Korrespondenti i Radios së Jashtme të Kinës njoftoi se më 19 dhjetor, u hap në Nanjing të provincës Fujian Festivali i parë Kulturor i Çajit midis dy brigjeve të ngushticës së Tajvanit. Ky fastival është një veprimtari tjetër madhështore që do të çojë përpara shkëmbimet kulturore dhe bashkëpunimin ekonomiko-tregtar midis dy brigjeve.

Qyteza Nanjing ndodhet në perëndim të qytetit Zhangzhou të provincës Fujian dhe është vendlindja e shumë emigrantëve kinezë dhe bashkatdhetarëve tajvanezë. Njëkohësisht Nanjing është një nga qytezat kryesore të provincës Fujian që prodhojnë çaj. Vëllimi vjetor i prodhimit të çajit i Nanjingut i kalon të 600 milionë juanët.

Ky festival kulturor i çajit organizohet nga qeveria e bashkisë së qytetit Zhangzhou. Gjatë festivalit do të zhvillohen ekspozita dhe shitja e çajit, simpoziumi i kulturës së çajit, shfaqe artistike popullore etj.

Më se 1000 specialistë të çajit dhe biznesmenë të ardhur nga dy brigjet e ngushticës së Tajvanit morën pjesë në ceremoninë e hapjes së festivalit kulturor. (Fani)

U zhvillua në Shantou "Simpoziumi Ndërkombëtar Akademik për sektorin kulturor dhe projektimin e arsimin artistik"

Ditët e fundit, u zhvillua në Universitetin Shantou të provincës Guangdong "Simpoziumi Ndërkombëtar Akademik për sektorin kulturor dhe projektimin e arsimin artistik". Në këtë simpozium morën pjesë dijetarë, specialistë, projektues të famshëm të ardhur nga SHBA-ja, Anglia, Republika e Koresë, Japonia, Hongkongu, Tajvani etj.

Nëpërmjet konsultimeve e shkëmbimeve, pjesëmarrësit e simpoziumit shkëmbyen mendime për zhvillimin e sektorit kulturor botëror dhe për ngritjen e nivelit të projektimit dhe arsimit. (Fani)

U hap në Suzhou ekspozita e 5-të kombëtare e dramave të shquara të fëmijëve

Ditët e fundit, u hap në qytetin Suzhou të provincës Jiangsu ekspozita e 5-të kombëtare e dramave të shquara të fëmijëve. Kjo ekspozitë organizohet bashkarisht nga Ministria e Kulturës e Kinës, Drejtoria e Kulturës e Suzhout dhe qeveria e bashkisë së qytetit Suzhou. Në këtë ekspozitë morën pjesë 20 drama për fëmijë që përfaqësojnë nivelin më të lartë të mbarë vendit në këtë fushë.

Siç bëhet e ditur, për të nxitur fuqimisht zhvillimin e dramave të fëmijëve, në vitin 1982, Ministria e Kulturës e Kinës organizoi për herë të parë ekspozitën e dramave të fëmijëve të mbarë vendit. Pas kësaj veprimtari të tilla u zhvilluan në vitin 1992, vitin 1996 dhe vitin 2000. Tani kjo ekspozitë është bërë një masë e rëndësishme në nxitje të zhvillimit të dramave për fëmijë dhe ajo është një veprimtari e rëndësishme artistike shtetërore. (Fani)