Qyteti Zhan Jiang, i rrethuar nga deti në tre anë, prodhon produkte detare me cilësi të mirë, si karkaleca deti, margaritarë, guaska deti, goca deti, kandila deti etj. Për shkak se qyteti Zhan Jiang ndodhet në Azinë jugore d.m.th në brezin tropikal, ai është bazë prodhimi kryesore e disa frutave tropikale, si e ananasit, mangos, portokallit të kuq, liçi-së etj.

Vitet e fundit, me zhvillimin e shpejtë të tregtisë së jashtme, bujqësia e qytetit Zhan Jiang po lidhet më ngushtë me tregtinë ndërkombëtare. Për të plotësuar nevojat tregtare, qyteti Zhan Jiang zbaton standartin e sigurimit të prodhimit dhe të cilësisë së produkteve.

Gjithashtu, Zhan Jiang ka prodhuar një sërë produktesh me epërsi në tregun ndërkombëtar. Tani këto produkte që më parë nuk ishin të njohura, shiten shumë shpejt në tregun e SHBA-së, të Kanadasë, të Lindjes së Mesme dhe të Azisë lindore e jugore. Kështu Zhan Jiang ka krijuar një hapësirë të gjerë për të zhvilluar bujqësinë moderne.

Në vitin 2004, sasia e eksportit të produkteve bujqësore e detare të qytetit Zhan Jiang zuri afro 5% të sasisë së përgjithshme të eksporteve. Tani eksporti i produkteve bujqësore e detare është industria kryesore për të siguruar valuta.

Duke shfrytëzuar burimet tokësore dhe detare të bollshme, sipërfaqja e mbjelljes së frutave tropikale në Zhan Jiang ka arritur në 850 mijë hektarë dhe sasia e prodhimit në vit ka arritur në 1,3 milionë tonë. Kështu qyteti Zhan Jiang quhet vendlindja e ananasit, vendlindja e mangos etj.

Firmat e frutave dhe të produkteve detare kanë pajisje të përparuara dhe teknologji të mirë. Për shembull, fabrika e konservimit të ananasit pranë kompanisë së sheqerit të Zhan Jiangut shfrytëzon pajisje italiane dhe gjermane dhe sasia e prodhimit në vit është 20 mijë tonë.

Kompania e produkteve detare Guo Lian ka një bazë ku rriten karkaleca deti, e cila zë një sipërfaqe prej 130 mijë hektarësh. Pas importimit të një linje prodhimi nga Evropa, kjo kompani ka fituar më shumë se 100 milionë dollarë amerikanë dhe është e vetmja kompani në botë që eksporton mallra pa taksë në Amerikë. Sivjet, në ekspozitën e 3-të ndërkombëtare të produkteve bujqësore, kjo kompani nënshkroi kontrata me disa kompani amerikane e spanjolle, me një vlerë prej 130 milionë dollarësh amerikanë.

Për të eksportuar më shumë mallra, të gjitha bazat e prodhimit dhe ndërmarrjet u kushtojnë shumë rëndësi standardeve të prodhimit dhe cilësisë së produkteve.

Tani drejtori i karantinës dhe i kontrollit i qytetit Zhan Jiang shfrytëzon teknika informacioni dhe teknika elektronike për të drejtuar përpunimin e lëndës së parë dhe prodhimin e produkteve, me qëllim që të kontrollojë cilësinë e këtyre produkteve.

Në shtator të këtij viti, delegacioni amerikan i Administratës së Ushqimit dhe të Barnave vizitoi disa ndërmarrje të produkteve detare të Zhan Jiangut. Pas vizitës, funksionarët e këtij delegacioni vlerësuan se këto janë ndërmarrjet më të mira në botë që kanë parë, sepse menaxhimi i tyre kryhet zbatohet shumë mirë.

Në qytetin Zhan Jiang ka 13 ndërmarrje që prodhojnë ushqime për kafshë. Ato prodhojnë 300 mijë tonë ushqime të tilla në vit. Në tregun Xia Shana, ku shiten me shumicë karkaleca që importohen nga provincat Guandong, Hainan, Guanxi dhe Zhejiang etj, sasia e shitjes vjetore të tyre është 220 mijë tonë, me një vlerë prej 5,7 miliardë yuanësh.

Tani në Zhan Jiang është formuar një industri me epërsi brenda dhe jashtë Kinës, në të cilën përfshihen rritja, transporti dhe eksporti i produkteve detare. (U Sen)