajo. Në vitin 2001 Shoqata e inxhinierëve të Suedisë e caktoi atë si përgjegjëse e objektit të Kinës. Pas nënshkrimit të dokumentit zyrtar, kjo shoqatë vazhdoi të dërgojë specialistë në Kinë. Deri në vitin 2005 u dërguan 25 inxhinierë suedezë në Kinë, të cilët janë nga fushat elektronike, të prodhimit të letrës, të petro-kimisë etj. Megjithëse është 76 vjeçe, Livia Alm gjallërohet ende në "vendlindjen e saj të dytë" Kinë, ku ajo dëshiron të ruajë vitalitetin e saj duke ndarë gëzimet së bashku me të afërmit e saj të "vendlindjes së dytë". ( Daming )